نصيحه لا تدخل صفقه الا بموافقة هذا المؤشر

[anahesho]

اخي الكريم عن نفسي استخدم مؤشر المومنتيم واضع خط 100
جربه فهوا مفيد

بالفعل مؤشر جميل انا كنت استخدمه كعامل مساعد بس كنت باعمل اعداداته 8

1 2 3 pattern


جرب النموذج ده وان شاء الله يكون مربح

بالفعل انا قريت الكتاب بتاعه جميل لكن فرصه قليله اعتقد انه على فريم الساعه

[hatem elsherief]

بالفعل مؤشر جميل انا كنت استخدمه كعامل مساعد بس كنت باعمل اعداداته 8

بالفعل انا قريت الكتاب بتاعه جميل لكن فرصه قليله اعتقد انه على فريم الساعه

لا بالعكس من فريم الاربع ساعات والدايلي والاسبوعي

الفرص قليله علي الزوج الواحد لكن انت عندك 20 زوج جرب فيهم براحتك

وبعدين التارجت بيكون محترم جدا


النموذج ده للأسف ناس كتير متجاهلاه لكنه ناجح

والميزه انك من الممكن انك متستخدمش مؤشرات فقط دع الشارت يتكلم





مثال عملي


في فرصه علي الفرنك لايف

اذا اغلقت شمعه الاربع ساعات فوق مستوي 1.0389 سيصل باذن الله الي 1.0455

[dawns_mist]

السلام عليكم
اخى الكريم انت محسسنى انى عامل الموضوع دا علشانى انا بس
انا عملتلك اقتباس لمحتوى الموضوع يمكن مقدرتش تقراه كويس
وانت ليه تستخدم ادوات معقده اخى العزيز و انا اول حاجه قريتها فى الفوركس بعد trend is your friend هو keep it simple فلا تستخدم ادوات معقده وانت قولت انا مش بستخدم مؤشر طيب center of gravity اللى قولت انك بتستخدمه دا مش مؤشر برده يعنى فى الاول و فى الاخر بتستخدم مؤشرات حتى ولو كان مؤشر واحد تقبل تحياتى

أنا آسف جدا يا حبيبي والله لو كنت ضايقتك بأسلوب كلامي .. لكن هو نقاشي مع الأخ سمسم ده هو اللي خلاط تحس بكده ..

عذرا يا باشا .. أنا بس دايما و أنا بتكلم معاكم بكون واخد راحتي بزيادة و كإني في قعدة وسط اصحابي و كده .

على فكره أنا مش بستخدم أي أدوات معقده ( فيبوناتشي - سنتر - مؤشرات قوى - معلومات من كتاب قريته ) بس كده .. مافيش أي حاجة معقده يعني .

أنا قولت كل حاجة بالتفصيل والله و أي حد عنده مجرد إلمام سطحي بالخطوط العريضة لمدارس التحليل الفني فاهم كلامي كويس جدا .

أنا ماقولتش إني مش بستخدم المؤشرات .. أبدا .. أنا بستخدم مؤشرات أكيد .. ولكن لا أعول على مؤشر معين أبدا .. يعني عادي جدا لو مافيش سنتر هستخدم أي مؤشر دعم و مقاومة بيوضحلي المستويات كويس .. ولو مافيش مؤشر هرسمها بإيدي .. الغرص واحد و هو توضيح مناطق الدعم و المقاومة بطريقة سريعة .
و بستخدم ( أر إس آي ) لكن لا أعول عليه .. يعني لو مش موجود يبقى ( سي سي آي - مومنتم - ... أي حاجة هتديني فكرة عن قوة الترند وليكن آي دي إكس ) ولو مافيش هتصرف و هنتظر شوية و أحسبها بنفسي .
المؤشر يستخدم لما تكون محتاج تقيس إشارة معينه فقط .. و دايما بيكون عندك مليون مؤشر يقوم بنفس المهمة .

