معادله هاتفتح عينيك على حاجات كتييير

[مصطفى خالد]

السلام عليكم
ازيكو يا فوركساويه

عاملين ايه يا رجاله رافعين راسنا وسط الفوركس و لا ايه؟
عايزين نتكلم شويه على الفوركس ده
انا عن نفسى شايف ان الفوركس اصعب حاجه فيه هى ظبط النفسيه و السيكلوجيه يتاعه المضارب
كتير مننا اول ما يلاقى الصفقه قلبت 10 نقط عليه يتخض و يخااااااااااف و تلاقى قلبه عمال يدق و عمال يعرررررررق

و اغلبنا دخل السوق ده على اساس انه هايدبل حسابه كل ربع ساعه
و يبقى غنى بقه و يجيب الفيلا و العربيه و الطياره الكونكورد و هايتجوز ملكه جمال العالم ( طبعا انتو بتحلمو عشان ملكه جمال العالم محجوزالى انا و الى هايقرب منها هاضخه فى المليان)

المهم ندخل فى الموضوع
حد فيكو يعرف المعادله دى؟؟
جمله المبلغ = اصل المبلغ * (1 + نسبه الفايده كرقم عشرى ) * القتره

دى معادله الفايده المركبه للقروض البنكيه
طبعا بتقول لوقتى لزمتها ايه صح؟
اقوله انى جربتها و نفعت فى التنبؤ بقيمه المكاسب بتاعتك فى اخر السنه لو انت بتعمل شهريا نسبه ثابته شهريا من راس مالك
و لما حسبتها لقيت نتايج جامده جدا بتحقق فى اخر السنه من مكاسب صغيره جدا

يعنى مثلا لو تخيلنا سوا انك كل يوم يتعمل 10 نقط ( قليل جدا ) و بتستعمل مارجن 10 بس( قليل برضه)
يعنى من الاخر بتشترى ب 10 اضعاف لفلوسك و كل 100 دولار ليهم عقد ميكرو
يعنى كده كل يوم يتعمل واحد فى الميه من راس مالك
يعنى الى حسابه 100 هايكسب دولار كل يوم
الى حسابه 1000 هايكسب 10 دولار فى اليوم
رقم صغير و مالهوش لزمه
صح؟؟
طب تعالو نطبقه على المعادله عشان نشوف الرقم ده لو حققنا يوميا لمده سنه ال 100 دولار هايبقو كام؟
100 * (1+ .25 نسبه الزياده الشهريه من ال 10 نقط)* 12 شهر( الفتره هنا مش بالسنه بالشهر)
= 1500 دولار
يعنى 15 ضعف لفلوسك ااااااااااخر السنه
يعنى 150 ضعف لو كنت حطبت فلوسك فى بنك
طبعا كل الحسابات دى و احنا حاسبين اقل عدد ممكن من النقاط ( سورى بس محدش يزعل منى لو قلت لو فى حد فى المنتدى هنا مش هايعرف يعمل 10 نقط مكسب فى اليوم احسنله و ارحمله يسحب فلوسه كلها و يشوفله حاجه تانيه)

طب تعالو نحسب لو 20 نقطه يوميا
100 * (1+.50 لانك لو حسبتها هتلاقى انك بتعمل نص فلوسك شهريا من ال 20 نقطه) * 12
= 1800 دولار
18 ضعف لفلوسك
وحش الكلام ده؟؟

انا عن نفسى لما يعمل التارجت بتاعى بقفل الحساب و اقوم عشان خلاص الى عايزه النهارده

و عموما انا شايف ان احسن الاعدادات هى عقد ميكرو لكل 100 دولار عشان تقدر تتحمل تقلبات السوق عليك ل 1000 نقطه
و تارجيتك يكون 10 فى الميه من الحساب اسبوعيا يعنى 100 نقطه بس
فى المنتدى هنا ناس معديه بتجيب 100 فى صفقه مش فى يوم
و مشكله الى بقوله بس هو ان فى الاول هتلاقى المكاسب صغيره اوى
انما مع الوقت و الفلوس فى صيدك هاتزيد و يالتالى المكاسب هاتزيد رغم ان النسبه ثابته

