فرص على الماشى

[مصطفى خالد]

السلام عليكم
الرجاله عالمين ايه؟؟
اتمنى خبر الدولار الاخير (البايخ ) الى طير العملات كلها و طير فلوس بالعبيط من ناس كتير يكون عكر مزاجكم و لا حاجه
صلو على النبى
و انا قاعد على ميتا تريدر بلاقى احيانا فرص مش بطاله فقلت يا واد يا روكى بلاش نداله و قول للناس عليها يمكن حد يستفيد و يديلك دعوه و لا دعوتين ( الى مش هايدعى هاقطع عنه المصروف )
طبعا انا و لا بدى توصيات و لا بتاع الحاجات دى اكبر من خبرتى و لسه بدرى ده يا دوب تحليل للاسبوع الى جاى يمكن يطلع صح و يمكن لا
عموما انا هاحط الشارت و اقول وجهه نظرى و الى يحب بمشى معايا اهلا بيه
و من الاول كده اى حد يلاقى فرصه يحطها بس بالشارت بتاعها الموضوع ده مش يتاعى انا بس يعنى
تانى حاجه نظرا لفشلى التام فى انى اعرف طريقه كويسه لوضع ستوب لوز فكل و احد يحط الاستوب الى هو شايفه احسن

من الاول كده نشوف الدنيا عامله ايه
usd-cad الدولار - كندى
https://forum.arabictrader.com/uploa..._7214010_n.jpg
هو زوج متذبذب اوى و حاليا واقف على دعم الخط الاوسط ف البولنجر فالى يحب يشترى من السعر الحالى يحط تارجت عند 1.0500 يعنى 120 نقطه خصوصا ان الداو بيعلى و الباربوليك سار نقل النجمه يتاعته تحت و ده معناه ان التريند فى صعود و الاوامر المعلقه على الشارت

aud -usd الخروف
https://forum.arabictrader.com/uploaded/29482_123s.gif
هو حاليا على الديلى و الويكلى وصل لمقاومه كويسه زى ماهو باين فى الشارت لكن بصراحه اخاف اقول اعملو بيع ماركت عشان الشمعه دى سهل تكمل لفوق خصوصا ان الباربوليك مدى تريند صاعد و كمان قوى بس الى يحب يجرب المقاومه دى يحط تارجت صغير يعنى 30 او 40 نقطه بس حلوين
ان شاء الله اول يومين يبيبنو صاعد و لا هابط و كده كده ادينا حاطين الامر المعلق بتاعنا

eur-jpy اليورو ين المجنون الصغير
https://forum.arabictrader.com/uploa...2_12fcfc3s.gif
امر البيع الموجود انا مش واثق فيه بس حطيتله لهواه المخاطره خصوصا ان السعر احترمه الاسبوع الى فات و الزوج على الديلى مش مدى اتجاه واضح
انما امر الشراء فده ان شاء الله محترم جدا


طبعا باقى الازواج زى اليورو دولار و المجنون و الكيبل و الدولار ين مقدرتش الاقى عليهم فرص محترمه
فقلت الفوركس زى البحر الفرص مش هاتخلص

و نلتقى الاسبوع الى جاى على خير ان شاء الله

[kale2010]

[مصطفى خالد]

ميرسى على الورده
حقيقى دى و لا بلاستيك؟؟


ايه رايك فى الفرص بس بجد

[مصطفى خالد]

فرصتين على السريع على الخروف و اليورو دولار
https://forum.arabictrader.com/uploa...2333333d3s.gif

https://forum.arabictrader.com/uploa...82_112223s.gif

[مصطفى خالد]

معلش الفرص طولت اوى اوى النهارده ده احنا داخلين فى 11 ساعه و الخروف مش بيتحرك خاااااااااااااااااااااالص
و اليورو دولار قرب من الهدف
الدنيا نايمه خاااااااااااالص بسبب اجازه بنوك امريكا
اول مره صفقه بالتارجت ده تقعد الفتره دى كلها
حاجه تزهق

[مصطفى خالد]

اف اخيرا السوق بدا يتحرك شويه
ادى اليورو دولار ضربت البروفيت و عدت كمان
مبروك 34 نقطه خضرا
عقبال الخروف الى ميت هو كمان

[مصطفى خالد]

فى فرصه شرا للمجنون دلوقتى بتارجت 20 لحد 25 نقطه
بس انا مش بحب المجنون عشان اسبريد عالى
الى يحب بدخل بدخل على مسئوليته

[smasem66]

اعتقد اليوم المتاجره تعتبر خطا لاجازاه اسواق امريكا بكره
انا بفضل المتاجره من بكره ويكون افضل كمان بكره بالليل بعد جلسه امريكا بتاعة العصريه

[مصطفى خالد]

