خواطر إليوتية

السلام عليكم
تعال نجاوب على سؤال اخونا 300 و نشوف ازاى احقق اكبر استفادة ممكنة من الويفة التالتة قبل الدخول فى الرابعة و اجنى ارباحى قبلها و انتظر انتهاء الرابعة و الدخول مع الخامسة مرة اخرى

طبعا احنا عارفين ان الويفة الرابعة هى ويفة جنى الارباح الرئيسية و انها عبارة عن صراع ما بين اللى دخل مع بداية التالتة و عاوز يجنى ارباح و بين اللى فاته القطار و منتظر اى تصحيح عشان يركب مع الترند و عشان كدة من اهم علامات الويفة الرابعة انها تفقد السعر العزم الذى اكتسبه فى التالتة بالكامل و تعود به الى منطقة الصفر
يبقى معنى الكلام دة انى لو بكون فى دافعة على فريم الديلى يبقى لما اعمل الرابعة على الديلى العزم ينزل للصفر على نفس الفريم
نفهم من كدة انى لما احب اخرج فى نهاية 3 على الديلى اعمل ايه ؟؟ ننزل على فريم الساعة على طول ليه ؟؟؟ عشان نشوف التركيب الداخلى للتالتة اللى على الديلى من خلال فريم الساعة طيب ازاى ؟؟
الويفة التالتة فى حد ذاتها بتتكون من 5 ويفات و لما انزل على الفريم الاقل يبقى حنتظر تكوين الرابعة من التالتة و نزول العزم للصفر على الساعة ثم تكون الخامسة من التالتة و حدوث انفراج سلبى على العزم و هنا أبدأ اجنى ارباحى و تعال نشوف الشارت دة لأخر ويفة صاعدة فى اليورو دولار
http://www.fxprofe.com/up/uploads/7b0c2ffd62.png
http://www.fxprofe.com/up/uploads/e2e9393adb.png

http://www.fxprofe.com/up/uploads/8df2041513.png

ان شاء الله حنشوف فى المشاركات القادمة كيفية تأكيد نهاية الويفة من خلال نسب فيبو و خطوط الترند و الفوليوم
و الى اللقاء

رحم الله والدينك وادخلهم فسيح جناته اللهم امين
في انتظار تكمله .....

اقتباس:

---

المشاركة الأصلية كتبت بواسطة 300

رحم الله والدينك وادخلهم فسيح جناته اللهم امين
في انتظار تكمله .....

---

اللهم امين اللهم أمين

بارك الله فيك و جزاك كل خير فهذه الدعوات هى افضل ما ربحت فى عالم اسواق المال

السلام عليكم
عندنا اكتر من طريقة لرسم خطوط الترند تحديد نهاية الويفة
ناخد المثال الاول من شارت الدولار اندكس و اخر ويفة صاعدة
الاول حنجيب مستهدف الويفة الخامسة ( بدون اقواس ) داخل الويفة (3)
طبعا الطريقة معروفة للجميع اننا شدينا خط ترند بين 2 و 4 و رسمنا ليه خط موازى من قمة 3 و بالفعل حققلنا المستهدف و طبعا فيبوناتشى مش محتاج تعليق اكد الكلام دة
http://www.fxprofe.com/up/uploads/9436b7bb8b.png

تعال بقى فى الشارت التانى حنحدد مستهدف الويفة (5) الاكبر و المرة دى رسما برضه خط ترند بين (2) و (4) و لكن رسمنا الخط الموازى من قمة الويفة (1) و بالفعل ا لويفة (5) اتحققت عند خط الترند اللى رسمناه و فى نفس الوقت عملت دبل توب و لاحظ ان العزم اكد لنا الكلام دة تماما
http://www.fxprofe.com/up/uploads/6c0cefeff2.png
هنا بقى فى كلام مهم فى فيبوناتشى
لاحظ ان فيبو ماشى تمام كدعوم و مقاومات لما شديناه بين قمة (1) و قاعها
لما حققنا (4) ارتدينا من 261% فيبو و دة عادة معناه انى رايح للتسبة اللى بعدها 423% فيبو
اللى حصل هنا خد بالك بيحصل كتير جدا ان الشارت مصمم يحقق نسبة 423 فيبو و زى ما انت شايف انه بعد تحقيق الويفة (5) بدون الوصول ال نسبة ال 423 بدأ يعمل طلعة بيع وهمية من خلال فلاتة و وصل لمستهدف فيبو بالويفة B ثم بدأ بالهبوط القوى و الحكاية دة عادة ما تتكرر و لازم ناخد بالنا منها قوى