و شوفو المعادله الحلوه دى فى الاخر
اول سنه و رصيد البدايه 500 دولار
رصيد اخر السنه هايبقى 500 * 15 ضعف = 7500 دولار
عن نفسى لو حصل معايا كده هاعمل لنفسى تارجت شهرى الف دولار يعيشونى ملك
رصيد تانى سنه = 7500 * 15 = 112500 دولار
لو معايا المبلغ ده ارشح نفسى فى الانتخبات
ثالت سنه 112500 * 15 = 1687500
كده اتقلب نمره موبيل
انا لو معايا المبلغ ده هاتقدم لملكه جمال العالم

الفكره من الموضوع اصلا توضيح ان الفوركس مش للناس الى فاكره انهم هايدبلو الحساب كل اسبوع و الناس الغريبه دى
ده لتوضيح ان الفوركس عايزه صبر و هدؤء و استثمار مش مضاربه على طريقه اخطف و اجرى

و ربنا معاكم يا حلوين و اتمنى ان الموضوع يخلى الناس الخسرانه تعرف انها ممكن تعوض بسهوله ان شاء الله مع الوقت و من غير الصفقات المجنونه بتاعه العقود الكبيره عشان يعوض الى ضاع

و ربنا معانا كلنا

[ابن الخطاب]

انتا راجل زى العسل , ربنا يكرمنا و يكرمك يا عم

[مصطفى خالد]

انتا راجل زى العسل , ربنا يكرمنا و يكرمك يا عم

الف شكر يا ريس
بس ايه رايك فى الكلام ده عموما
اعتقد ان 10 نقط دول بالكتير ياخدو ساعتين يوميا
الواحد يشتغل على فريم ال 15 دقيقه و البولنجر ولا يقضيها توصيات من وحوش المنتدى هنا
و كمان سنتين هابقه اعزم المنتدى كل واحد ليه عربيه 128 هديه منى

[عبد الوهاب]

ممكن مع الشكر الجزيل وأنا ممتن لك تعرفني طريق ال 10 نقاط يومياً وكم الاستوب
تحياتي

[kingooo]

بجد أنت زي العسل
وكلامك 100%
ربنا يكرمك وتحقق كل اللي نفسك فيه

[hassan massoud]

كلام جميل و زى الفل يا بلدياتى
المشكلة بقى ان اللى بيكسب 10 نقط بيطمع فى اكتر
و يبدأ يخبط تانى
بس انا معترض على حاجة واحدة
اسمها هاطخه مش هاضخه فى المليان
و شد حيلك شوية قبل ال 128 ما تنقرض

[smasem66]

المشكله في الستوب لووووز

يعني ممكن حضرتك تعمل 4 صفقات
واحده تكسب 10 نقاط والتانيه تحق هدفها 5 نقط والتالته تحقق هدف 10 نقط
تيجي الرابعه تضربلك ستوب لووز 30 نقطه مثلا فتلاقي المحصله خسران 5 نقط

فتقوم تقول انا محققتش تارجت ال 20 نقطه انهارده وتقوم داخل بصفقتين تلاته كمان تطلع منهم خسران كمان 10 نقط يبقا المحصله خساره 15 نقطه

اما انك تقوم وتقول دا مش يومي انهارده وتبقا خسران واما انك تصر وتكمل ولو كملت محتمل انك تعوض جزء من الخساير ومحتمل الخساير تزيد

يعني بالمختصر مفيش حاجه اسمها طريقه تديك 10 او 20 ولا حتى نقطه واحده في اليوم

لو حد في المنتدى هنا يعرف يدلك على طريقه مضمونه لنقطه واحده في اليوم كان زمانه بقا من اثرياء العالم بالنقطه ديه لان باختصار كان هيكون عنده استعداد يدخل في النقطه ديه بحساب كبير جدا ويحقق ارباح عاليه جدا من نقطه واحده يوميا

انما للاسف مشكله السوق انك ممكن تحقق في صفقه ما 100 نقطه وفي صفقة تانيه تحقق 300 نقطه وتقلب عليك صفقتين تلاته يخسروك 400 نقطه ستوب لووز فغالبا المحصلات بتكون ارقام سالب او موجب ضعيف وانت وشطارتك

فيه ناس تقدر تحتفظ بالمحصله موجب لمده ايام وفيه ناس تقدر تحتفظ بيها اسبوع وفيه ناس شهر وفيه ناس 3 شهور وفيه ناس سنه

ونتذكر كلنا لما حصلت الازمه العالميه والانهيار الكبير في سوق العملات قد ايه ناس كبيره وبتعتمد على التحليل الفني وبقالها سنين بتكسب راح من رصيدها نسبه كبيره جدا وحصلهم خساير مشافهواش في حياتهم

