استراتيجية samtaq(تحليل فني+مؤشرات)

**samtaq3** · 13-11-2007, 03:08 PM

انا بقالي فترة بجرب و بحاول اتنقل بين الاستراتيجيات المعتمدة علي المؤشرات و الاقي اشارات خطأ كتير و السوق بيغير كل شوية اسلوبه فتفشل الاستراتيجيات
قلت طيب ارجع للتحليل الفني وجدت ان التحليل الفني ليه مزايا و عيوب فحبيت افكر بطريقة عملية اني ازاي اقلل من عيوب التحليل الفني و استفاد من مزاياه

اولا: مزايا التحليل الفني:
-ثابت في مبدأه علي مر الزمن يعني السوق عمره ماهيغير رايه في مبدأ التحليل الفني و لكن مش معني كده انه هايحترم كل مقاومة او دعم و يرتد منهم
-معظم كبار السوق يهتمون بالتحليل الفني
-منطقي في التعامل معه :يعني انا بتعامل مع حاجة انا فاهمها و فاهم ايه المنطق بتاعها
-صالح لكل الاسواق و لكل ازواج العملات

طبعا دي بعض مزايا التحليل الفني من وجهة نظري

ثانيا: عيوب التحليل الفني:
-كثرة الاساليب و الطرق في التحليل مما يسبب وجود عدة مقاومات و دعوم و بالتالي نحتار في الاختيار
-الارتداد قبل المقاومة او الدعم المختار بناء علي التحليل , و بالتالي تضيع فرص قوية بسبب كم نقطة فرق قبل الاوردر
-الاختراق الوهمي و بالتالي ينفذ الاوردر ثم يضرب الاستوب ثم يكمل في الاتجاه الصحيح
-فترة ترند قوية يتم فيها كسر الدعوم و المقاومات المتتالية و هذه فترات ليست بقليلة يعني تلاقي السعر بيعدي جنب المقاومة و كانها هوا ء يكسرها و يروح بعدها و يكسر و تلاقي السعر كسر 5 -6 مقاومات قوية جدا بدون ارتدادات و و بالتالي تلاقي خسائر متتالية بسبب ان كل مرة نقول هي دي اللي هايرتد منها و مايحصلش و هكذا

و من هنا قلت طيب ادور علي حل لبعض عيوب التحليل الفني عشان اقلل عيوبه مع وجود المزايا اللي قلناها

نلتقي بعد الفاصل

**saiid** · 13-11-2007, 03:13 PM

متابعه

**Anas User** · 13-11-2007, 03:16 PM

متابع أخي الكريم معاك

و بإنتظارك

تقبل تحياتي

**Love For Ever** · 13-11-2007, 03:25 PM

متابعه اخي

**samtaq3** · 13-11-2007, 03:32 PM

من هنا قررت امسك العيوب و احاول اتعامل معاها و احل بعض منها
و لقيت ان امسك كل نقطة و احلها و هابدأ معاكم :
العيب الاول : هو كثرة الاساليب و كثرة النقط الناتجة منه
يالنسبة لكثرة الاساليب :حل العيب دة بسيط جدا هو تحديد اسلوب معين لايشمل كل التحليل الفني و لكن يشمل جزء قوي منه مع مساعدة المؤشرات لكي يكون الاسلوب واضح و محدد لايعتمد علي النقطة النفسية و بالتالي تم تحديد :
- استخدام فيبوناتشي علي موجات يحددها الزيجزاج منعا لوجود التشتيت و تم اختيار اعدادين للزيجزاج و سيتم شرحهم عند شرح الاستراتيجية بالتفصيل
- نقاط الدعم و المقاومة سيتم تحديدهم يدوي و لكن باسلوب بسيط
- الترندات سيتم تحديدها عن طريق مؤشر الفراكتلز
سنكتفي بهذه الاساليب طبعا في حاجات تانية كتيرة زي النماذج و القنوات و المتوسطات و الخطوط الرقمية زي ميوري و الpivot fibo و ال pivot weekly ,monthly
لن نلجأ لتحليل الشموع

بالنسبة لكثرة النقاط : حلها هو التركيز علي فريمات الويكلي و الديلي فقط اما الاربع ساعات سيكون لتأكيد قوة نقطة ان احتاجنا و لكن لن يكون لاستنباط نقطة معينة

و هذا حل للعيب الاول

**samtaq3** · 13-11-2007, 03:50 PM

العيب التاني: هو الارتداد قبل المقاومة او الدعم و بناء عليه سنجعل دائما المقاومات عندنا منطقة يعني لما نحدد النقطة القوية سنتعامل مع المنطقة حولها ب 10 نقط فوق و تحت و ممكن اكتر علي حسب العملة

العيب الثالث و الرابع هم الاختراقات الوهمية او الحقيقية و كلتا الحالتين تؤدي الي ضرب الستوب مما يسبب خسائر متتالية

