مبروك عليكم سكان الدمام والخبر

[محمد]

من اليوم بدا بناء الجسر من شارع ابن خلدون على طوله كامل بس السوال كم سنه بياخذ بناه عشان يفكونا من الزحمه الي صايره في الدمام . يقولون 3 سنين بنقضيها حواري وما في شارع رئيسي على العموم راح تتحسن الوضع اكثر واكثر وننسى الزحمه زي اهل الرياض خخخخخخخ

[شموخ]

هلا فيك أخوي محمد ...
كيف يعني راح يقفلون جسر اللي يوصل بين الخبر والدمام ؟


تحياتي لك

[محمد]

اسف على التاخير ... ما راح يقفلونه بس راح يمدون الجسر الى اخر شارع بن خلدون من بداية الشارع الاول الى اخر شارع 42 فهمت علي
واذا تبي ترتاح اطلع الشارع وشوف بنفسك :wink_smil

[شموخ]

مدري يخوك انا اشوفهم مقفلين آخر الشارع ...
ومدري وش السالفة ...
بس السؤال ... الجسر راح يتقفل وإلا لا؟

وشكرا

[محمد]

لا الجسر ما راح يتقفل راح يسونله توصيله يظل مكمل لنهايه شارع بن خلدون . يعني يمسكونك طريق واحد وتسعين والمطار

[ابوساره]

3 سنين :what_smil
والله كثير :48_48:

[محمد]

يا ابو سارة يا عزيزي . راح تتاقلم على الزحمه كمان سنه سنتين ويصير الوضع عادي وبعدها راح تفرج علينا
صرت اروح من مدينه العمال الى مستشفى المواساه تاخذ معي نص ساعه او اكثر شوي الله يكون بلعون

[aaamal1026]

في منهاتن قبل عشر سنوات بغوا يسوون جسر كبير راح يسبب خلال عملية انشائه زحمه
الحاصل جلس البناء سبع سنين ليييييييييييش ؟

اربع منها وهم يحاولون اقناع الناس او ايجاد طريقة لانشاء الجسر بدون مضايقة الناس

كان الحكومة تشترط للموافقة احضار اصوات 51 % من الناس هناك لتتم الموافقة

بالنهاية لم يستطيعوا اقناع الناس بالصبر ثلاث سنوات فقاموا بانشاء الجسر بطريقة زادت التكلفة الى الضعف ولكن اهم شيء عدم مضايقة الناس وانتهى بناء الجسر في سبع سنين

حنا عندنا الجسر يكلف اضعافا مضاعفة والمضايقة كل ما يكلفون انفسهم يحطون لوحه متر في متر مكتوب بخط لازم تقف عند اللوحة وتقراه : نأسف للمضايقة ( كأنهم ما ودهم يحطونها )

[بن يعقوب]

>>

وليش منهاتن ..


مترو الانفاق في القاهره ..



تحت الارض ..كلف 30 مليون جنيه ... وانتها العمل في اقل من سنتين ..

وللمعلوميه عدد سكان القاهر يساوي عدد سكان السعوديه


..انتهى

[abofaris73]

السلام عليكم ورحمة الله

مثل عندنا بجدة ، امام عمائر الإسكان ، صارلهم سنتين الآن بالتمام والكمال ، والظاهر باقي لهم مثلها :cry_smile

وكاتبين لوحة كبيرة مكتوب فيها :


نأسف لخدمتكم ، ونعمل لإزعاجكم

:red_smile

[محمد]

[aaamal1026]

على فكرة هذا ماهو على مستوى المشاريع الحكومية فقط

بل على مستوى المشاريع الشخصية

مثلا عمارة الفيصلية والمملكة كم اخذت تبنى ؟

تقريبا خمس او ست سنوات والفيصلية خلصت قبل


طيب اقارن بمباني مثلها في المستوى واعلى

برج العرب ( اعلى مستوى ) بناؤه استغرق 18 شهر سنه ونصف يعني

اعلى مبنى في العالم يبنى الآن في دبي طوله 725 متر يعني الفرق بينه وبين الثاني على مستوى العالم اكثر من 200 متر
مقرر له انه يبنى في مده لاتتجاوز سنتين ونصف

الفندق المائي اللي يبنى بالكامل تحت الماء في دبي سينتهي العمل منه كما يقولون في 2006 وللمعلومية العمل لن يبدؤا به الا بعد شهر او اثنين

[بن يعقوب]

يا حبنا لدراسة المشاريع ..والرويه في اتخاذ القرار ..


ويا ريتها جايبه سنع ..اخرتها ...


تشوف المصايب عيني عينك



مشي حالك حالك يمشي..