يارب أكون عرفت أوصل فكرة معينه مفيدة ، و يارب أكون عرفت أقدم شيء مفيد فعلا .

[anahesho]

أنا آسف جدا يا حبيبي والله لو كنت ضايقتك بأسلوب كلامي .. لكن هو نقاشي مع الأخ سمسم ده هو اللي خلاط تحس بكده ..

عذرا يا باشا .. أنا بس دايما و أنا بتكلم معاكم بكون واخد راحتي بزيادة و كإني في قعدة وسط اصحابي و كده .

على فكره أنا مش بستخدم أي أدوات معقده ( فيبوناتشي - سنتر - مؤشرات قوى - معلومات من كتاب قريته ) بس كده .. مافيش أي حاجة معقده يعني .

أنا قولت كل حاجة بالتفصيل والله و أي حد عنده مجرد إلمام سطحي بالخطوط العريضة لمدارس التحليل الفني فاهم كلامي كويس جدا .

أنا ماقولتش إني مش بستخدم المؤشرات .. أبدا .. أنا بستخدم مؤشرات أكيد .. ولكن لا أعول على مؤشر معين أبدا .. يعني عادي جدا لو مافيش سنتر هستخدم أي مؤشر دعم و مقاومة بيوضحلي المستويات كويس .. ولو مافيش مؤشر هرسمها بإيدي .. الغرص واحد و هو توضيح مناطق الدعم و المقاومة بطريقة سريعة .
و بستخدم ( أر إس آي ) لكن لا أعول عليه .. يعني لو مش موجود يبقى ( سي سي آي - مومنتم - ... أي حاجة هتديني فكرة عن قوة الترند وليكن آي دي إكس ) ولو مافيش هتصرف و هنتظر شوية و أحسبها بنفسي .
المؤشر يستخدم لما تكون محتاج تقيس إشارة معينه فقط .. و دايما بيكون عندك مليون مؤشر يقوم بنفس المهمة .

يارب أكون عرفت أوصل فكرة معينه مفيدة ، و يارب أكون عرفت أقدم شيء مفيد فعلا .

الاخ سماسم (مش سمسم) وجد ان بعض الاعضاء يهجمون على وانا بينى وبينك مش بعرف ارد عشان احنا فى رمضان
لكن الكلام اللى قاله سماسم بصراحه كلام رجل موزون و حكيم وانت برده كده ويمكن انتم الاتنين ماسكين فى بعض عشان انتو الاتنين نفس العقليه و كمان نقس الكليه
ودا يدل على قوة شخصيتكم اما انا يا دوب طالب فى كليه الشعب ااقصد كليه تجاره قسم خارجيه فعقليتى مش هتكون زيكم ااقل طبعا
اشكر من كل قلبى الاخ سماسم لوقفته بجانبى و خلاص بقا يا عم سماسم عشان خاطرى سامح الاخ dawns_mist وانت يا عم dawns_mist تعالى بوس دماغ سماسم
صحيح يا سماسم انت منين من الاسكندريه انا عندى شقه فى الهانوفيل

[anahesho]

لا بالعكس من فريم الاربع ساعات والدايلي والاسبوعي

الفرص قليله علي الزوج الواحد لكن انت عندك 20 زوج جرب فيهم براحتك

وبعدين التارجت بيكون محترم جدا


النموذج ده للأسف ناس كتير متجاهلاه لكنه ناجح

والميزه انك من الممكن انك متستخدمش مؤشرات فقط دع الشارت يتكلم





مثال عملي


في فرصه علي الفرنك لايف

اذا اغلقت شمعه الاربع ساعات فوق مستوي 1.0389 سيصل باذن الله الي 1.0455

انا قريت الكتاب من سنه تقريبا بس عشان خاطرك ااقراه تانى و ادرسه جيدا خاصة انه كتاب عن الشموع و الكتب التى تعتمد على الشموع لها عندى معزه خاصه
على فكره الكتاب فى المرفقات

