القصة التى انقذتنى من خسارة مؤكدة قيمتها 5000 جنية

السلام عليكم اخوانى الكرام

اليوم هحط قصة عجيبة
قصة انقذتنى من خسارة مؤكدة بقيمة 5000 جنية او بالضبط 4500 جنية او 800 دولار
كنت خلاص خسرتهم بنسبة 99% الا ان ال1% المتبقية انقذتنى من الخسارة المؤكدة
لانى والله كنت خلاص هخسر يعنى هخسر 10000000000% وهتعرفو لية

الا قدر الله لعب لعبتة واستطاع القدر ايقافى عن الخسارة

طبعا كلكم متشوقين لقصتى

هحكيلكم قصتى التى لا ابتدت وانتهت فى اخر 4 ساعات من الان
فى قصة اكشن ودراماتيكا رائعة

اولا بداية القصة ان انا كان عندى منتدى عام كنت عاملة للتسلية ولكن لقيت ان ماعنديش وقت لية وكمان كنت لسة ماصرفتش علية غير 100 جنية حق الاستضافة والدومين
وولا عملتلة تصميم خاص ولا دعنم فنى ولا خدمات ارشفة ولا حاجة
ففررت انى اقفلة امبارح وامسح الدومين نفسة وعادى يعنى خسارة 100 جنية مش مهمة

المهم بالفعل مسحت كل ملفات وقواعد بيانات المنتدى وكل حاجة حتى الاساسيات اللى فى لوحه التحكم
وجيت علشان امسح الدومين لانى عايز امسحه
ولو الاستضافة ينفع تتمسح كنت مسحتها ولكنها هتروح عليا
المهم كنت مستنى واحد صاحبى اوى على الايميل علشان اقولة امسح الدومين دة ازاى
واستنيتة لغاية اما دخل من 4 ساعات او 5 من الان يعنى الظهر تقريبا
ووقت دخولة كان نفس الوقت اللى لسة هفتح صفقة بيع جنية استرلينى/دولار امريكى
من سعرة 1.5110 ودة سعرة من 4 او 5 ساعات بالضبظ بعد تحليلى الخاص
وحجم الصفقة النقطة ب 8 دولار ودة لان منصة التداول بتاعتى اول مانزل قائمة النقاط اللى هى 0.01 او 0.1 او 1.00 او 5.00 او 8.00 بلاقى اخرها 8.00
فاخترت 8.00 وهدف 50 بيب وبدون استوب :ohmy: اى يا مكسب 400 دولار يا خسارة مفتوحه :no3:
علما بان الحساب دة وهوة احد حساباتى وفية مبلغ مش كبير يعنى حركة زى دى تصفرة على طول

المهم جيت خلاص نويت الدخول ومجهز كل حاجة
وهضغط على كلمة sell ولكة تمام والوسيط بتاعى بيسمح بالمتاجرة بكل الرصيد لحد مايتصفر اى مافيش هامش محجوز وهامش متاح ودة بردة حاجة مش كويسة
وخلاص والنت بتاعى قوى يعنى اول مادوس على الزر يتنفذ على طول
ومافيش مشاكل واقتناع تام بالصفقة

الا ان صاحبى دة يدخل والاقية بيكلمنى على اساس انة بيرد على رسالتى الاوف لاين
وغطت الفتحه الدردشة مابينى ومابينة على فتحه تنفيذ الصفقة
واتلاهيت معاة فى موضوع مسح الدومين وكدة وطبعا دخلت على المتصفح علشان اجيبلة بيانات من شركة الاستضافة وكدة
وقالى طيب الاستضافة هتعمل فيها اية
فقولتلة لا هسبها زى ماهية كدة والسلام هى محجوزة سنة يعنى هتخلص 6/2011
لانى حاجزها شهر 6/2010
المهم قالى طيب ماتديهانى ادام مش هتحتاجها
فقولتلة هى لك مع انى كان عادى بيهزر ولكنى ادتهالة
ودة لانة عندة مواقع كتير وعايز استضافة خاصة علشان يرفع عليها حاجات ويظبطها
لان سرفرة بتاعت الشركة اللى مشترك معاها مش سريع وفية مشاكل ولو رفع مثلا استايل يقوم موقع الموقع بالكامل او يعملة مشكلة والدعم الفنى بتاع الشركة زبالة بينفضولة
وبالذات انة صاحبى الانتيم يعنى من الجامعة مش معرفة نت ولا حتى معرفة طيارى دة عشرة 14 سنة فى الكلية :0023::0023:
وكل المحادثة دى كان فى حوالى 5 الى 10 دقائق