الطريقة التالتة لرسم خط الترند لما بتكون الويفة التالتة قوية جدا و شبه رأسية حنشوفها فى المشاركة القادمة ان شاء الله

ملحوظة مهمة جدا
خد بالك انى فى الشارتين رسمت خط الترند بين قاع التانية الفعلى و بين اغلاق الرابعة و ليس قاعها

و الى اللقاء

السلام عليكم
لما بتكون الويفة التالتة حادة جدا او شبه راسية عادة ما نرسم خط الترند الموازى للخط الواصل بين 2 و 4 من النقطة رقم 1 و فى الحالات النموذجية بيكون هذا الخط هو السنترلاين للقناه السعرية المتكونة من رسم خط ثالت موازى لهم من النقطة رقم 3 و خد بالك ان من اهم اشارات ان ترقيمك سليم هو تكون الويفة الخامسة تحت السنترلاين فى حالة الترند الصاعد و فوقه فى حالة الترند الهابط و طبعا دة واضح فى الشارت التالى
http://www.fxprofe.com/up/uploads/fe8588f89a.png


و لكن مش دايما السنترلاين بينطبق على الخط المرسوم من النقطة 1 و تعال نشوف الشارت دة اللى الويفة 5 احترمت فيه السنترلاين و دة كثيرا ما يحدث فى حالة الويفة التالتة الحادة
http://www.fxprofe.com/up/uploads/b19e986043.png

جزاك الله خير
شرح رائع اخوي
بارك الله بك

اقتباس:

---

المشاركة الأصلية كتبت بواسطة hassan massoud

السلام عليكم
اتفق معاك فى ان الويفة الحالية تصحيحية و انها غالبا ويفة مركبة بالفعل و ان مستهدفها حوالى 1.55 و كل دة كلام سليم و ممتاز
و لكن ارجو توضيح كيف تكون الويفة الحالية هى الرابعة و حعرض عليك شارتين بترقيمين مختلفين و اوضح وجهة نظرى فى الباوند

http://www.fxprofe.com/up/uploads/f5b276b38a.png
الشارت الاول بيقول انى عملت فلاتة ABC و خلصتها و طالع بصحح للفلاتة دى و طبعا مستهدفى المفروض لا يقل عن 50% منها و هو بالظبط منطقة ال 1.55 اللى قلنا عليها و اللى بتتفق مع النقطة رقم 4 و متوسط 200 يوم و هى مقاومة مهمة جدا و فى حالة اختراقها نصل الى منطقة الويفة رقم 2

http://www.fxprofe.com/up/uploads/cfd4729745.png
الشارت التانى بيقول انى بعمل حاليا فى الويفة b من الويفة Z اللى المفروض تكمل ب c لتحت او تكمل بمثلث من 5 ويفات و دة فى رأيى الشخصى الارجح على مستوى جميع الاسواق العالمية خصوصا مع تضارب الاخبار ما بين سلبى و ايجابى و بقاء الوضع على ما هو عليه لفترة لن تكون بالقصيرة حتى تنتهى هذه الازمة


و الله اعلى و اعلم

---

كلام جميل ... وهما دول فعلا افضل احتمالين ...

بارك الله فيك

اقتباس:

---

المشاركة الأصلية كتبت بواسطة 300

جزاك الله خير
شرح رائع اخوي
بارك الله بك

---

اقتباس:

---

المشاركة الأصلية كتبت بواسطة jannfx

كلام جميل ... وهما دول فعلا افضل احتمالين ...