[dawns_mist]

الاخ سماسم (مش سمسم) وجد ان بعض الاعضاء يهجمون على وانا بينى وبينك مش بعرف ارد عشان احنا فى رمضان
لكن الكلام اللى قاله سماسم بصراحه كلام رجل موزون و حكيم وانت برده كده ويمكن انتم الاتنين ماسكين فى بعض عشان انتو الاتنين نفس العقليه و كمان نقس الكليه
ودا يدل على قوة شخصيتكم اما انا يا دوب طالب فى كليه الشعب ااقصد كليه تجاره قسم خارجيه فعقليتى مش هتكون زيكم ااقل طبعا
اشكر من كل قلبى الاخ سماسم لوقفته بجانبى و خلاص بقا يا عم سماسم عشان خاطرى سامح الاخ dawns_mist وانت يا عم dawns_mist تعالى بوس دماغ سماسم
صحيح يا سماسم انت منين من الاسكندريه انا عندى شقه فى الهانوفيل

هاهاهااااا
أنا صحيح طالب في كلية هندسة ، لكني فاشل فيها .. و كل دكاترتي لما بيتصاحبوا عليا بيقولولي انت ليه مادخلتش تجارة يابني .. يعني تجارة دي تقريبا كانت مكاني الصح ، و أنا دختل الهندسة غلط أعتقد .
وبعدين سماسم ده زي العسل على فكره ... هو صحيح سكندراني لكن طبعه أحسن من باقية السكندرانية .. بيحاول يطفيها مش عايز يشعللها يعني ..
أنا بس اكمني بحب لما يكون فيه نقاش نكون واضحين و واخدين الأمور جد علشان الأصح يظهر .. لكن ده مش معناه إني واخد على خاطري من سماسم ولا منك يا معلم .
والله أنا بتكلم بدون ترتيب و كإني بالظبط بدردش مع اصحابي في قعدة صفا في كوستا اللي على كبري استانلي .
و على فكره هو أنا صحيح طنطاوي .. لكن طنطاوي اسكندراني .. اسكندرية دي بلدي التانية .. و لسه راجع من هناك النهارده الساعة 8 الصبح والله ، و بكده سماسم ده حبيب قلبي يعني و هتلاقينا بعد كل خراطيش البارود اللي عمالين نحدفها في بعض دي في الآخر بناكل عند أبو شقرة في لوران و نتمشى سوى في جليم ، و بعدها ناخدك من الهانوفيل و نطلع على اكتوبر نقضي يومين هناك على البحر كده ...
عادي يعني .. كلنا حبايب في بعض ، و هي دي صفة الحبايب لما يحبوا يناغشوا بعض كده .

أنا متأكد إن سماسم مش زعلان مني على فكره .. و منتظر منه رد متين كمان لإني عجبني الكلام معاه لإنه دماغه برضه عالية ماشاء الله عليه ، و مجرد الجدال مع العقول دي بيعلم الواحد كتير .

و نصيحة ليا و ليك .. خلينا نتعلم أنا و انت مدرسة تحليل من أولها لآخرها باحتراف كده ..
يعني أنا أنصحك إننا نفكر في الماركت بروفايل .. و فيه موضوع ممتاز على المنتدى العام بيتكلم فيه ، و على فكره هي دي مدرسة التحليل الفني الحديثة دلوقتي .
المؤشرات قشطة مش وحشه ، لكن مابتجيبش جديد يعني .. هي بس بتقولك على حالة معينة انت عايز تدرسها و خلاص ... معادلات عادية بتديك قيمة المجهول اللي انت عايز تعرفه و خلاص .. و كل واحد فينا يترجمها بدماغه بقى ... بالتالي المؤشرات موضوع بسيط يعني مش كبير ... لكن الصح إننا نستغل وقتنا في تعلم مدارس و أنواع التحليل الجديدة علينا .. و جنبها هتلاقي المؤشرات برضه ماشية معاك .
و على فكره أنا لا أفقه شيء في الماركت بروفايل لسه ، و يادوب بفك الخط في إليوت ، و عارف الكلاسيكي لكن مش بشتغله بنفس النمط لإنه ممل ، و الرقمي يعني هو كتاب ولا كتابين غير كده أبيض يا ورد ، و مع نفسي بقى بحنكش أفكار كده و مؤشرات و فيبو .. يعني من الآخر أنا مش محترف أبدا لسه .. لكن بحاول بس حسب خبرتي البسيطة أوجه الناس صح بدل مايقعوا في نفس أخطائي .

