بسم الله الرحمن الرحيم
من تلات سنين حبين اني ادخل سوق الفوركس و طبعا دخلت بمبلغ من المال لكن للاسف المبلغ تبخر في اقل من اسبوعين لكن المبلغ المبلغ الي انا خسرته ده كان بفضل الله احسن استثمار ليه
كان احسن من الف نقطة ممكن اكسبها بالصدفه و كان احسن من عشرين صفقة ممكن ادخلها و اكسبها لانه علمني حاجات كتيرة اوي اوي
الدروس المستفاده
اول درس اتعلمته ان كل شيئ في النيا دي ليها اسس و معايير و قواعد و دراسات و اي عمل يتبني على اساس علمي الصحيح هوه الي هيكون المفتاح الى النجاح في هذا العمل
تاني حاجة طريقة التفكير و بطريقة التفكير مبقصدش في الفوركس بس لا في مختلف المجالات- طريقة تفكيري اتغيرت اوي للاحسن طبعا
تالت حاجة ان مفيش حاجة سهلة في الدنيا و اي هدف عايزين نوصله محتاج مجهود معين بيختلف من شخص الى اخر
يعني انا اخدني حوالي تلات سنين علشان اكون مستعد الاستعداد الكلي الى العنل في هذا السوق بكل عقلانية و ذكاء و احتراف واحد تاني ممكن تاخده سنة و هكذا
ربنا سبحانه و تعالى خلقنا كلنا بشر بس الي بيفرق انسان عن التاني هوه الاراده و التصميم على الفعل و الوصول اللى اهدافه
التحليل
اعدت افكر بين نفسي استعمل ايه ؟
التحليل الفني؟
التحليل الاساسي؟
مش عارف تهت ضعت جربت ده و جربت ده بس في يوم قلت فنفسي هل انا فعلا جربتهم؟
والاجابة كانت لا...
التحليل .. الباب للنجاح في الفوركس بس ايه هوه المفتاح للباب ده؟
العقلانية
يا سلام على العقلانية.. يا سلام لما نكون فهمين بنعمل ايه و نكون عارفين عملنا كده ليه و نكون مخططين للي هنعمله بعدين ..
انا مش هقول اي انواع التحليل استخدم و مش هنصحك و اقلك الفني احسن او الاساسي احسن لكني هنصحك بجاجة وحدة بس
الدراسة
دلوقتي اقدر اقول اني انا مستعد للعمل في هذا السوق بدون اي خوف او بدون اي تردد ..
و السلام عليكم
:eh_s(7):
