توكلت على الله فتحنا الحساب الحقيقي

الله يعوض عليك بالخير اميييين

لا حول و لا قوة الا بالله...
الله يعوضك عليك باحسن من اللي خسرتة...

اخوك سعد...

الله يعوضك خيرا منه

لكن المشكل منك انت بصراحة
حسابك 500 دولار و عشان تراعي ادارة راس المال اكبر نسبة تدخل بيها هي 10 بالمية يعني النقطة حتبقى عندك هنا ب 0.5 دولار

يعني بعد جاب اليورو 130 خسارتك منه هي 65 دولار فقطططططططط

اقتباس:

---

المشاركة الأصلية كتبت بواسطة m_turbine

بسم الله الرحمن الرحيم

انا فى الفوركس من 2007 يعنى حوالى 3 سنين و دلوقتى بقول كفاية ، انا اخر حساب اللى مولته فى اول مارس بقى منه 50 دولار فقط بعد جاب اليورو 130 نقطة و السوق اجازة طيب ازاى مش عارف

اعتقد ان لا التحليل الفنى و لا الاساسى كان بيتوقع جاب بالشكل ده و بصراحة انا بقى عندى يقين ان السوق لا بيمشى بالفنى و لا الاساسى و ده مش مجرد رد فعل من الخسارة بس تجارب مستمرة و بجدية لمدة اكتر من سنتين .

الحمد لله على كل حال انا مش زعلان على خسارة اخر حساب لان اجمالى خسارتى خلال السنتين حوالى 12 الف دولار و اكتر من كده يبقى انا برمى فلوسى فى التهلكة فعلا .

حقيقى انا حزين لانى كنت اتمنى انى انجح فى السوق و انا مش بحب الفشل بس الموضوع مش fair و مش ماشى بالمنطق خالص .

انا بالنسبة لى عندى حساب فى البورصة المصرية و حرجع لها تانى و حتابع هنا فى المنتدى فى باب الاسهم المصرية . لانه برغم اللعب اللى بيحصل فى سوق الاسهم الا انه اقل خطرا بمراحل من الفوركس

اسال الله عز و جل ان ينفع الجميع و يفتح عليهم من هذا السوق و من غيره و بارك الله لكل من علمنى هنا حرفا

جزاكم الله جميعا كل خير اعضاء المنتدى العربى

و شكرا

و السلام عليكم و حمة الله و بركاته

---

اسال الله ان يعوضك خيرا منها

السلام عليكم ورحمة الله وبركاته أخي الكريم الله يعوض عليك ان شاء الله أنا هقول لحضرتك رأيي بعد اذنك مع اني غير مؤهل أصلا أقول رأيي في حاجة زي دي بس متهيألي ان حضرتك اكيد غلطان في حاجة ممكن لانك بقالك كتير بتتعلم وشغال ع الديمو استعجلت الربح شويه ولم تراعي رأس المال والله أعلم لكن ارى ان حضرتك المفروض تكمل ولا تيأس وتتعلم من أخطاءك وان شاء الله ربنا يعوضك خير أرجو ان تتقبل هذا الرأي من اخ أصغر لا يعلم بعد أي شيء في الفوركس.. واتمنى لك التوفيق في أي مجال كان..
تحياتي