و في النهاية ( مممووااه ) مسائك عسل يا حبي .. و أقوم أنا بقى أجهز الفطار مع أمي ، و نلقاكم بعد التراويح

[forex_pro1]

الى الاخوه الذين انتقدوا صاحب الموضوع

اولا تسميه الموضوع جيده وليس فيها عيب او خطأ فهو يدعوا الجميع للمشاركه بوضع استراتيجيه كل واحد مقتنع بيها ويبين للناس فايدتها ودرجه دقتها واعداداتها ودا متفق مع اسم الموضوع والاخ بدأ بنفسه

ثانيا الاخ اللي بيغني بامجاد العرب عايز اقولك ان العرب (اجمالا) اصبحنا في قاع العالم واصبحنا سلة قازورات العالم واصبح العلم والبحث العلمي في المرتبه الاخيره في اولويات بلادنا واصبحت الكبسة والبيتزا والبيبسي والسينما هي من اول اولوياتنا ومن اكثر ما ننفق عليه في العالم العربي

طبعا هناك علماء افذاذ من العرب لكن للاسف لكي يجدوا مكانهم لا يجدوه الا عندما يسافروا في احضان الغرب اما في بلادهم فيجدوا فقط في انتظارهم اطنان من الكبسه وافلام السينما والفساد

كل يوم نكتشف ان حكومه ما في بلد ما قامت باستيراد غذاء فاسد لشعبها او قمح مضروب او معلبات فاسده او لحوم بها ديدان ولحوم حمير دا غير الفساد اليومي والاستبداد العادي بتاع كل يوم

اخيرا نا من المبتئين في الفوركس وبسجل اعجابي بالموضوع واتمنى انه يكمل على خير ونستفيد منه وانا لسا باتمرن على استخدام المؤشرات باستخدم الماك دي والستوكاستيك والبوليجر طبعا مع الترند والمقاومات والدعوه على فريمات مختلفه

بالنسبه للاخ dawns_mist
عايز اقولك ان لا يوجد شئ في الدنيا غير قابل للشرح والتلقين والتعليم
كلنا عارفين اننا لازم ندور ونتب والكلام الحلو دا كله

انما لما واحد بيحب يكون مهندس بيدخل كليه هندسه ويقعد يسمع من داكتره الهندسه لانهم عندهم العلم والخبره
مسمعناش عن دكتور في الكليه بيقول للطالب يا ابني يا حبيبي انا ماقدرش احكيلك ولا اقولك العلم اللي عندي لانك مش هتعرف تستخدمه وهتفشل طا لما مكتوبلك الفشل ولو مكتوبلك التجاح يبقا انت مش محتاج كلامي ومهتنجح من غيره

دا منطق فاسد جدا
لو انت عندك طريقه ناجحه اكيد يمكن تلقينها وشرحها للاخوه وعلى من يفهم ان يفهم ومن لا يفهم تلك هي مشكلته

انت بتقول السر دايما في المضارب
بس المضارب دا مش هيخترع من دماغه لازم يكون فيه قواعد واسس ومعايير وعلم يقوده للقرار

وانت لو عندك طريقها ما ناجحه
اكيد هتكون معتمده على اسس وقواعد ومعايير وعلم ومعرفه بيقودك لاختاذ القرار ودا ما نسميه بالمنهجيه او الطريقه

