الزوايا السعرية والفواصل الزمنية

[omarbarakat]

ولا فى زعل ولا حاجه انا بتعلم و اكيد هايكون فى حاجات كتير غلط
للامام ان شاء الله

[medo93]

بسم الله الرحمن الرحيم

اعزائي المتابعين حان الوقت لاستكمال الدروس وما زلنا ف الجزء الخاص بالاشكال الهندسية
واليوم ان شاء الله موعدنا مع شكل جديد من هذه الاشكال وهو الشكل الخماسي وهذه المشاركة لن تكون طويله
وهذا يرجع لاننا قد عرفنا الفكرة في كيفية اختيار الشكل الهندسي
وهي الارتداد من زاوية معينه الي منتصف المسافة تقريبا وفهمنا بالضبط معني الجملة دي

ونبدا ع بركة الله

الشكل الخماسي

والشكل دا هو بالظبط ارتداد السعر من الزاوية 72 الي منتصف المسافة يعني زي باقي الاشكال السابقة
لكن هو فيه حاجة مش موجودة ف باقي الاشكال وهنعرف هي ايه بس بعد ما نشوف شكله اولا

دي الصورة المثالية للشكل

وف حالة اننا بدئنا الرسم بتاعنا من قمة دا هيكون الشكل الخماسي الهابط بتاعها بالشكل اللي ف الصورة اللي جاية

اما لو بدئنا الرسم من قاع هيكون الرسم بالشكل دا

ونركز جدا ف الصور الل فاتت دي ويا سلام لو نرجع نبص تاني فيهم ع الزاوية الرئيسية التانيه ونشوفها كام ؟

اول زاوية هي 72 والتانيه هي ......
طب ليه انا بقول ع الزاوية التانيه دي ؟
السبب ان دي ليها قصة مختلفة عن اي شكل هندسي تاني

احنا عارفين ان الشكل الرباعي بيرتد من الزاوية 90 وبعدها 180 ودي المحطة التانية بتاعته

لو لو فرضنا ان الشكل الرباعي دا بداء ع طول بالزاوية 180 يعني مش بداء ب 90 ثم تصحيح ثم 180
طبعا اي حد مذاكر هيقول خلاص يا استاذ ميدو دا اصبح شكل خط مستقيم ومش شكل رباعي
وكلامة مظبوط 100%

لكن الشكل الخماسي الظريف ممكن تبدا من الزاوية ال 2 واللي هي 144

يعني لما حد يطلع معاه الزاوية اللي ردت السعر هي 144 يبقي دا برضه شكل خماسي عادي يعني مفيش اي مشكلة حتي مؤشر ابو حمزة هتلاق فيه الزوايا بعد 90-120 144-180

[medo93]

طب يلا نشوف الصورة وبعدها نكمل

هو دا اللي الشكل اللي بقول عليه ولو جينا بصينا ع الشارت علشان نطلع الشكل هنلاقي منه كتير لانه بيكون بين الشكل الثلاثي (120)والخط المستقيم (180)
انا هجيب مثال ومنتظر من حضراتكم التطبيق

السعر صعود مباشر الي الزاوية 144 وبعدها هبوط الي الزاوية 72 ثم معادودة الصعود واختراق الزاوية 144

وهنا ظهر الخلاف

الرئي الاول قال ان دا: شكل خماسي عادي جدا زيه زي الشكل اللي بيرتد من الزاوية 72
الرئي الثاني قال ان دا: غير صحيح وان مينفعش شكل يبدا بالزاوية التانيه

خلاص خيلنا مع الرئي التاني دلوقتي ونقوله يا حج انت بتقول ان الشكل مش خماسي والسبب انه مينفعش الارتداد من الزاوية 144
طب كلامك زي الفل بس طالما الشكل دا مش خماسي يبقي دا ايه

يعني لما نلاقي زوج عمل ارتداد من الزاوية 144 هنقوله يا مين ؟

فرد علينا وقال بسيطه احنا هنغير ف اعدادت الاسبيس وهنبطئ الحركة

يعني ايه ؟

يعني نرجع للصورة اللي فاتت دي ونشوف الاسبيس كام


انا رجعت ولقيت الاسبيس المكتوب 10000 طب خلال انا هبطئ الحركة واخلي الاسبيس اقل يعني هشيل صفر منه واخليه 1000

لغاية دلوقتي تمام هنشيل صفر من الازرار اللي جنب الاسبيس

وبعدين هنعمل ايه ؟
هنلاقي ان الزاوية اللي كانت 144 هتبقي 45 والزاوية اللي كانت 72 بقت 22.5
زي الصورة اللي جاية بالظبط



يعني حصل تغير ف التروس وغيرت الترس الصغير بترس كبير علشان الشكل يصبح اكثر منطقية وفعلا معاه حق ازاي شكل يبدا بالزاوية التانية

والرئي الاول قال ينفع ان الشكل يبدا بالرئي الاول
والاول بيقول انه شكل خماسي بداء بالزاوية التانية من زوايا الشكل الخماسي
والتاني بقول لا هنغير الاسبيس وهيطلع معانا شكل ثماني (45)

