عاوز شارت العملات مقابل الجنيه المصرى

[foreeex]

الحمد لله استخدمت برنامج شركة اخرى غير جى اى جى و لقيت فيه العملة المصرية

لكن رخمة جدا و محدش بيضارب عليها بدليل وجود فجوات كثيرة جدا كل ساعة تقريبا

و لو لقيت شمعة طويلة يبقى اخرها 5 نقط
هههههههههه

[dawns_mist]

قولتلكم الكلام ده طبعا بالنسبة للفجوات على العملات العربية و غيرها من العملات اللي البنوك المركزية بتاعتها مالهاش شغل في السوق .. طبيعي جدا تلاقي الكلام ده ..
الاستفادة الوحيدة من الشارت ده إنه تكون عارف الدولار بيعمل كام مصري دايما .. فقط لا غير ..

و ماتنسوش موضوع اسكندرية ده يا حبايب ... حد فيكم يرتب مع الباقيين و يديني ميل خاص ، و بجد نفسي نعمل يوم كده نتجمع كلنا فيه مع بعض في مكان هادي في اسكندرية .

[foreeex]

قولتلكم الكلام ده طبعا بالنسبة للفجوات على العملات العربية و غيرها من العملات اللي البنوك المركزية بتاعتها مالهاش شغل في السوق .. طبيعي جدا تلاقي الكلام ده ..
الاستفادة الوحيدة من الشارت ده إنه تكون عارف الدولار بيعمل كام مصري دايما .. فقط لا غير ..

و ماتنسوش موضوع اسكندرية ده يا حبايب ... حد فيكم يرتب مع الباقيين و يديني ميل خاص ، و بجد نفسي نعمل يوم كده نتجمع كلنا فيه مع بعض في مكان هادي في اسكندرية .

اه ما انا عوزت الشارت عشان اعرف اسعار العملات مقابل الجنيه المصرى مش اكتر

بالنسبة للمقابلة دى اتفقتو عليها امتى؟
و متخلوها فى القاهرة

[dawns_mist]

اه ما انا عوزت الشارت عشان اعرف اسعار العملات مقابل الجنيه المصرى مش اكتر

بالنسبة للمقابلة دى اتفقتو عليها امتى؟
و متخلوها فى القاهرة

تمام كده .. الشارت هيفيدك في معرفة سعر الدولار للمصري بالظبط .

بالنسبة للقاهرة فالناس ياما اتقابلوا هناك ، في المعارض و في المتداول و غيره .. اسكندرية جديدةشوية .. و كمان جو جديد و حلو و منعش ...
الشباب بتوع اسكندرية يرتبوا اليوم بس .. و أنا عليا أحجزلكم أحسن مكان على البحر أو على كبري استانلي هادي نقعد فيه و على عزومة الفطار طبعا مش هنساها ..

[smasem66]

طب انتظروني لما انزل اجازة بقا على العيد اوعوا تتقابلوا من ورايا انا فيها لاخفيها

[dawns_mist]

طب انتظروني لما انزل اجازة بقا على العيد اوعوا تتقابلوا من ورايا انا فيها لاخفيها

يا باشا والله انت الأول قبل الكل كمان .. وبعدين نتقابل تاني علشانك مخصوص بعد رمضان .. بس ساعتها العزومة عليك بقى

[محمد العزب]

انا سمعت ان في عزومه وحركات هل الأماكن خلصت ولا لسه في ليه مكان

[smasem66]

اوعدك اول محقق مكسب صافي اخر الشهر 1000 دولا من الوركس ليك عندي عزومه كبيره

مين اخ محمد عزب مشرفنا الجميل بابتسامته اللي تريح اعصابك خصوصا بعد خساره مريره وصراع مع الشارت

عيب يا اخ محمد عزب دا انت اول المعزومين اكيد طبعا واحنا اهل اسكندريه اهل الكرم والاخلاق

وبما اننا في رمضان هنعزمك على اكله اكيد انت مفتقدها كتير

هنعزمك على شويه فلافل ديناميت اسكندراني مع برجان مخلل محشي بالبهارات والحرراق اللي بالك فيه وطبق فول بالخلطه الاسكندراني

