طريقة الفايبو اليومية

[عصفور]

اولا: طرح الفكرة.....
لاحظنا انة عند بداية كل يوم يكون هناك تصحيح لاتجاة السعر ومن ثم تكملة للاتجاة او على الاقل يتحقق هذا الكلام ولو بنسب.
قمنا بملاحظة ومراقبة السعر ووجدنا ان السعر يقوم كل مرة بالتصحيح لمستوى معين وبعد ذلك يقوم بالمتابعة فى اتجاة الترند الاصلى واحيانا يقوم بكسر الترند.
ولكن مع قليل من التركيز وجدنا انة اذا قسنا هذا التصحيح بنسب فيبوناتشى فإنة يصل الى مستوى معين كل مرة فى تصحيحة فى بداية كل يوم جديد ثم يرتد الى مستوى اخر من مستويات فيبوناتشى وبإختلاف الظروف والاحداث يتحقق هذا المنوال كل يوم وفى نفس الميعاد تقريبا...
وجدنا من نسب فيبوناتشى الوسيلة المثلى لقياس التصحيح والارتداد وتوصلنا الى نتائج طيبة تمكننا من الحصول على حوالى من 30 الى 40 نقطة فى بداية كل يوم بنسبة تأكيد 95% تقريبا....
واليكم تفاصيل الاستراتيجية......
تابعوا معنا...............

[عصفور]

ثانيا : شرح الاستراتيجية
مبدئيا انا استخدم ميتا تريدر وكل الرسومات والشرح والوسائل التالية بتوقيت ميتا تريدر ومبنية على اساس تحليلى على الميتا تريدر (يرجى مراعاة النقطة دى).
نبدأ بإسم الله
الفكرة بسيطة جدا جدا جدا
نقوم برسم خطوط فيبوناتشى على فريم الساعة من هاى اليوم الى اللو او من اللو الى الهاى طبعا حسب اتجاة الترند فى هذا اليوم
ومن ثم ننتظر اقفال اخر شمعة فى اليوم ونقوم بتحديد امر شراء او بيع من عند خط 38 فيبوناتشى ونحدد التارجت عند خط 23 فيبوناتشى....
السؤال الذى يدور فى ذهنكم الان هو هل هذة هى الطريقة فقط ...؟؟؟!!!!!!
الم اقل لكم الطريقة بسيطة جدا قد تكون هايفة جدا ولكن .......
احذرو يوجد شواذ عن القاعدة كالعادة فلا شئ مأكد فى الكون سوى وجود الله عز وجل .......
الان سوف نكتفى بهذا الشرح وهوة كافى وسنتناول فيما بعد مسألة الشواذ عن هذة القاعدة...
ولكن الان دعونا ننظر قليلا للنتائج والشارت الذى يمثل الفيصل بين الكلام والفعل...
هنا تكمن النتيجة ..... فى ..... الارباح.
تابعوا معنا...............

[عصفور]

ثالثا : النتائج.
حتى ولو لم تتمكن من استيعاب الموضوع من اولة هنا سوف تتمكن من ان تكتمل الفكرة فى رأسك...
تابع معنا..
سوف نأخد امثلة مثلا الاسبوع الماضى....
اول يوم مع افتتاح السوق دعونا نرى ماذا حدث لزوج الباوند ين...
مع العلم ان الدراسة كلها قامت على هذا الزوج.

هذة البداية ننتظر اغلاق اخر شمعة فى اليوم على فريم الساعة
ومن ثم نرسم خطوط الفيبوناتشى من اقل نقطة لاعلى نقطة لان الترند صاعد
ونحدد السعر المقابل لنسبة 38 فيبوناتشى
ونحدد عقد شراء من هذا السعر...
اما بالنسبة للتارجت فيكون عند مستوى 23 فيبوناتش

كانت الصفقة تحديدا
شراء بسعر232.17
تارجت 232.48
تحقق التارجت فى ساعة واحدة ربح 31 نقطة

[fundays22]

اخي الكريم عصفور
بجد مجهود جميل جدا جدا
علي فكرة انا متابع معاك والموضوع عجابني جدا جدا
بس انت اية رايك في الموشر المرفق في اول الصفحات
هل نستخدمة ام نرسم يدوي
وكمان عايزين نتابع ونعرف اية هية اهم الاذواج التي تحترم الطريقة
وكمان عايزين نعرف اية هي الاذواج اللي ما تحترم الطريقة
طبعا دة كلة بالمتابعة
ياريت الاستاذ الفاضل سمير يشاركنا في الموضوع مبدئيا كتشجيع لنا وباذن الله هنحاول نخلي الباقي معانا بس لاذم نجتهد شوية

عموما الفكرة جميلة ونسبة الربح جميلة اوي
عموما انا باذن الله معاك هنا
وربنا يكرمنا

[سمير صيام]

اخى محمد
شكرا لمجهود الاخ عصفور وهو جرب فعلا على الباوند ين الاسبوع الماضى زكان فعلا فعال وان شاء الله هو هيتابع لايف عشان نشوف الفرص
طبعا انا بحاول اربط الفايبو مع الترند عشان تكون الفرص اكتر ربحية وليس مجرد تصحيح والدخول وزمان لما كنت اتابع كنت بهمل حركة الترند فكانت تكسب اجمالا للدخول فى عدة ازواج فى نفس الوقت وده بيكون مخالف لادارة راس المال وده اللى خلانى ايامها اتوقف
لكن ان شاء الله بنضبطها اكتر مع الترند