كلامك صح يا سمسم
بس الفكره انه مش خطا
الفكره انه بطى مش اكتر


عموما للراجاله المتابعين مبروك تارجت صفقه المجنون 23 نقطه خضرا منوره

اما بالنسبه للخروف فعمل معانا حركه نص كم نزل نزل و قرب من الهدف و رجع تانى
عموما انا هاقفله بتعادل جبنا الاسبريد عشان محبش انام و سايب صفقات مفتوحه بتجيلى كوابيس
الى يحب يقعد براحته بس انا مضمنش اتجاه ايه بعد كده

مبروك صفقتى المجنون و الملك بصافى 57 نقطه
و الخروف دخلنا و خرجنا بتكاليف الصفقه و مكسب و خساره صفر بعد ما كانو 20 نقطه فى ايدينا

بس الى عجبنى النهارده ان اليورو دولار عدا التارجت بتاعنا ب50 نقطه و اكتر
معلش حطيت تارجت قريب شويه

بس كنت عايز اسال بس هو فى حد متابع؟؟

[smasem66]

متابع معاك بس مدخلتش في الصفقات لان مكانش ليا نيه ادخل في صفقه انهارده

انا مبمانعش ان الصفقه تبات عندي اكتر من يوم في صفقات قدعت مفوتحه عندي اسكتر من اسبوع لاني باستخدم نسبه مخاطره معقوله تريحلي اصعابي وباقبل بمكسب قليل التارجت بتاعي 600 نقطه في الشهر وبادخل بواحد لوت ميني (10 مايكرو) لكل 1200 دولار من الحساب تقريبا مهما كنت واثق من الصفقه والتارجت بتاعي بيكون غالبا من 40 ل 80 نقطه حسب وضعيه السوق

لكن الاسابيع الاخيره ديه السيوله ضعيفه والتداول بطئ الى حد كبير والسوق ماشي بشكل عرضي فالتارج بتاعي في حدود 30 ل 50 نقطه

مبحبش الصفقات اللي تضطرني اني اكون قاعد لازق قدام الشاشه احب اعمل صفقه بدون ستوب لووز لحظي واحط التارجت واقوم من على الجهاز وامارس حياتي عادي وكل متيجي فرصه ادخل القي نظره فقط

والستوب لووز بتاعي سعر وزمن يعني اغلاق اسفل وفوق خطوط دعوم ومقاومه قويه اغلاقات يوميه عشان كدا الستوب لووز باعمله بشكل يدوي لاني ضد الستوب للوز اللحظي المتحدد دا تماما لانه بيساعد المتحكمين في السوق على الحصول على اموالك لانك بيقصدوا يضربوا مراكز الستوب لووز بتاعه صغار المستثمرين وبعدها بكام ساعه السعر يرجع يعكس تاني وياكلوها هما طالع نازل


السوق اليومين دول عرضي جدا ومتذبذب جدا والسياسه الحكيمه اليومين دول انك تمشي عكس منظر السوق يعني لو السوق طالع انتظر لما يتشبع بالطلوع ويخلصع مداه اليومي وبيع من فوق ولما ينزل انتظره لما يخلص نزلته واشتري من تحت واشتغل على الازواج اللي قريبه من دعوم ومقاومات قويه عشان تعرف تعمل ستوب لووز كويس

انصحك تبعد عن اليورو الاسترليني اليومين دول لانم ماشيين بعشوائيه كبيره وننتظرهم لما ياخدوا اتجاه واضح غالبا شهر 9 الحالي كله السوق هيبقا صعب واللي يحقق مكاسب صغيره يحمد ربنا عليها لان فيه ناس هتخسر محافظها في الشهر دا كتير خصوصا اصحاب المخاطرات العاليه بتوع الدخول ب 50% من المحفظه

[smasem66]

متزعلش من قله المتابعه

ناي كتير حاليا اما خسرانه او متعلقه في صفقات خسرانه او بيصلوا تهجد ويدعوا ربنا يعوضهم او مش عايزين يدخلوا السوق اصلا زي حالاتي الا في الفرص اللي نسبه تأكيدها عالي
شهية المخاطره شبه مفقوده في كل الاسواق الماليه وطبعا بالاخص الفوركس
انا اعرف ناس خسرت عشرات الالاف من الدولارات في خلال الشهر الماضي رغم استخدامهم طرق تحليل واداره راس مال مش وحشه بس السوق فعلا صعب بقاله شهر سلوكه غير نمطي ومحير الكل

[smasem66]

قوللي بقا انت بتعتمد على انهي مؤشرات في الفرص بتاعتك يا ريت تشرحلنا الموضوع كدا ونتناقش فيه ونستفيد

[مصطفى خالد]

مش بستعمل مؤشرات
هو الدعم و المقاومه بالنظر فى السريع
و البولنجر باندز و تارجتات صغيره شويه
بس خلاص

[مصطفى خالد]

فرص معلقه على الملك و الكيبل
https://forum.arabictrader.com/uploaded/29482_12d3s.gif

https://forum.arabictrader.com/uploa...482_12gd3s.gif

اصلى مضطر انام

[smasem66]

طب والستوب لووز بتاعك فين يا هندسه