ايه يا جماعه هى أوربا فيها حريقه ولا حاجه ؟

[forex king]

اليورو هبط 240 نقطه فى نص يوم ليه ده كله ؟ ايه الى حصل؟

[R@MY]

ترند اليورو دولار هابط وكذلك الاخبار ايجابيه للدولار

[forex king]

ليا طلب يا جماعة الله يكرمكم
عايز موقع يكون بينشر الاخبار الاقتصادية واللى ليها تأثير عليه غير المفكره الاقتصادية ويكون عربى والابديت بتاعه كويس
بدل المواقع اللى بتبنج

[Mr.Fx]

ياباشا الله يرحم اليورو ويحسن اليه كان زوج طيب والله وياما كلنا على قفاه عنب
خلاص اظن ان كده أورمبا بتصفى خصوصا مع حذر المستثمرين الايام دى من التفاجؤ بظهور يونان أخرى جديدة وانعدام ثقة ممكن تقول - بعد ظهور أسم البرتغال واسبانيا وبعض دول شرق اوروبا اعضاء الاتحاد - وانت عارف ياباشا ان اوروبا سلسلة لو واحدة فلست هتجر اللى وراها واللى وراها وهكذا ولو طلبت دولة ديون من البنك الدولى وقروض من الاتحاد الاوروبى لاعادة اعمار اللى خرب فى بلادهم فلن يكون هذا الا مجرد رشة بنج على جرح غائر او قبلة حياة لواحد غرق ومقبش فوائد القروض من شأنها ان تأكل كل مصادر الدخل القومى واللى جى على أد اللى رايح زى مابيقولوا وبالتالى قد يحدث تباطؤ او عجز شبه كلى عن التعافى الاقتصادى السريع وكمثال بسيط لما تفلس دولة وتلجأ لقروض ضخمة جدا تفوق ثلث او ثلاث ارباع الدخل القومى تفتكر دى ممكن تتعافى ؟ وكمثال بسيط دى عاملة زى اللى طالع مطلع رملى ورجليه مكبلة بالاغلال !! و فى نظرى المتواضع جدا جدا اوروبا لن تفيق من هذه الازمات والضربات المتلاحقة لها أقتصاديا اما بحل من أثنين :
1 - حل الاتحاد الاوروبى ده وكل دولة يبقى لها اقتصادها الحر المباشر وده مش هايحصل الا لو طالت الازمات دى بشكل قوى ومباشر المانيا وفرنسا رؤوس الحربة فى الاتحاد وساعتها مساعدات ومساندات امريكا لااظن انها ستكون بالسخاء الكافى زى اللى حصل بعد الحرب العالمية الثانية من مساعدات لاعادة اعمار بريطانيا والمانيا واليابان الخ .. وفى وقت الزنقة كله بيقول يلا نفسى
2 - او تفوق بعد 5 - 10 سنوات من مص دم دول الشرق الاوسط واظن ان ده الوقت المناسب تماما لان نطرق الحديد وهو ساخن والباب اتفتح من مشاكلهم الداخلية ليه منوسعوش ههههه (واحد عايز جنازة ويشبع فيها لطم )
الاتجاه المتوقع فى رايى المتواضع جدا على المدى المتوسط والبعيد هو البيع او عدم الدخول فى اى عمليات عليه اطلاقا حتى تتضح الامور اكثر . والله الموفق