استراتيجية جمعت بين السكالبنج و السوينج في ان واحد

اقتباس:

---

المشاركة الأصلية كتبت بواسطة batttot

اخي الكريم اري انه يمكن العمل علي المتوسطين 2 و10 فقط فأرجو التوضوح لماذا باقي المتوسطات

ثانيا اري ان فريم 15 دقيقه جيد ولكن تظل الطريقه تعطي اشارات كاذبه كثيره فما العمل ؟؟؟؟؟؟

لقد قمت بعمل باك تيست سريع علي فريم 5 دقائق وفريم الربع ساعه ولا انكر انها تجعلك تدخل مع الرالي في اوله ولكن اشارة الخروج متأخره و تضيع نقاط كثيره

التذبذب سيء للغايه واشاراته الكاذبه كثيره وبذلك افضل حل هو الدخول مع الرالي والابتعاد عن التذبذب وهنا السؤال ؟؟؟؟؟كيف نعرف وقت الرالي لندخل فيه ؟؟؟؟؟؟؟؟؟؟؟؟


:016::016::016::016::016::016::016::016::016:

---

اخي الحبيب مشكور علي مرورك شرفتني بجد
اولا بندخ علي تقاطع 2 مع 3 و ننتظر اغلاق الشمعة باقي المستويات للتاكيد فقط لانها ايضا تتقاطع و هذا هام حتي يظهر لك شكل الافتراق ستلاحظه مما يؤكد
اضافة مستويات 30 و 50 و 100 و 200 و 350 و 500 و 800
عشان كل ما السعر يخترق مستوي ده كان بيشكله دعم او مقاومة تابع كده هتلاقي الشارت بيتكلم
و طبعا مننساش نحط ستوب لو هنشتغل اسكالبنج يعني ربع او نص ساعة من 25 ال 35 او حتي فوق مستوي 100 او تحته حسب اتجاهنا وكل ما يكبر الفريم يكبر الستوب فوق موفنج 100 ب 15 بيب كويس
و بعدين انت زنقت نفسك في الفريمات الصغيرة ليه انا مذكرتش 5 دقايق ده خالص و هو ده اللي وصلك للتذبذب ابدا بالساعة مكاسبها اكبر بكتير و التذبذب اقل بكتير و كمل علي ال 4 ساعات فرصتها اقل واجب 100 بيب
الربع و النص باه ده شغل اسكالبنج و هيكسبك كتير برده لانك متابع مش اخطف و اجري بصورة عشوائية لا ده كده انت بيبقي معاك اشارات يعني لما تقلب و بعد ما كان معاك 50 و 60 بيب اصبح معاك 40 و 50 تحمد ربنا
لكن انا ارجحلك الساعة
بشرط متدخلش الا بعد اغلاق الشمعة من علي الساعة و كذلك متخرجش الا بعد اغلاق الشمعة علي تقاطع عكسي
كمان لو كان فيه اكسبرت او حتي مؤشر صوتي هيفيدنا كتير اوي لانه مش هيضيع فرصة بشرط اغلاق الشمعة
ارجو انها تكون وضحت اكتر و لو عندك اسئلة تانية انا تحت امرك

اقتباس:

---

المشاركة الأصلية كتبت بواسطة sh4

متهيألى تقاطع 2و10 بيدى نتائج كويسة

---

الكلام ده لو بتشتغل علي فريم معين بتستني 2 مع 3
تستني تقاطع 2 مع 10 فعلا علي الفريم اللي قبله و بعد اغلاق الشمعة بتمام التاكيد للقطع تفتح فريمك و تشوف 2 مع 3
ارجو ان تكون وضحت

اقتباس:

---

المشاركة الأصلية كتبت بواسطة Jmeel

تفضلوا يا أخوان التمبلت في المرفقات ولكن الحذر من الأشارات الكاذبه فهي كثير ونحتاج الى اي مؤشر يساعد للفلترة

---

يا اخي و الله الواحد مش عارف يشكرك ازاي و الله
و بعدين مع العمل علي الفريمات الاكبر الساعة و الاربعة مع وضع استوب يكون الموضوع نجاحه اكبر بكتير و برده علي الفريمات الصغيرة بس هيبقي اسكالبنج و بالستوب برد\ه و هتلاقي ارباحه كتيرة اوي باذن الله
ولو عندك اقتراحات اكتر للفلترة يا ريت و هكذا هتلاقي الموضوع تطور كتير
لو باع نطمع في مؤشر صوتي تبقي عملت معان واجب كبير و يا سلام باه لو اكسبرت بجد الموضوع هيولع كتير اوي بس بشرط اغلاق الشمعة في الدخول و الخروج كذلك:015::AA::0031:

باذن الله بدءا من يوم الاثنين نبدا علي بركة الله متابعات حية و تنفيذ صفقات هتعجبكم باذن الله و باذن الله الربح الوفير
ده غير انكم بجد يا اخواني هتلاقو الشارت بيتكلم و متابعين حركاته اول باول
بس طالب منكم حاجتين ا
اولا تحددولي الازواج الي بتفضلو ان المتابعة تبقي عليها
ثانيا لو حد يقدر يوصلنا لمؤشر صوتي او اكسبرت هتشوفوا بجد المكاسب بجد
و متخافوش انا هاجرب الاول و بعدين اقولكم النتايج بصدق انتم تجربو علي الديمو

اقتباس:

---

المشاركة الأصلية كتبت بواسطة خالد النجي

السلام عليكم ورحمه الله
موفق اخى ان شاء الله دائما
ارجو المعذره كيف نعد المؤشر بهذه الطريقه ارجو الشرح ولك كل الشكر.

