2 مرفق
انكسرت الطاسة - نموذج القيعان المدورة
صباح الفل عليكم جميعاً ..
أبلغكم اعتذارى الشديد على انكسار الطاسة ..بس ماكنش قصدى اكسرها :0023:
طبعاً انتوا بتقولوا .. انى اكيد اتجننت من السوق و اللى حاصل فيه و اليورو و اللى عامله فينا .. بس يا جماعة انا فعلاً ما اتجننتش ... الطاسة فعلاً انكسرت :0023:
طبعاً عاوزين تعرفوا ايه هى الطاسة ؟ غاليين و الطلب رخيص :0021:
الطاسة هذه هى نموذج نادر الحدوث من نماذج التحليل الفنى ...و اسمه بالانجليزى Saucer و كذلك يطلقون عليه Rounding Bottom.. او القيعان المدورة او الملتفة ..
انظروا للصورة المرفقة .. فيها شرح سريع بالانجليزى لهذا النموذج ..
و الخلاصة .. انه السعر يظل فى نزول .. ثم يدخل فى مرحلة تذبذب بسيط .. كلما ارتفع فيها السعر وقع تانى للأسفل ..و هو فى هذه الاثناء يشكل قاع الطاسة ..ثم يبدأ فى الارتفاع تدريجيا ثم يتسارع ليشكل الطاسة كاملة .
هم فى هذا الشرح يقولون ان الهدف بيكون 50% من المسافة اللى نزلها السعر قبل الارتفاع...و بنحسب هذه المسافة و ناخذ نصفها و نضيفها على النقطة اللى كسر فيها السعر حافة الطاسة.
أحم .. حاسس كأننى فى مطبخ أشرح كيفية عمل أشهى المأكولات :0023:
المهم القوا نظرة على الصورة و حاولوا تفهموها ..و التقى بكم فى المشاركة الثانية بعد الفاصل ... كونوا معنا :0023: