مسابقة حلوة عاملاها المصرية للاتصالات

[atef11111]

السلام عليكم ورحمة الله وبركاته

المسابقة متاحة للى هيدفع فاتورة تليفونه فى الفترة من 20 يناير حتى 16 فبراير هيدخل سحب على جوايز اسبوعية يعنى اربع سحوبات وفى كل سحب 24 جايزة يعنى بإجمالى 96 جايزة و الجوايز الاسبوعية هتكون
الجايزة الاولى 100 الف جنية
الجايزة التانية 75 الف جنية
الجايزة التالتة 50 ألف جنية
الجايزة الرابعة 25 الف جنية
وعشرين جايزة كل واحدة 10 الاف جنية
وطبعا الجوايز دى هتتكرر كل اسبوع ولمدة اربع اسابيع
احلى حاجة عجبتنى فى المسابقة دى ان مفيهاش فكرة القمار اللى فى مسابقات الاتصالات التليفونية بتاعة 0900 ولا نصب واستنزاف كروت زى بتاعة موبينيل يعنى مش هتشحن وتتصل وتجاوب على اسئلة وبتاع لانك يدوب هتدفع فاتورة التليفون فى معاد المسابقة وانت كدا كدا هتدفعها يبقا ليه متنتهزش الفرصة وتدفع فى وقت المسابقة
وطبعا افضل فترة للدفع هتكون من 20 الى 26 يناير عشان تاخد اربع فرص للدخول فى السحوبات الاسبوعية

بالتوفيق يا شباب

[أبو شادن]

شكرآ لك حبك للخير لإخوانك
ولكن لا تنسى انك تتعامل مع شركة مصرية حكومية
وكلنا عارفين ان الحدايا مش بتحدف كتاكيت
كان اولى انهم يلغوا رسوم الاشتراك او ضريبة المبيعات او الدمغات لو كانوا فعلا يقصدون مصلحة المشتركين
ولكن صدقنى ....
لو افترضنا شفافية اختيار الفائزين فى المسابقة وهو مالم يحدث فى مسابقة مصرية
فتأكد أنهم سيعوضونها اضعافآ من زيادة الفواتير علينا كلنا
وخاصة إن فواتيرنا بدون تفاصيل مكالمات ...
يعنى بدون استوب لوس
ولا رقيب ولا حسيب
يعنى كله من دمنا
خلاص اللعبة بقت مكشوفة ولا تنطلى على طفل صغير