انما انك تقول للانسان انت كويس وابن حلال ومخط حلو انطلق على بركه الله في رحاب الله
مكانش حد دخل كليه هندسه وطب وتجاره عشان يتعلم وكان راح بدماغه ينطلق بدون مينتظر ان يلقنه احد العلم

كل ما هو مطلوب منك ان تضع طريقتك عن طريق وضع اللسس والمعايير والقوانين التي تلتزم بها لكي تمكنك من اتخاذ قرارك لان ما لا يعتمد على اسس وقواعد ومنهجيه يكون شئ عشوائي غير قابل للقياس ولا التقدير ولا التكرار

بجد انت انسان جميل ومحترم وكلامك مضبوط مليون في المية

[فوركس للفوركسيين]

السلام عليكم ...

بالنسبه لي شخصيا .... الدايفرجنس ولا شيء سواه !!

لكن ..... 1- على أكثر من فريم ( 5 فريمات : الويكلي ، الديلي ، 4ساعات ، 30 دقيقه ، 5 دقائق)

2- على أكثر من مؤشر ( 4 مؤشرات)

3 - على أكثر من اعداد

و ذلك بمحاصره السعر بدايفرجنس بالاتجاهين ليتسنى لي معرفه توجه السعر بكل بساطه .

و هو ما أسميه بالمغناطيسيه .

[smasem66]

ماشي كلامك يا اخ هشام عشان خاطرك انت بس هعديها المره دي للاخ dawns_mist ولو اني كنت ناوي اروح القسم واعمل محضر بس خلاص المسامح كريم

واحنا لا احسن منك ولا اذكى منك ولا حاجه وانت عقليتك ممكن تكون احسن مننا 100 مره فبلاش تقلل من قدر نفسك

انا اصلا من منطقه اسمها راس التين (بحري) قلقعة قايت باي والميناء الشرقي وجيلاتي عزة وجيلاتي مكرم وابو العباس وقهوة فاروق وتكا جريل وابو اشرف وقدورة وبأئش وابو راوية والترسنه البحريه واسمي محمود سامي


ليه كدا يا اخ dawns_mist ليه موضوع الفشل في كليه هندسه دا ديه كليه جميله جدا وممتعه جدا ودراستها بتفتح المخ وبتخليك تشف العالم من وجهة نظر مختلفه شويه دا غير انها عمليه جدا وتقدر تطور نفسك فيها وتعلم نفسك وتاخد طورسات وتقرا كتب وتبقا حاجه عال العال



مفيش حد هيولعها ان شاء الله ولما تيجي اسكندريه فيه اماكن كتير احسن من كوستا ستانلي مفيش احسن من قعده القهاوي في الاحياء الشعبيه والاماكن القديمه اللي فيها الشباب اللي زي حالتنا وذكريات زمان
والله العظيم قعده على قهوة بلدي في منطقه شعبيه في وسط صحابي بتوع زمان احسن من مليون قعده في كوستا وستر باكس وزانيليز

مفيش خراطيش بارود ولا حاجه دا كله كلام ونقاش ووجهات نظر تحتمل الخطأ والصواب وادينا بنستفيد لما نسمع وجهات نظر مختلفه بس بدل مناكل عند ابو شقره في لوران هاكلك عن صواريخ في الجمرك او ابو حلمي بتاع اشهر عربية الكبده في المنشيه الصغيره

لا طبعا لا كنت ولا هكون زعلان ابدا من مجرد كلام ونقاش طا لما انه في اطار الاحترام المتبادل بدون غلط او تطاول

انا لسا مبتدئ اول 3 شهور ليا في الفوركس ويدوب باخطوا حطواتي الاولي فيه وباتعلم الاساسيات واحده واحده