واوعدك ان اول 100 دولار مقفلوين اكسبهم من الفوركس هاعزملك على اكليه سي فوود اسكندراني تحلف بيها طول عمرك
بس للاسف انا بقالي شهرين بتاجر واللي باكسبه باخسره تاني ويدوب محافظ على راس مالي 2000 دولار بالعافيه ويدوب عليهم 200 دولا يدوب من الاسبوع اللي فات يدوب عشان يطيروا الاسبوع اللي جاي
بس بعد مقريت في المنتدى حكايه تصفير الحسابات والمارجن كوول حمدت ربنا ان انا الحمد لله بقالي شهرين باتداول كل يوم وانا مبتدئ وما زلت محافظ على راس مالي احمدك واشكر فضلك يا رب

[محمد العزب]

اوعدك اول محقق مكسب صافي اخر الشهر 1000 دولا من الوركس ليك عندي عزومه كبيره

مين اخ محمد عزب مشرفنا الجميل بابتسامته اللي تريح اعصابك خصوصا بعد خساره مريره وصراع مع الشارت

عيب يا اخ محمد عزب دا انت اول المعزومين اكيد طبعا واحنا اهل اسكندريه اهل الكرم والاخلاق

وبما اننا في رمضان هنعزمك على اكله اكيد انت مفتقدها كتير

هنعزمك على شويه فلافل ديناميت اسكندراني مع برجان مخلل محشي بالبهارات والحرراق اللي بالك فيه وطبق فول بالخلطه الاسكندراني

واوعدك ان اول 100 دولار مقفلوين اكسبهم من الفوركس هاعزملك على اكليه سي فوود اسكندراني تحلف بيها طول عمرك
بس للاسف انا بقالي شهرين بتاجر واللي باكسبه باخسره تاني ويدوب محافظ على راس مالي 2000 دولار بالعافيه ويدوب عليهم 200 دولا يدوب من الاسبوع اللي فات يدوب عشان يطيروا الاسبوع اللي جاي
بس بعد مقريت في المنتدى حكايه تصفير الحسابات والمارجن كوول حمدت ربنا ان انا الحمد لله بقالي شهرين باتداول كل يوم وانا مبتدئ وما زلت محافظ على راس مالي احمدك واشكر فضلك يا رب

فلافل وبرنجان زي الفل
طيب انا احتمال اسافر نيجريا يا جماعه كده شهرين
أول ما تجهز السي فود قولي عشان ارجع

اصبر وتعلم من أخطائك وباذن الله رب العالمين موفق وستضاعف أموالك ان شاء الله وتعزمنا على السي فود

[smasem66]

مهو احتمال كبير لما ترجع بعد الشهرين دول متلاقيش حتى الفلافل والبرنجان لو خسرنالنا مبلغ معتبر كدا في صفقه من صفقات اياها الناس بقالها شهرين السوق مغلبها واخوك كمان متعلق في صفقة في البترول من يوم الجمعه وربنا يستر

بس اوعدك انك ترجع من نيجيريا تلاقي صواني السمك السيمون فيميه ورز الصياديه بالجمبري وطواجن السبيط والجمبري وشوربة سي فوود وسمك موسى مقلي من المبطرخ الكبير دا وكام جوز كابوريا برشومي نتايات وشويه جندوفلي مسلوقين عالبخار بالتوابل وطقم سلطات محترم لو ربنا يعديها على خير الشهر دا

[محمد العزب]

مهو احتمال كبير لما ترجع بعد الشهرين دول متلاقيش حتى الفلافل والبرنجان لو خسرنالنا مبلغ معتبر كدا في صفقه من صفقات اياها الناس بقالها شهرين السوق مغلبها واخوك كمان متعلق في صفقة في البترول من يوم الجمعه وربنا يستر

بس اوعدك انك ترجع من نيجيريا تلاقي صواني السمك السيمون فيميه ورز الصياديه بالجمبري وطواجن السبيط والجمبري وشوربة سي فوود وسمك موسى مقلي من المبطرخ الكبير دا وكام جوز كابوريا برشومي نتايات وشويه جندوفلي مسلوقين عالبخار بالتوابل وطقم سلطات محترم لو ربنا يعديها على خير الشهر دا

طيب هقولك حاجه بدل ما تخسر الفلوس ما تسحب ال 2000 دولار وتعزمني على الاكل ده وصدقني ربنا هيعوضك ان شاء الله

[smasem66]

لا هو يظهر الواحد بقا عنده ادمان للخساره حتى لما بنعمل شويه ارباح بنبقا قاعدين مستنيين بقا الخساره اللي هتاخد الارباح ديه كانها ضيف عزيز لا بد من قدومه وفعلا مبيخيبش رجائنا