مربع التسعة
https://forum.arabictrader.com/uploa..._squareli8.png
طبعا المنظر العام يعطي احساس بالجنان !!
لكن تطبيقك المستمر للاكتشاف قد يغير تماما من الابعاد التي تتحرك عليها في حياتك اليومية وانت تتعامل مع الاسعار خاصة لاعلى والادنى
بداية الباش مهندس جان لم يخترع الفكره لكنه نقحها وظبطها واكتسف الموضوع بالصدقة لما كان بيزور الهند لانه وجد ناس في السوق بتبيع وبتشتري على الكشل ده وعلى المربع ده وكمان بيستخدموه كآله حاسبة في استخدامات اخرى
وبالبحث والتمحيص وجد ان الشكل ده هو الشكل اللي مبنى عليه الهرم الكبير في مصر بل وكان المصريين القدماء بيستخدموا هذه الاله الحاسبة ايضا ويمكن علشان كده انقرضوا لان البورصة جابتهم ورا
تعالو نشوف المربع ده اتكون ازاى
اتكون زي شكل الهرم بالظبط من فوق لتحت
الطوبة اللي في المنتصف رقمها واحد تدخل شمالها وترقم 2 وتلف مع عقارب الساعة وتكتب 3 و 4 و5 وهكذا لما توصل لـ 9 بيكون اتكونت اول مصطبة بعد الطوبه الاولى تنزل شمالها من الستعة و ترقم بالمثل مع عقارب الساعة وتنزل المسطبة اللي تحتها من يسار الرقم وهكذا بيتكون معاك الهرم ، ولا ننسى ان الهرم يشير الى الشرق والغرب والشمال والجنوب تماما وهو ما سوف نتكلم عن استخدامه عندما نتعرض ليفيبوناتشي والهرم
طيب علشان محدش يقولى انه كان علمى علوم وساقط جغرافيا هندخل في الموضوع على طول
مربع التسعة يستخدم لتاكيد اهمية اعلى سعر او ادنى سعر حالي ودراسة تاثيرة المستقبلي وذلك في اي سوق تتعامل فيه سواء بورصة او عملات او معادن او غيرهم
يعني مثلا لو من اسبوعين في سهم ما كان سعر الهاي له رقم س1 واليوم الادنى له ص2 هل هذا الادنى مؤكد؟؟ هل هو ادنى من عند دعم ؟؟ هل هو يستحق ان تبدا من عنده رحله اخرى للسعر؟؟ هل هو مؤثر ذلك السعر؟؟
وبعد ان نتابع سوف نقوم باسقاط امثله على السوق لكن بعد الالمام ببعض الجوانب لكن لا بد وان نعلم جيدا ان مربع التسعه لا يستخدم لاختيار او تحديد ققم او قيعان اللهم الا انه يساعد كثيرا عندما يتاكد كسر الترند
العجيب في الامر انه يستخدم كآله حاسبة للسعر والزمن ايضا وهو بعد او دومين يهمله العديد من المتعاملين في السوق لاسيما مبتدئين التحليل الفني
فإنه يمكنك ان تستخدم بدلا من السعر ان تستخدم الزمن لتكتشف قوة التاكيد لاعلى عن زمن معين او ادنى عند زمن اخر
عاوز اقول حاجه مهمه الا وهي انه بيجيب تطابق معايير الزمن والسعر لنقطة ما او مستوى سعري معين وبالتالي قيمة عليا او سفلى مؤثرة
بالبلدي يعني ايه هيبقى بكام وامتى !!!! معيا !!
يارب جان ميجيبش لحد جنان
ايه تاني ممكن يحسب من المربع؟؟
الجزر التربيعي؟؟ متوسط رقمين؟؟ دعم؟؟ مقاومة؟؟ تعالو نشوف
قسم المربع الى اربع اقسام
المربع يمين فوق
وده الوتر بتاعة بيجيب مربعات الاعداد الزوجية يعني مثلا 4 و 16 و 36 و 64 و 100 و 144 (ودة رقم هكتبلكم عليه موضوع جنان بعدين لانه كان سبب في جنون 3 افراد على الاقلمنهم جان و فيبوناتشي)
هتلاقي الارقام دي مربعات 2 و4 و 6 و 8 و 10 و 12 و 10 و 12 وههكذا وصل خط بين 5 و 144 ومدة وانت تشوف
المربع يسار تحت
بالمثل يستخدم لايجاد مربعات الاعداد الفردية
9 و 25 و 49 و 81 و 121 وهكذا للارقام 3 و 5 و 7 وههكذا
يعني القدماء المصريين كان عندهم جذر تربيعي تمام ؟؟ طيب المربعين اللي فاضلين بيجيبوا متوسطات الارقام مثلا 21 اقف عندها هتلاقيها على امتداد الـ 17 لتحت والـ 25 يمين صح؟؟
21=(25+17)/2
91 على امتداد 101 يسار و 121 فوق
91=(101+121)/2
وهكذا فإنك تستطيع ان تجرب بنفسك
مستر جان رسم دائرة حول الهرم وقسمها الى اجزاء حسب الطلب
يعني قسمها اتنين وقال انه ده بيجيب التريد خلال اليوم وهناك ناس في انظمة اخرى استخدمت الهرم على اتنين للشرق والغرب مثلا
وقسمها على 12 وقال شهور السنة (رقم يجن شويه لانه 12 شهر تعتبر موجة كامله - اليوت افندى و 12 يبقى جذر 144 التي تتوسط المتسلسله الموزونه لفيبوناتشي ...... مش هحرق موضوع 144 هنتكلم فيه بعدين)
وقسمها على 24 وقال ساعات اليوم وهكذا تقسيمات كتيره كل تقسيم كان له معنى وبيطلع من نتيجة علشان نقدر نتعلم ازاى نشتغل بيهم تعالو نشوف التقسيم ده
على رسم الهرم المحاور من زاوية صف الى 180 (المحور الافقي) ومن 90 الى 270 (المحور الراسي) دول محاور التعامد (الكاردينال) ومحاور الاوتار على الزوايا المائلة 45 درجة اسمهم محاور الاوتار (الاوردينال)
تلك المحاور هي محاور الدعم والمقاومة ونستخدمها لمعرفة قرب او مدى اقتران السعر بها للوقوف على حاله وتاكيده وكذلك تاكيد الزمن ومدى قوة ارتباطه بدعم او بمقاومة
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــ
ملاحظة الكلام منقول
