استفسار بخصوص استقبال الاموال على الفيزا

السلام عليكم ورحمة الله

استفسار يااخواني بخصوص كيفية استقبال الاموال الفيزا

انا روحت فتحت حساب جاري في بنك nsgb وعملت اتنين فيزا واحدة الكترون atm والتانية لاستخدامات الانترنت
المهم انا اشتركت فشركة وساطة فوركس اسمها فوركس دوت كوم
وحولتلهم مبلغ 270$ واشتغلت فترة يومين او تلاتة ولقيت موضوع الفوركس ده واخد كللل الوقت وتعب اعصاب لانه لازم متابعة كويسة وانا مشغول شوية الايام دي
بس الحمد لله عملت ربح والرصيد وصل لحوالي 350 قولت كفاية كدة وهسحبهم ولما ابقا فاضي في اجازة الصيف ابقا اشوف الموضوع ده
وفعلا جيت اعمل طلبية سحب فخدمة العملاء قالي ماينفعش اسحب اكتر من اللي حولته بالفيزا ؟؟؟؟؟؟؟؟؟؟؟؟!!!!!!!!!!!!! يعني ماينفعش اسحب اكتر من 270 بسس والباقي تحويل بنكي وان ده على اي حد معاه فيزا ماينفعش يسحب اكتر من اللي دفعه انا اتشليت وكنت هتعصب عليه لانه حسسني في الاول قبل ماشترك ان الدنيا زي الفل وبسيييطة جداا واني اسحب اي مبلغ فاي وقت وانا كنت قايلهم فيزا مش تحويل بنكي
وكمان في التحويل البنكي بيتخصم 20دولار للشركة و3 دولار للبنك nsgb

ايه رائيكم في الكلام ده هل ده فعلا واقع التعامل بالفيزا على الانترنت ماينفعش اسحب اكتر من اللي حولته منها واني لازم اتقبله ولازم اسحب مبلغ محترم يغطي مصاريف التحويل؟؟
وياارب تقولولي لا ينفع تسحب اي مبلغ بس تقولولي ايه هي الشركات اللي بتحول اكتر من اللي دفعته بالفيزا
اسف على الاطالة ويارب تكون وصلت المعلومة
وشكرا ليكم مسبقا

ياجماعة فعلا ماينفعش استقبل اموال على الفيزا اكتر من اللي دفعتها منها ؟؟

السلام عليكم

اخي الكريم بعض الشركات تشترط عند السحب لأول مره ان تقوم بعملية اجبارية وهي سحب الاموال وايداعها بالفيزا التي قمت بالايداع منها بشرط ان لا يزيد المبلغ عن المبلغ الذى قمت بايداعه بحسابك لديهم وذلك بسبب سياسة غسيل الاموال اما باقي المبلغ فلا يمكنك سحبه علي الفيزا وانما يتم تحويله لحسابك البنكى وهذا ماكان يجب ان تعرفه قبل فتح حسابك معهم

تحياتي لك

اقتباس:

---

المشاركة الأصلية كتبت بواسطة VaNaDess

السلام عليكم

اخي الكريم بعض الشركات تشترط عند السحب لأول مره ان تقوم بعملية اجبارية وهي سحب الاموال وايداعها بالفيزا التي قمت بالايداع منها بشرط ان لا يزيد المبلغ عن المبلغ الذى قمت بايداعه بحسابك لديهم وذلك بسبب سياسة غسيل الاموال اما باقي المبلغ فلا يمكنك سحبه علي الفيزا وانما يتم تحويله لحسابك البنكى وهذا ماكان يجب ان تعرفه قبل فتح حسابك معهم

تحياتي لك

---

الف شكر لردك يااخي جزاك الله خير
المشكلة اني اول مرة استخدم فيزا للتحويل على النت فمعرفش نظامها
بس انا سالته وقولتله شغلي هيبقا بالفيزا هل هيبقا في حد ادنى للسحب ومدة عملية التحويل رد عليا ان مفيش اي حد ادنى
اكيد كان يقصد ان مفيش حد ادنى بشرط مايزيدش عن اللي حولته بالفيزا والباقي تحويل بنكي وافترض اني اعرف الكلام ده
يلا خير ان شاء الله كان فعلا المفروض اتاكد بدقة

فعلا كلامه صح
الفيزا لارسال فقط
ولا تستقبل عليها
الا في حالة الترجيع اي تستقبل منها من نفس الحساب ونفس المبلغ فقط
اسحب فلوسك واترك الباقي للصيف باذن الله