---

الاستاذ الغالى خالد
فى انتظار ردكم الكريم مع العلم ان التمبلت المرفق فى المشاركه الخاصه بالاخJmeel حاولت تنزيله ولكن للاسف به عيب والله اعلم فهل من الممكن ارفاقه مره اخرى للمحاوله وان حاولت ان اقوم باعداد المؤشر على altrader ما هى الخطوات التى اتبعها اسف للاطاله
وشاكر لكم كثيرا

الىورو دولارفقط

عيني ليك يا حبيبي
انا معنديش غير التمبلت اللي ارفقه استاذ جميل
بتنسخه في الملف بتاع البرنامج و بعدين تقفل الميتا و تفتحها تاني تلاقيه مطرح ما حطيته جرب تنسخه في ملف اسمه تمبلت بالانجليزي ممكن يبقي ده الحل و ان شاء الله يقرا المشاركة و يرد علينا

اقتباس:

---

المشاركة الأصلية كتبت بواسطة خالد النجي

الاستاذ الغالى خالد
فى انتظار ردكم الكريم مع العلم ان التمبلت المرفق فى المشاركه الخاصه بالاخJmeel حاولت تنزيله ولكن للاسف به عيب والله اعلم فهل من الممكن ارفاقه مره اخرى للمحاوله وان حاولت ان اقوم باعداد المؤشر على altrader ما هى الخطوات التى اتبعها اسف للاطاله
وشاكر لكم كثيرا

---

لقيته لقيته و الله لقيته
بص يا صاحبي انت اولا لما تدخل علي ملف البرنامج اللي في ال c
و تدخل علي الملف متدخلش علي كلمة expert
لا هتلاقي برا كلمة templates
هنا هتنسخ الملف
و اقفل البرنامج و افتحه تاني هتلاقي فوق جنب الفريمات ثلاث مربعات صغيرة
واحدة عليها علامة زائد بالاخضر جنبها واحدة عليها علامة ساعة و التالتة باه عليها موجتين كده مربعات صغية خالص هتفتح التالتة تلاقي التمبلت اخر حاجة
شغل هايل بصراحة نشكر استاذ جميل شكر بالغ
و نقوله ياريتك تهتم بموضوع المؤشر الصوتي او اكسبرت

فيه مؤشر قوي جدا في كشف اوقات التذبذب عشان نتجنب الدخول قبلها وهو مؤشر موفنج افرج 55 smoothed كل ما السعر يقرب منه كل ما نعرف انه فيه تذبذب هيحصل
و الله و لي التوفيق

جزاك الله خيرا اخى وان شاء الله نتابع الاسبوع القادم

اقتباس:

---

المشاركة الأصلية كتبت بواسطة amiro

جزاك الله خيرا اخى وان شاء الله نتابع الاسبوع القادم

---

ان شاء الله اخي الحبيب و متنساش تدعيلي ربنا يوفقنا جميعا
نزلت التمبلت ؟

مؤشر اخر للفلترة للتنبيه علي فترة التذبذب و عدم الدخول
سبق و ان قلنا ان هذه الاستراتيجية ينصح الا يعمل بها في حالة التذبذب فكيف لنا ان نعرف ان كان السعر سيمر بفترة تذبذب ام لا و الموضوع تحت المناقشة حتي نبدا التطبيق من يوم الاثنين باذن الله
و ذكرنا ان موفنج افرج 55 smoothed كلما اقترب السعر منه كلما زادت احتمالية التذبذب
ايضا نضيف الفوليوم عن طريق الضغط علي زر ctrl and L
ليظهر لنا الفوليوم و كلما قل الفوليوم دل ذلك علي فترة من التذبذب فينصح بعدم الدخول
في انتظار مشاركات اخواني عسي الله ان ينفع بها
وما توفيقنا الا بالله عليه توكلت و هو رب العرش العظيم

الغالى الاستاذ خالد حجازى
شكرا لردكم الجميل ولكن للاسف التمبلت المرفق فى المشاركه الخاصه بالاخ جميل
به عيب فهو لا يقبل التحميل على الجهاز حاولت اكثر من مره ارجو ان يتم التجربه من اى اخ اخر
وان كان هناك عيب ارجو وضع التمبلت مره اخرى ...... والف شكر لسيادتكم

شكرا علي الاستراتيجية

السلام عليكم
قالب