---

اقتباس:

---

المشاركة الأصلية كتبت بواسطة الاجرب

بارك الله فيك

---

بارك الله فيكم جميعا و وفقكم بإذن الله

السلام عليكم
نلقى نظرة على الداو فيوتشر و نشوف فى الشارت الاول ديلى النموذج اللى بيتحرك فيه حاليا
http://www.fxprofe.com/up/uploads/341e2cbadf.png

زى ما قلنا قبل كدة عشان نشتغل بدون تعقيد بمجرد الدخول فى منطقة تصحيحية يجب ان اتعامل مع كل ويفة داخل النموذج اللى بيتكون بشكل مستقل الى ان اخرج منه فى اى اتجاه و ابدأ فى ترند جديد و لا تفكر فى الشكل النهائى للنموذج و هو فى مرحلة التكوين و الا حنلاقى نفسنا بنحلم بيه و لو مش مصدق تعال نشوف معظم الأراء و التحليلات لهذه المنطقة

http://www.fxprofe.com/up/uploads/666e1c7818.png
http://www.fxprofe.com/up/uploads/a48aa4353f.png

http://www.fxprofe.com/up/uploads/51f23348d7.png
http://www.fxprofe.com/up/uploads/6d65490fc7.png

و لسة فى كمان بس انا قربت اتجنن
يبقى الصح ايه
نمسك فريم الساعة للويفة الصاعدة الحالية لحد منشوف اخرها و طالما محترم الترند و مفيش اشارة خروج يبقى انا مكمل معاها لحد متقولى مع السلامة و نشوف الشارت
http://www.fxprofe.com/up/uploads/8fe35c8053.png
الشكل العام للشارت الراجل اخترق اول قناع سعرية رسمناها من القاع زى ما اتفقنا نعمل دايما و حتى الأن تحولت الى دعم مهم و فى نفس الوقت فوق متوسط 20 يعنى لسة فى الترند الصاعد
لكنه وصل الى اول مقاومة افقية هامة و مدعمة بفيبو 61 و كمان فيبو 38 من الموجة الاكبر
الحالة اللى قدامنا دة تحتمل الكسر لاسفل او الاختراق لاعلى و فى الحالتين حيكون الترند قوى جدا
من الناحية الموجية المنطقة المتداخلة اللى بيتحرك فيها حاليا لها 3 احتمالات
الاول انها نهاية ويفة
التانى انها الويفة B من فلاتة يعنى المفروض يكسر لتحت
التالت ان هذه المنطقة هى نوع من انواع الراننج كوركشن اللى كان بيسأل عليه الاخ 300 فى باب اخر و فى الحالة دى يبقى الاختراق لفوق
فى جميع الحالات مفيش اى اكشن منا الا بالكسر و الدخول فى القناه السعرية مرة اخرى او الاختراق و الدخول فى ترند جديد
و ان شاء الله حنرجع تانى للشارت و نشوف الترقيم الموجى ممكن يكون ازاى

انا متابع معاك

السلام عليكم
الويفة الصاعدة الاخيرة فى الداو على فريم الساعة
هذا الترقيم مؤقت و لا يتأكد الا بالكسر لاسفل لأنه حتى الان لم يخرج من الترند الصاعد و من الممكن ان يخترق المقاومة التى يتوقف عندها حاليا و تمتد الويفة
https://forum.arabictrader.com/uploaded/30078_24.png

السلام عليكم
تعالو نتسلى مع بعض فى شوية قواعد مهمة جدا تخص الويفات التصحيحية و بالذات المركبة من خلال شارت المجنون و فى النهاية حنحاول نتفق مع بعض على تحليل لهذا الشارت
https://forum.arabictrader.com/uploaded/30078_4.png

بالتأكيد الكل متفق على المثلث اللى بيتكون حاليا فى الويفة الاخيرة و لكن يا ترى المفروض المثلث دة اتجاه الخروج منه حيكون لفوق و لا تحت
عشان نجاوب على السؤال دة نتعرف الاول على اماكن تواجد المثلثات
1- الويفة الرابعة داخل ويفة خماسية و نادرا جدا ما يأتى فى التانية
2- الويفة B داخل زجزاج 5-3-5
3- الويفة X فى دبل زجزاج او الويفة XX فى تريبل زجزاج
4- الويفة الاخيرة فى تصحيح مركب يعنى الويفة Y من تصحيح مركب ثنائى او الويفة Z من تصحيح مركب ثلاثى

