Printable View
هل لازم عشان اعرف ان الشمعه كسرت خط معين في الفيبو استني الشمعه القادمة ولا ايه
هل في شروط للكسر ولا لا
وهل لو الخط اتكسر علي طول يبقي كده من اول مرة وهل لو فضل يتردد ويطلع وينزل شوية هل كده يبقي مش من اول مرة كسرها هل الكلام ده صح
ارجو الاجابة بالصور ضروري جدا لاني محتاج افهمها
26مشاهدة ومفيش ردود
في الاغلاق تحت هذا المستوى يعتبر كسر اخوي
في رأيين للاغلاق:
الاول ان الاغلاق يكون بتجاوز السعر للمستوى بعدد معين من النقاط
والثاني هو اغلاق شمعة بعد المستوى
الغالبية ترى ان الثاني هو الاصح وهو اغلاق شمعة بعد المستوى لتاكيد الكسر
بالنسبة للجزء التاني من سؤالك مش مفهوم
لكن السعر لو تجاوز المستوى وفضل ينزل ويطلع والاغلاق كان قبله يبقى لسة الكسر محصلش
لو اغلقت شمعة بعد المستوى يبقى الكسر حصل
والمقصود بالكسرمن اول مرة ان السعر يكسر الدعم او المقاومة في اول اختبار لها من غير ما يحترمها او يرتد منها
اما لو ارتد منها وعاود اختبارها وكسرها في المرة الثانية
يبقى الكسر محصلش من اول مرة
لان المرة الاولى ارتد فيها
ارجو اكون جاوبتك على اللي عايزه
اقتباس:
المشاركة الأصلية كتبت بواسطة kimo eshta
السلام عليكم ورحمة الله وبركاته /
نعم الكسر يستلزم انتظار اغلاق شمعة كاملة اعلي مستوي الفيبوناتشي وتنتظر الى ان تغلق تماما لكي تتأكد فحتي لو تخطي السعر المستوي ستنتظر الشمعة القادنة اين ستفتح اعلى الخط ام لا ...
السؤال التاني / تمام تردد السعر حول المستوي صعودا ونظرا وعدم قدرته على الاغلاق اعلاه لأكثر من مرة يعني انه اذا كسره بعد ذلك سيكون الكسر ليس من أول مرة ...
اقتباس:
المشاركة الأصلية كتبت بواسطة engm7mad
كده تمام يعني انا المفروض استني اغلاق الشمعه الكاملة دي حاجة الحاجة التانية يعني الصورة دي مثلا كده يعتبر 61.8 متكسرش صح عشان الشمعه اللي بعدها مش مرسومة تحت الخط ولا كده بداية الشمعه التالية مرسومة تحت الخط وارتفعت لفوق لان السعر ارتفع في اغلاق الشمعه ارجو التوضيحاقتباس:
المشاركة الأصلية كتبت بواسطة رانيا وجدي
http://www10.0zz0.com/2010/04/14/12/406131474.gif
ثالثا هل القاعدة بتاعت ان لو 23.6 اتكسر من اول مرة يبقي 38.3 مش هيتكسر من اول مرة سؤالي هنا هل لو من تاني مرة تنطبق القاعدة دي ولا لا هي طبعا تالت مرة يبقي لا اكيد لكن لو تاني تبقي ايه ارجو الرد بالصور ارجوكم عشان افهمها
ارجو الرد سريعا لو سمحتم
اخي بارك الل فيك
بالنسبة للشارت المرفق انت بتتكلم عن مستوى 50 ولا 61؟؟؟
من الشارت واضع انك قصدك مستوى فيبو 50
واللي حصل ان الشمعة الهابطة دي نزلت تحت المستوى بشوية بعدين طلعت تاني واغلقت فوقه مش تحته
يعني الكسر لسة محصلش
والارتداد كان الاحتمال الاكبر عشان في تشبع كمان
وفعلا السعر ارتد من هذا المستوى...
بالنسبة لمستوى فيبو 61 فلسة السعر لم يختبره اصلا
لما يوصل عنده ان شاء الله تتابع هل هيكسره ويغلق تحته ولا هيرتد منه..
بالنسبة لسؤالك الثاني فالقاعدة دي مهمة جدا
يعني لو عند فيبو مرسوم والسعر كسر مستوى معين فاحتمال الارتداد بيكون اكبر في المستوى اللي بعده
والموضوع خاص بمستويين مقترنين ببعض
23 و38
6 و76
يعني لو كسر 23 مثلا بيكون احتمنال ارتدتده من 38 كبير
ولو كسر 61 بيكون احتمال ارتداده من 76 كبير
والعكس صحيح
وحسب علمي ان الموضوع دة خاص بالكسر من اول مرة بدون ارتداد
طب بالنسبة لاول شمعه بيضا من علي الشمال في الفيبو دي تعتبر كسر ولا لااقتباس:
المشاركة الأصلية كتبت بواسطة engm7mad
مش فاهم يا اخي انهي شمعة وكسر ايه بالظبط؟؟؟
مش فيه اول اربع شمعات سود علي شمال الفيبو الشمعه الصغيرة البيضا دي بقي تعتبر كسر لخط 61.8 ولا لا
يا اخي الفيبو بترسم على موجة صاعدة او هابطة
وبيترسم من قمة الى قاع
او من قاع الى قمة
انت مثلا في المثال بتاعك دة راسم من قمة الى قاع..اللي هو الخط الحمر المنقط دة الواصل بينهم
الشمعة اللي انت بتتكلم عليها دي كانت قبل القمة ما تتكون اصلا.. يعني قبل ما ترسم الفيبو ومكناش عارفين لسة القمة دي هتكون فين
الفيبو هو التصحيح للموجة بعد ما تكتمل وتبدأ تصحح
يعني بعد ما ظهرت القاع والقمة عندك بترسم عليهم الفيبو
فبيظهرلك مستويات الفيبو التصحيحية اللي متوقع السعر يرتد منها لما يبدا موجته التصحيحية الهابطة من القمة اللي عندك
يعني اللي انت تهتم بيهم اخر 9 شمعات من يمين الشارت اللي هم بعد القمة المتكونة اللي السعر بدأ من عندها يهبط للتصحيح
وبتشوف تعامل السعر مع المستويات التصحيحية دي
زي مانت شايف في الشارت السعر كسر 23 وارتد من 38
بعدين كسر 38 وارتد من 50
ودة يبينلك مدى قوة المستويات دي
ارجو اكون وضحتلك الصورة
شكرا علي التوضيحاقتباس:
المشاركة الأصلية كتبت بواسطة engm7mad
العفو يا اخي
بالتوفيق..