[amine1]

السلام عليكم

كلام نظري والواقع شيء أخر

[sakana]

المشكله في الستوب لووووز

يعني ممكن حضرتك تعمل 4 صفقات
واحده تكسب 10 نقاط والتانيه تحق هدفها 5 نقط والتالته تحقق هدف 10 نقط
تيجي الرابعه تضربلك ستوب لووز 30 نقطه مثلا فتلاقي المحصله خسران 5 نقط

فتقوم تقول انا محققتش تارجت ال 20 نقطه انهارده وتقوم داخل بصفقتين تلاته كمان تطلع منهم خسران كمان 10 نقط يبقا المحصله خساره 15 نقطه

اما انك تقوم وتقول دا مش يومي انهارده وتبقا خسران واما انك تصر وتكمل ولو كملت محتمل انك تعوض جزء من الخساير ومحتمل الخساير تزيد

يعني بالمختصر مفيش حاجه اسمها طريقه تديك 10 او 20 ولا حتى نقطه واحده في اليوم

لو حد في المنتدى هنا يعرف يدلك على طريقه مضمونه لنقطه واحده في اليوم كان زمانه بقا من اثرياء العالم بالنقطه ديه لان باختصار كان هيكون عنده استعداد يدخل في النقطه ديه بحساب كبير جدا ويحقق ارباح عاليه جدا من نقطه واحده يوميا

انما للاسف مشكله السوق انك ممكن تحقق في صفقه ما 100 نقطه وفي صفقة تانيه تحقق 300 نقطه وتقلب عليك صفقتين تلاته يخسروك 400 نقطه ستوب لووز فغالبا المحصلات بتكون ارقام سالب او موجب ضعيف وانت وشطارتك

فيه ناس تقدر تحتفظ بالمحصله موجب لمده ايام وفيه ناس تقدر تحتفظ بيها اسبوع وفيه ناس شهر وفيه ناس 3 شهور وفيه ناس سنه

ونتذكر كلنا لما حصلت الازمه العالميه والانهيار الكبير في سوق العملات قد ايه ناس كبيره وبتعتمد على التحليل الفني وبقالها سنين بتكسب راح من رصيدها نسبه كبيره جدا وحصلهم خساير مشافهواش في حياتهم

كلام منطقي وسلام وانا اؤيدك في كل ماقلت

[((محمد))]

لاتشكلي ولا اشكيلك

[Adham.Elsaber]

طيب كمل جميلك بقي وقولنا عالطريقة اللي بتجيب العشر نقط دول اللي انت شايفهم مش حاجة

[anahesho]

السلام عليكم
انا اعتقد ان فيه غلطه فى الفتره عشان انا كنت فاكر زماان لما كنت فى سنه اولى جامعه كنا نقسم على 12 يعنى الفتره تكون 12/12 يساوى واحد على ما اتذكر

[101]

انت عارف سواقه الطياره ازاي

تشغل المحركات وتقلع ثم تهبط تاني وطفي المحركات
فيه حاجه اسهل من كذه

والفوريكس زي سواقه الطياره
تفتح صفقه تحقق الربح اليومي وتقفل الصفقه
وبس

ياراجل ياطيب
خذ عندك مثال حي
في 27 الشهر الحالي كنت محقق ربح 25 %
اغلق السوق وانا محقق خساره 30%
ومازالت العقود مفتوحه وباقي من الاستوب لوس 50 نقطه

شفت مافيش اسهل من كده

[janoubi]

انا ما بفهم الا بجدول اكسيل واضح يتم السير على خاناته كأنه سكّة قطار.. ممكن تعمل جدول اكسيل توضيحي باعتبار الرافعة 1:100 والرصيد ممكن كل واحد يغير الخانة وفق حسابه؟
انا مبارح من وبيوم واحد عملت تدبيلة للحساب لغاية الساعة 3 تقريبا واعتبارا من الساعة 4 لغاية الاقفال كلنت الخسائر العائمة المسجلة توازي 70 % من الحساب اضافة الى الارباح واضطريت اترك كل العمليات مفتوحة على أمل ... والسبب عدم الالتزام

[NASSER12]

كلام جميل لاكن ابن ادم طماع مايرضى بال 10 نقاط

لو اضمن اني بجيب العشر نقاط كان دخلت بصفقه 100 دولار بالنقطه بس ماتدري السوق صعود

ام نزول وعندك 4 او 5 نقاط خسارة بين البيع والشراء ..