لكنا احنا هنعمل حاجة جميله وهنقولهم استنو احنا هنشوف الشكل بيحترم الفواصل الزمنية الخاصة بالشكل
الخماسي ولا الثماني ودا اللي هيحدد الشكل بتاعنا

لو لقيته بيحترم الفواصل 45و90 و180 وكدا يبقي شكل ثماني والاسبيس 1000 وهخلي الزاوية 45

ولو لقيته بيحترم الفواصل 72 و36 و144 يبقي شكل خماسي والاسبيس 10000 والزاوية 144

وموضوع احترام الفواصل نفسه دا موضوع خاص بالزمني وبسيط ان شاء الله يعني مفيش اي نوع من انواع اللخبطة والتمييز بينهم سهل انا حبيت اني اقول الكلام د علشان محدش يختار فواصل زمنية خطا ويقول ليه السعر مش بيحترمها انا عارف ان ف ناس اول مرة تسمع الكلام دا لكن انا قلت دي فايدة تعدد المصادر والاهم ازاي توفق بينهم
وكمان لسه في درس كامل خاص بضبط الاسبيس انا بس جبت منه جزء علشان محتاجة ف شرح الشكل الخماسي

مزايا وعيوب الشكل الخماسي

1- يعبر عن حركة السوق عندما تكون هادئة ومنتظمة
2- ع الرغم من انه شكل مكتمل الا انه غالبا ينهي دورته السعرية عند 216 و288
3- قد يحدث التباس بينه وبين الشكل الثماني
4- نسبة نجاحه 70%
5- شكل متكرر جدا ف الشارت وومكن تلاقي شكل خماسي بيسلم شكل خماسي بعده زي التحليل الخاص بالمجنون

كيفية الدخول ف الشكل

اكيد حضراتك عارفينها
الدخول الامن من فين ؟
والدخول بمخاطرة بيكون من فين؟

[medo93]

لو بحثنا ف الورشة هنا هنلاقي اكتر من 5 امثلة للشكل الخماسي وانا هنتظر حضراتكم تجيبو ليا اشكال خماسية

[medo93]

ولا فى زعل ولا حاجه انا بتعلم و اكيد هايكون فى حاجات كتير غلط
للامام ان شاء الله

ان شاء الله اخي الحبيب مش هيكون في خطا ومع ذلك الاخطاء نفسها مفيدة لولا الاخطاء مكناش اتعلمنا

[mohammedgaber]

أقل ما يقال انك عالمي

الله ينور عليك

[omarbarakat]

كنت مجهزها

[medo93]

أقل ما يقال انك عالمي

الله ينور عليك

تسلملي يا غالي يا ابوجابر

[medo93]

كنت مجهزها

طب ليه معملتش حساب الشكل الثماني احنا قلنا اللي هيفرق معانا الاحترام الزمني للفواصل وبالتالي انا هستاذن حضرتك ترسم الشكل من تاني ع اساس انه ثماني وتبعت الرسم علشان حضرتك تشوف السيناريو التاني

[daherxdaher]

pepperstone نوع الحساب Razor

مشكور جدا..

[omarbarakat]

متسرع انا

[azeddine82]

شكل خماسي انتهى عند الزاوية 216

[omarbarakat]

احنا بنحدد ان هو هيبقا خماسى او ثمانى بناء على الزمن

[moh1391]

الله يكتب اجرك اذا كان رسمي صحيح فمعناته ما زال المجنون هابط

[Harmonic2017]

السلام عليكم//

ارجو ان اجد ضالتي عندكم فوالله أن النفس تعبت وزهقت من كثر البحث والنتيجه(لاشئ)

انا اعرف اسماء الاشكال وكل شي واعرف ايضا كسف نخنار قمه او قاع(360 شمعه بدون قمم اعلي او ادنى منها)


لكن في كم سؤال جنني// اولا....

نعرف ان السوق اكثر من فريم مثلا 4ساعات وساعه ودقيقة

الان بالصورة هذي فريم اربع ساعات
هبوط لزاوية180°(شكل مستقيم)///
ثم تصحيح لاكثر من النصف ثم هبوط لزاويه 180° وكسرها...
https://a.top4top.net/p_661m55ce0.png


الان ( ناتي لدور السيكل لاين)

واللي عجزت افهمه نهائيا....

الان لو طبقنا ع نفس الصورة السابقة
رح نجد ان السعر لمس زاوية180° ع فريم الاربع ساعات في 22شمعه( واللتي تاتي من انصاف الزاوية180°)
ورح نجد ان السعر لمس الزاوية 180° في ع فريم الساعه في 90شمعه تقريبا واللي هي نصف الزاوية180°)
ورح نجد السعر ع فريم ال15دقيقة لمس الزاوية في 360شمعه اي دورة زمنيه كامله لفريم ربع ساعه?????


فالان اكثر من فريم لاكثر من نقطة لاكثر من سايكل لاين?
مذا استفيد ومذا يعني لي كمحلل سعري وزمني????

انتظر اجابة كافيه وشكرا لمجهودك اخ ميدو