[fundays22]

اخى محمد
شكرا لمجهود الاخ عصفور وهو جرب فعلا على الباوند ين الاسبوع الماضى زكان فعلا فعال وان شاء الله هو هيتابع لايف عشان نشوف الفرص
طبعا انا بحاول اربط الفايبو مع الترند عشان تكون الفرص اكتر ربحية وليس مجرد تصحيح والدخول وزمان لما كنت اتابع كنت بهمل حركة الترند فكانت تكسب اجمالا للدخول فى عدة ازواج فى نفس الوقت وده بيكون مخالف لادارة راس المال وده اللى خلانى ايامها اتوقف
لكن ان شاء الله بنضبطها اكتر مع الترند

اخي سمير جزاك الله عنا خيرا
وعموما باذن الله احنا هنتابع لحد ما حضرتك تظبط الطبخة
ويارب نكون عند حسن ظنا بنا
وشكرا علي متابعتك وتشجيعك لنا

[سمير صيام]

ممكن فرصة على حسب تفكيرى لتطوير الطريقة وهى الباوند دولار
الوضع الحالى كسر ترند صعودا طبعا الترند هنا على الساعة وهو اخر ترند وهو بتاع اربع ساعات برضه لكن شغلنا على الساعة
مستوى 38 للفايبو لاخر يوم بتاع الجمعة هو 1.9649

يبقى الصفقات هتكون كالاتى
الشراء من 1.9649 والهدف الاول 1.9674 والتانى 1.9714
البيع مع كسر مستوى 1.9609 والهدف يكون 1.9584 و 1.9544

[fundays22]

ممكن فرصة على حسب تفكيرى لتطوير الطريقة وهى الباوند دولار
الوضع الحالى كسر ترند صعودا طبعا الترند هنا على الساعة وهو اخر ترند وهو بتاع اربع ساعات برضه لكن شغلنا على الساعة
مستوى 38 للفايبو لاخر يوم بتاع الجمعة هو 1.9649

يبقى الصفقات هتكون كالاتى
الشراء من 1.9649 والهدف الاول 1.9674 والتانى 1.9714
البيع مع كسر مستوى 1.9609 والهدف يكون 1.9584 و 1.9544

الله عليك يا حج سمير اهوة كدة الشغل الجميل بتاع الحج سمير التمام
ايوة كدة شجعنا وخليك معانا شوية والله باذن الله فيها خير كبير
وتشجيعك ومتابعتك لينا هيدينا ثقة اكبر في الطريقة
ربنا يكرمك يا حج سمير ويغفر لك ويرجمك ويوسع عليك اللهم امين يارب العالمين

[fundays22]

ويرحمك ويوسع عليك

[mu7amd]

نفسي افهمها
او يمكن تلخيصها يا اخوان

[mayar]

موضوع ممتاز للاستاذ سميركما تعودنا منة

احاول وضع شارت وارجوا التصحيح هل فهمى مضبوط للطريقة ام لا؟
شراء من 1.9745
هدف :1.9765
هدف:1.9795

بيع عند كسر المستوى من 1.9709
هدف 1.9688
هدف1.9663

تحياتى

[سمير صيام]

موضوع ممتاز للاستاذ سميركما تعودنا منة

احاول وضع شارت وارجوا التصحيح هل فهمى مضبوط للطريقة ام لا؟
شراء من 1.9745
هدف :1.9765
هدف:1.9795

بيع عند كسر المستوى من 1.9709
هدف 1.9688
هدف1.9663

تحياتى

فهمك صحيح
النقطة بس اللى حبيت الفت النظر اليها ان الطريقة كان عيبها اننا بندخل فى حدود 10 عملات مع بعض عشان اللى يخسر تعوض مكسب عملة تانية
انا عايز اعدل بحيث لا ادخل كل العملات مع بعض كفاية عملة واحدة او اكتر

[عصفور]

بسم الله الرحمن الرحيم
فرصة رقم (1) على الطريقة المعدلة

ارجو التأكد على اغلاق هذة الشمعة تحت الهاى اليومى لتأكيد رسم الفيبوناتشى على اليوم بأكملة
تفاصيل الصفقة
لونج من 232.40
تارجت 232.65
بالتوفيق

[عصفور]

تعديل بسيط
كنت قد ذكرت ان البرنامج المستخدم الميتا تريدر ولكن استاذ سمير نصحنى بأل تريد
وذكر انة افضل من قرب توقيتة مع التوقيت الفعلى للسوق.....
عامة الاسبوع الماضى التجربة كانت على الميتا تريدر والنتيجة كانت باهرة
سوف نجرب أل تريدر على نصيحة استاذنا سمير وان شاء الله النتيجة افضل
يرجى مراعاة فروق التوقيت واغلاق الشموع وياريت يكون توحيد البرنامج افضل.....
تقبلوا ودى

[عصفور]

نفسي افهمها او يمكن تلخيصها يا اخوان

اظن يا استاذ محمد الصورة وضحت......
وانا موجود لو فى اى استفسار ولكن ارجو طرح الاستفسار فى الموضوع نفسة حتى تكون الفائدة عامة للجميع حيث ان هذا هوة هدف المنتدى اساسا على ما اظن.
عامة على الرحب والسعة يا استاذ محمد وانا تحت امر حضرتك فى اى وقت