الفوركس عامل زي تعليم سواقه العربيات عشان تبقا صايع سواقه عربيات وواد منحرف سواقه لازم الاول تبتدي تتعلم في شارع فاضي (حساب ديمو) بعد كدا تبتدي تنزل في شارع في منطقه هاديه (حساب صغير ومتاجره بنسبه ضئيله جدا لا تتعدي 2%) وبعد كدا لما تتعلم اكتر تبتدي تزود مخاطرتك وتنزل في الشوارع الزحمه بس لكن في النور الصبح (نفس الحساب الصغير مع مخاطره اعلى 5%) ومتزعلش لما عربيتك تتجرح او تتخبط شويه وانت بتتعلم (شويه خساير هتحصلك على الحساب الحقيقي لما تنزل وسط الناس لاول مره) بعد كدا تبتدي تنزل تسوف بالليل لوحدك في وسط الزحمه (حساب اكبر شويه ومخاطره اعلى شويه 8% مثلا) ومتزعلش لما اعصابك تفلت والعربيه تتطوح منك وتعمل حادثه لان كل اللي بيتعلموا سواقه عملوا حادثه او اتنين في اول شهرين تلاته (مارجين كوول) بعد كدا تروح تهدي نفسك وتتمرن تاني لحد متاخد ثقه في نفسك (مخاطره قليله على حساب حقيقي) بعد كدا تنزل تسوق تاني بالليل لوحدك ومتزعلش برضه لما تخبط في الناس والناس تخبط فيك لحد متاخد تمام على السواقه وتبقا بالنسبالك روتين بتعمله وانت نايم (مبروك انت فهمت الفوركس وفهمت ازاي تنجح فيه وتحقق مكاسب شبه مستقره)

ان شاء الله اتعلم اليوت وماركيت بروفايل وجاان ورقمي بس بعد مخلص تعليم مبادئ الكلاسيكي والاساسي بس ربنا يستر والحساب الحقيقي يتحمل لحد المرحله ديه عشان انا مش مستعد نفسيا لشحنه تاني كفايه المارجين كوول اللي جالي في اول اسبوع لما بدأت ب 1000 دولار من 3 شهور كدا الحمد لله متماسك لحد دلوقتي بس مبحققش مكاسب كبيره في نهاية الشهر باكسب واخسر وفي المحصله 100 دولار اخر الشهر والشهر دا لسا سالب 50 دولار وعندي خساره عايمه في البترول كبيره 200 دولا وربنا يستر ويطلع شويه احسن دا نزل نزول كبير ومبهدلني وراه

[dawns_mist]

ماشي يا عم سماسم ، و أناهيشو برضه ( يارب أكون نطقتهم صح المرة دي )
ربنا يوفقكم يا شباب ..

أنا بقالي 3 سنين في المجال ده ... اتعلمت كلاسيكي و مؤشرات و قرأت كتير و فهمت مبادئ إليوت و حاجات من الرقمي و كمان حاجات في البرمجة ...اعتمادي الأول و الأخير على فهمي للموقف الحالي للسعر مش على إشارة مؤشر أو مستوى دعم و مقاومة .

