يا عيال الحمولة تكفون علمونا "الوافي طلال السويد ضياء ابوعاصم.....الخ "

[شعاع]

السلام عليكم جميع ...

يالله مسهم بالخير
يا جماعة الربع اخوكم شعاع انسان لطيف ظريف عفيف الدوادمي >>> بدا يخبط

المهم يا اخوان الصراحة اعجبني منتداكم وقلت لابد اني اسجل معهم نستفيد من الشباب اللي هنا ماشاء الله كلهم كبار ... بس يا اخوان تعرفون اني مبتدأ بـ 4X <<< حركات صح وماشاء الله اشوف الشباب هنا مدهرين تحليل على الشارت وحركات ويوصون ويعلمون والله يوفقهم بس يحز بنفسي اني اشوف الربع هنا كلهم يعرفون للشارت وانا لا !! وش دعوه وش زودهم عني ؟؟؟ بالعكس اتحدى انه اذا فيه واحد هنا احلى مني
الحقيقة اني بديت خطوه ما عليها بدراسة الشارت يعني قرينا عن الماكد والموفينج افريج بس باقي اشياء وااااجد لازم الواحد يعرفها لين يحلل صح ... حنا نبي منكم يالفاهمين تعطونا مما اعطاكم الله ولا تبخلون علينا بشيء كل ما تعرفونه لا تغبونه ...
ابي اعرف للشارت ابي اعرف انواع المؤشرات السوتشيك ادري ان كتابتها غلط بس مشي حالك ومؤشر Sri اللي ذبحنا في الاستاذ ضياء يقول انه من افضل المؤشرات .....
ياليت لو فيه شرح عن كل مؤشر ومدى الاستفادة منه وتطبيق بسيط عليه حتى نقدر نفك رموز كبيرة من هالشارت اللي مدري من اخترعه ...
وعلى العموم ادري اني طولت وكثرت عليكم بس عاد تبي تجاملوني في البداية ثمين تملون وتجحدون لاني كثير اسئلة والصز اني ابي اتعلم ولو تعبتكم معي ........

يالله اتمنى اني ما ارجع بالليل والقى الموضوع معشش به العناكب والا الزوار واجدين والردود صفر

في امان الله

[عبدالله]

أولا شوف قسم التحليل الفني والاساسي
https://forum.arabictrader.com/f3.html

ثانيا مر على المواضيع التاليه
https://forum.arabictrader.com/t798.html
https://forum.arabictrader.com/t1017.html
https://forum.arabictrader.com/t682.html
https://forum.arabictrader.com/t708.html

[طلال السميري]

هذا
https://forum.arabictrader.com/t90.html
وخذ هذا بعد
https://forum.arabictrader.com/t298.html

[شعاع]

هلا بالشباب قلت بجي الحين والقى الموضوع مثبت
<-------- مشكلة اذا الواحد عندة تفاؤل زيادة عن اللزوم

بس اخوي عبدالله واستاذي طلال ما قصرتم الحين بفتح المواضيع واقراها صح