ارجع لشاشة التداول اللى المفرود خلاص هنفذ الصفقة بعد تاخير الواد الخنيق اللى هوة صاحبى وانا بقول اوف ياريتنى ماكلمتة الواد الخنيق دة :ohmy: ودة لانة اخرنى عن تنفيذ الصفقة مع انة افادنى وراسل شركة الاستضافة بتاعتى علشان يدولة لوحه تحكم الدومين وشوبة حاجات كدة ولكنة صاحبى الانتيم
المهم بعد مارجعت لشاشة التداول
والاقى (الجنية الاسترلينى/دولار امريكى) طاير لفوق وولا عايز ينزل :Emoticon1:
علما بانى كنت فاتح فريم 5 دقائق يعنى ال10 نقاط تحسس انة عمود طولة 10 متر لفوق هههههههههههه فادايقت وقولت اية دة 10 بيب فى لحظة وولا عايز ينزل
خلاص مش هدخل فى الصفقة دى شكلها نحس

الا انى متابعها لكنى حالف انى مادخلش عليها
الى الان السعر وصل ل 1.5210 يعنى 100 نقطة ودة مالا يستحملة حسابى
اى خسارة عائمة حتى الان 100 نقطة اى خسارة عائمة 800 دولار اى بالضبظ 4500 جنية

بفضل ربى فقط حمانى من خسارتها
وياجماعة الباوند طبعا فى النص ساعة اللى كتبت فيها الموضوع دة عمال يتذبذب والى هذة اللحظة عند 1.5185


طيب اية اللى المفرود الواحد يستفادة من الموضوع دة
ان الواحد ماعندش القدر
ان الواحد ادام كريم مع الناس فربنا هيبقة كريم معاة
واللى بيطلع من الواحد بالايد اليمين بتراضى بيدخلة تانى اضعاف اضعافة
يعنى الاستضافة تمنها 50 جنية لانها 500 ميجا مساحة و10 جيجا ترافيك
المهم الاستضافة 50 جنية ربنا حمانى من خسارة تمنها 5000 جنية

وبردة لو حصل شئ تمنع حدوث الصفقة يبقة خلاص ماتدخلش عليها افضل
تانى
وبردة ؟؟؟؟؟ مش عارف ياريت لو حد عندة حاجة ممكن نستفاد منها من الموضوع دة يحطها هنة حتى يكون موضوع يستفاد منة كلنا اقصى استفادة
واسف على مثلا لو فى شوية رغى او عدم تنسيق للموضوع ولكنى كتبتة بدون ماراجعة وفى نص ساعة او اقل كمان
والسلام عليكم ورحمه الله وبركاتة

ربنا سترها معاك

سبحان الله ـ بس ابئه خللى بالك المرات الجايه

انا مره كنت فاتح صفقة بيع يورو دولار تقريبا من شهرين والسعر عكس عليا وكان فاضل تلات نقط والحساب يضيع وانا مكنتش متابع اصلا عشان كان عندى مشكلة مشغول بيها ربنا ما يجيب مشاكل ومفيش نفسية لا تداول ولا غيره ومكنتش عامل ستوب لوز ولا حتى هيدج بسبب اللخمة اللى كنت فيها

المهم لما فتحت الشاشه لقيت فاضل تلات نقط والحساب يضيع تماما ،
تانى يوم بعد ما رجعت من صلاة الجمعة لقيت الحساب زى ماهوه منقصش منه سنت :)

اللى حصل ان السعر ارتد ووصل لنقطة الدخول والحمد لله والصفقة قفلت بفضل الله وستره

توقيع جميل جدا :)

بمناسبة التوقيع ايجابتي عليه انه مفيش ولا راجل اصلا دول شوية نمل :)