كلامك منطقي و معقول أوي يا سماسم في موضوع تعلم الفوركس .. لكن ماتنساش إن فيه ناس اتعلمت السواقة و ساقوا عربيات سنين من غير ما يعملوا ولا حادثة ، لكن ده بيحتاج سواق عبقري على المستوى الشخصي و النفسي و عارف قدر نفسه كويس بجانب خبرته في السواقة ( و برضه الموضوع أقدار )
أنا خلال الـ 3 سنين دول اشتغلت على 13 حساب حقيقي ، بفضل الله ولا حساب أبدا من أول يوم دخلت فيه الفوركس لحد دلوقتي زاره المارجن كوول ، و مش كده و بس ، ولا حساب منهم أبدا تم سحبه بدون أرباح لحد دلوقتي ( ربنا يستر بقى على اللي جاي ) .
مع إني مش خبير بكل أنواع التحليل الفني ، ولا خبير اقتصادي ، ولا متعلم على إيد جورج سورس ، ولا بستخدم أدوات و فنون خفية ..... لكن مسيطر و متحكم في نفسي كويس بقدر الإمكان و عارف إن السوق دايما اكبر مني و عارف إمكانياتي آخرها فين بالظبط ( إمكانياتي النفسية و العلمية ) .
الشاهد إنك بإذن الله تقدر تنجح و تعمل أرباح مستقرة و تعدي لبر الأمان بدون خبطات موجعة بعون الله و توفيقه .. لكن لازم تعرف انت مين في الفوركس و إمكانياتك إيه بالظبط و نوع شخصيتك و إيه أفضل طريقة تتعامل بيها مع الشارت ..... بعد كده تتعلم أكتر و أكتر ... بعد كده تقفل عليك باب أوضتك و تفضل تتدرب تتدرب تتدرب .. بعد كده تنزل حساب حقيقي بمخاطرة معقوله ( زي مانت قولت كده يا سماسم ) و بإذن الله ربنا هيوفقك و عمر المارجن كول مايزورك يارب .
و أتمنى تزوروا موضوع الدكتور (هاني البهوتي ) بعنوان ( المتداول العربي من الطفولة حتى الكهولة ) و ده هيفيدك في إنك تقدر تعرف انت مين دلوقتي في المتداولين و بالتالي تخلي بالك من إيه .

و نصيحه مهمة بقولها دايما ( حدد انت عايز إيه من السوق ده ؟؟ ) هل انت عايز منه فلوس و خلاص ، ولا عايز تكون محترف لإنك بتحب الشغل ده و عايزه يكون كارير خاص بيك ؟؟
لو عايز فلوس و خلاص يبقى ماتتعبش نفسك و دور على حد محترف فعلا يستثمرلك .. أما لو كنت عايز يكون لك كارير هنا لإنك بتحب التجارة دي و عايز تبني نفسك كشيء من إثبات الذات ... يبقى التزم و شد حيلك ولازم تعرف إن الموضوع مش سهل لكنه ممتع و يستحق العناء ( ماتنساش إننا بنقعد 17 سنة نتعلم في العملية التعليمية علشان نشتغل بألف جنيه في الشهر ، تخيل بقى لو قولتلك هتتعلم 3 سنين بس علشان يكون دخلك أكتر من 1000 دولار في الشهر !!! تستحق ولا لأ ؟؟ ) .

ربنا يوفقكم يا شباب .. و رتب يوم يا معلم سماسم في اسكندرية و هتلاقيني عندك خلال أسبوع يا باشا .

تحياتي

محمـود حجـاب

[dawns_mist]

ماشي يا عم سماسم ، و أناهيشو برضه ( يارب أكون نطقتهم صح المرة دي )
ربنا يوفقكم يا شباب ..

أنا بقالي 3 سنين في المجال ده ... اتعلمت كلاسيكي و مؤشرات و قرأت كتير و فهمت مبادئ إليوت و حاجات من الرقمي و كمان حاجات في البرمجة ...اعتمادي الأول و الأخير على فهمي للموقف الحالي للسعر مش على إشارة مؤشر أو مستوى دعم و مقاومة .