و عشان كدة لجأت للبحث عن طريقة استخدم فيها المؤشرات التابعة للسعر و لكن بمبدأ " لكل فعل رد فعل "
يعني انا اخترت مستوي قوي و ليكن 61.8 علي الديلي لل usd jpyو مثلا كان 110.00
طيب انا هايكون عندي منطقة لازم السعر يلمسها و هي من 109.9 الي 110.10
و هي المسئولة عن الفعل و بمجرد تلامس السعر ليها انتظر رد الفعل و ادخل معاه عن طريق استراتيجية علي فريم صغير جدا مثل ال5min او 15 min

اتمني تكون الفكرة العامة وصلت قبل مابدأ في شرح الفكرة بالتفصيل

بس انا عاوز اقول حاجة طريقة دي انا لسة بجربها من فترة بسيطة و لكن حبيت اشارك بيها عشان نطورها مع بعض بالاضافة اني شغال علي كل الازواج ودة محتاج مجهود كبير عشان اعملها التحليل الفني و ايمانا مني بقوة العمل الجماعي عرضت الفكرة لتكوين مجموعة عمل لتوزيع المجهود مع التطوير
في انتظار ارائكم قبل مابدأ في الشرح التفصيلي

**samtaq3** · 13-11-2007, 05:48 PM

نبدأ بالتفصيل و زي ماقلت دي البداية و قابلة للتطوير

ا

لجزء الاول هو التحليل الفني

-الفريمات المستخدمة بشكل اساسي هي : اليومي و الاسبوعي
-فريمات يستعان بيها بشكل ثانوي هي الشهري و ال4ساعات
-البرنامج المستخدم altrade
-الازواج: جميعها مبدئيا
-المؤشرات هي :
zigzag 12.5.3
zigzag 7.5.3
fractals
الادوات :1-خطوط راسية و عرضية و مربعات تظليل و خطوط ترندات
2-فيبوناتشي retracement العادي مع زيادة مستوي78.6,127,161.8,200,223.6,261.8,314
طبعا دي كلها مستويات منها القوي و منها المتوسط و سيتم توظيفها بشكل منظم

بكدة نكون انتهينا من تجهيز الشارت الاول للزوج و هو شارت التحليل الفني

**Love For Ever** · 13-11-2007, 06:31 PM

اذا ممكن ارفاق المؤشرات
zigzag
fractals

**عِماد نُعمان** · 13-11-2007, 06:31 PM

متابع

**samtaq3** · 14-11-2007, 02:48 AM

المشاركة الأصلية كتبت بواسطة Love For Ever

اذا ممكن ارفاق المؤشرات
zigzag
fractals

هذه المؤشرات موجودة اساسا في الميتاتريدر لو مش عندك ممكن ابعتهالك

انا بشكر كل المتابعين للموضوع و ان شاء الله لسة الموضوع كبير مش صغير

**عِماد نُعمان** · 22-12-2007, 01:22 AM

المشاركة الأصلية كتبت بواسطة samtaq3

هذه المؤشرات موجودة اساسا في الميتاتريدر لو مش عندك ممكن ابعتهالك

انا بشكر كل المتابعين للموضوع و ان شاء الله لسة الموضوع كبير مش صغير

طولت الغيبة يالغالي .. لازلنا منتظرين

**MrHoMsI** · 22-12-2007, 01:49 AM

معاك يا وحش روح

**رانيا وجدي** · 22-12-2007, 09:23 PM

تسجيل حضور ومتابعة ... وان شاء الله ربنا يوفقك

**عمران حسن** · 22-12-2007, 09:38 PM

تسجيل حضور و متابعه

و فقك الله و ننتظر المزيد

**الخالدي-13** · 23-12-2007, 01:13 AM

متابعين معاك
بس
ما تتأخرش علينا

الموضوع: استراتيجية samtaq(تحليل فني+مؤشرات)

أدوات الموضوع

استراتيجية samtaq(تحليل فني+مؤشرات)

رد: استراتيجية samtaq(تحليل فني+مؤشرات)

رد: استراتيجية samtaq(تحليل فني+مؤشرات)

رد: استراتيجية samtaq(تحليل فني+مؤشرات)

رد: استراتيجية samtaq(تحليل فني+مؤشرات)

رد: استراتيجية samtaq(تحليل فني+مؤشرات)

رد: استراتيجية samtaq(تحليل فني+مؤشرات)

رد: استراتيجية samtaq(تحليل فني+مؤشرات)

رد: استراتيجية samtaq(تحليل فني+مؤشرات)

رد: استراتيجية samtaq(تحليل فني+مؤشرات)

رد: استراتيجية samtaq(تحليل فني+مؤشرات)

رد: استراتيجية samtaq(تحليل فني+مؤشرات)

رد: استراتيجية samtaq(تحليل فني+مؤشرات)

رد: استراتيجية samtaq(تحليل فني+مؤشرات)

رد: استراتيجية samtaq(تحليل فني+مؤشرات)

المواضيع المتشابهه

مؤشرات استراتيجية Triad Formula

استراتيجية بدون مؤشرات لجميع العملات

بدون تحليل-فقط مؤشرات

سؤال للخبراء:يعني أيه مؤشرات الارتداد,مؤشرات الترند,مؤشرات الفلتره ؟

سؤال للخبراء:يعني أيه مؤشرات الارتداد,مؤشرات الترند,مؤشرات الفلتره ؟

الاوسمة لهذا الموضوع

عروض شركات الفوركس