ملحوظة هامة المثلث يتحقق مرة واحدة داخل نفس الويفة الاكبر يعنى 2 او 4 فى الخماسية و X او XX فى او الاخيرة فى المركبة

معنى الكلام دة ان المثلث لا يمكن يصحح لفلات
طيب لو جالنا مثلث بعد الفلات يبقى وضعه ايه بص كدة على الرسم دة حتلاقى الاجابة

https://forum.arabictrader.com/uploaded/30078_1.png

https://forum.arabictrader.com/uploaded/30078_2.png

فى الحالة السابقة توقعنا الكسر لاسفل بمجرد تكون المثلث بعد الفلاتة

طيب تفتكر امتى ممكن نتوقع اختراق المثلث لاعلى تعال نشوف الرسم دة و ركز معايا فى الحالة دى
https://forum.arabictrader.com/uploaded/30078_3.png

الاول فى حاجتين مهمين جدا لازم نحطهم فى اعتبارنا دايما
التصحيح المركب لا يزيد عن 3 ويفات يعنى اخره Z و يغير الاتجاه
جميع ويفات المثلث ثلاثية و بالتالى لازم نتاكد ان الويفة الاولى اللى داخلة على المثلث ثلاثية

طيب حاول تترجم الكلمتين دول فى الرسم السابق و اللى فى حاجة مش واضحة عنده يسألنى عليها

لسة عندنا حالات كتير للويفات المركبة و المثلثات حنتكلم فيها على الطبيعة من خلال تحليلنا لشارت المجنون ان شاء الله

قبل ما نكمل يا ريت اى من الاخوة الافاضل يتكرم و يقول لى على طريقة اظهر بيها الشارتات مش اللنكات لأن الاوبشن دة مش لاقيه فى مركز تحميل المنتدى مع جزيل الشكر

السلام عليكم
حنمسك مع بعض المجنون و حنفصصه على كل الفريمات و ان شاء الله من خلاله حنحاول نبسط التعامل مع الموجات التصحيحية و خاصة المركبة و المثلثات

نبدأ بالفريم الاسبوعى نشوف الشكل العام للشارت و احنا فين دلوقتى و هى اول خطوة لازم اعملها كمحلل اليوتى
https://forum.arabictrader.com/uploa..._gbp%20jpy.png
و لكن هل هذا الترقيم سليم
تعال ننزل على الديلى و نشوف اهم الخدع اللى بتساعدنى فى الترقيم
نبدأ بالقمة و نشوف الترقيمين دول و حنعرف مع بعض مين فيهم الصح

https://forum.arabictrader.com/uploa...gbp%20jpy1.png
https://forum.arabictrader.com/uploa...gbp%20jpy2.png

الشارت الاول هو الصح طيب ليه ؟
https://forum.arabictrader.com/uploa...gbp%20jpy3.png
فى الشارت التانى بدأنا الترقيم بفلاتة abc و لازم تصحح نسبة لا تقل عن 50% فيبو عشان اعتمدها ويفة كاملة و لكن عندنا صححت 38% فقط و هنا لازم اعتبر فورا ان هذا التصحيح يخص الويفة الخماسية فقط و ان الويفة الخماسية هى بداية ويفة جديدة و ليست جزء من الفلاتة و دى من اهم النقط اللى بتخلينا نعرف ان الترند ممتد بقوة سواء كنت حتكمل ويفة خماسية او زجزاج

و صبرا معايا الموضوع لسة طويل و جميل جدا احنا لسة بنسخن
و الى اللقاء

يا مرحبا ... استاذنا الفاضل ...
الروابط اللى حضرتك واضعها لاتفتح على شارت
لا أعرف المشكله دى عندى أنا أو عند الكل ...............؟؟؟؟؟؟؟؟؟؟؟؟؟؟