كلامك منطقي و معقول أوي يا سماسم في موضوع تعلم الفوركس .. لكن ماتنساش إن فيه ناس اتعلمت السواقة و ساقوا عربيات سنين من غير ما يعملوا ولا حادثة ، لكن ده بيحتاج سواق عبقري على المستوى الشخصي و النفسي و عارف قدر نفسه كويس بجانب خبرته في السواقة ( و برضه الموضوع أقدار )
أنا خلال الـ 3 سنين دول اشتغلت على 13 حساب حقيقي ، بفضل الله ولا حساب أبدا من أول يوم دخلت فيه الفوركس لحد دلوقتي زاره المارجن كوول ، و مش كده و بس ، ولا حساب منهم أبدا تم سحبه بدون أرباح لحد دلوقتي ( ربنا يستر بقى على اللي جاي ) .
مع إني مش خبير بكل أنواع التحليل الفني ، ولا خبير اقتصادي ، ولا متعلم على إيد جورج سورس ، ولا بستخدم أدوات و فنون خفية ..... لكن مسيطر و متحكم في نفسي كويس بقدر الإمكان و عارف إن السوق دايما اكبر مني و عارف إمكانياتي آخرها فين بالظبط ( إمكانياتي النفسية و العلمية ) .
الشاهد إنك بإذن الله تقدر تنجح و تعمل أرباح مستقرة و تعدي لبر الأمان بدون خبطات موجعة بعون الله و توفيقه .. لكن لازم تعرف انت مين في الفوركس و إمكانياتك إيه بالظبط و نوع شخصيتك و إيه أفضل طريقة تتعامل بيها مع الشارت ..... بعد كده تتعلم أكتر و أكتر ... بعد كده تقفل عليك باب أوضتك و تفضل تتدرب تتدرب تتدرب .. بعد كده تنزل حساب حقيقي بمخاطرة معقوله ( زي مانت قولت كده يا سماسم ) و بإذن الله ربنا هيوفقك و عمر المارجن كول مايزورك يارب .
و أتمنى تزوروا موضوع الدكتور (هاني البهوتي ) بعنوان ( المتداول العربي من الطفولة حتى الكهولة ) و ده هيفيدك في إنك تقدر تعرف انت مين دلوقتي في المتداولين و بالتالي تخلي بالك من إيه .

و نصيحه مهمة بقولها دايما ( حدد انت عايز إيه من السوق ده ؟؟ ) هل انت عايز منه فلوس و خلاص ، ولا عايز تكون محترف لإنك بتحب الشغل ده و عايزه يكون كارير خاص بيك ؟؟
لو عايز فلوس و خلاص يبقى ماتتعبش نفسك و دور على حد محترف فعلا يستثمرلك .. أما لو كنت عايز يكون لك كارير هنا لإنك بتحب التجارة دي و عايز تبني نفسك كشيء من إثبات الذات ... يبقى التزم و شد حيلك ولازم تعرف إن الموضوع مش سهل لكنه ممتع و يستحق العناء ( ماتنساش إننا بنقعد 17 سنة نتعلم في العملية التعليمية علشان نشتغل بألف جنيه في الشهر ، تخيل بقى لو قولتلك هتتعلم 3 سنين بس علشان يكون دخلك أكتر من 1000 دولار في الشهر !!! تستحق ولا لأ ؟؟ ) .

ربنا يوفقكم يا شباب .. و رتب يوم يا معلم سماسم في اسكندرية و هتلاقيني عندك خلال أسبوع يا باشا .

تحياتي

محمـود حجـاب

[smasem66]

للاسف انا متواجد بالممكله العربيه السعوديه للعمل حاليا وراجع اجازة في العيد الصغير ان شاء الله لو فيه فرصه لازم نتقابل ونتعرف ان شائ الله معرفه الرجال كنوز ابعتلي رقم موبايلك على الخاص وانا هاتواصل معاك لما انزل اجازة

[البدوي]

هذا مؤشر ما تخلى استراتيجية عندي منه
وهو مؤشر السجنال

[باشان]

المفونجات 200 و 100 و 50 و 10 و 5 حيث بتقاطع 5 و 10 على اليومي و تأكيده باتجاه الباقي اخذ القرار مع مراعاة المقاومات و الدعوم و الفايبونتشي و الحمد لله حتى الان الطريقه ناجحه جدا

[أمير نفسي]

السلام عليكم ورحمة الله وبركاته
مؤشر الاستوكاستيك
مؤشر RSI
مؤشر CCI
فريم الساعة