سؤال فني في الموفنج أفرج

[mohd_atef86]

ايه الأحسن ؟
هل الواحد يحط هدف وستوب لوس ولا يخلي الهدف والستوب بعكس أسباب الدخول ؟

لأن كل طريقة لها ميزة وعيب فالأفضل أنه الواحد ياخد بتجربة الآخرين


طب هل ينفع ساعات أعمل الطريقة الأولى وساعات الطريقة التانية؟؟ وحسب ايه؟


أفيدوني أفادكم الله

[Ahmed H ©]

بس هوة اية اللى دخل الموفينج افرج
فى مسالة الهدف والاستوب

لكن حسب فهمى لسؤالك
فالاجابة هى ان اى استراتيجية او تريدنج سيستم عمتا ماشى بية فبيحددلك كل النقاط من نقاط دخول واهداف واستوبات ومخاطرة والى اخرة ودة بيكون معكوس من اسباب الدخول نفسها
فكل دة قائم على التريدنج سيستم عمتا سواء كان استراتيجية او اكسبرت او تحليل معين او اى كان

وفعلا لو انت اخدت كل عيوب الاخرين وقدرت تفاديها فيبقة مية مية كدة
وبالتوفيق ..

[mohd_atef86]

مشكور على ردك السريع
أنا أقصد في تقاطع الموفنج افرج لفوق أدخل شراء ولتحت أدخل بيع مع طبعا شوية مؤشرات تانية stochastic وموفنج تالت وكدة

السؤال بقة :
للخروج هل الواحد يحط هدف وستوب لوس ولا يخلي الهدف والستوب بعكس أسباب الدخول ؟

لأن كل طريقة لها ميزة وعيب فالأفضل أنه الواحد ياخد بتجربة الآخرين


طب هل ينفع ساعات أعمل الطريقة الأولى وساعات الطريقة التانية؟؟ وحسب ايه؟


أفيدوني أفادكم الله

[Ahmed H ©]

المفروض انك تجرب على الديمو للوصول لافضل نتائج خلال وليكن شهر مثلا
لكن زى مانت قولت فلكل طريقة ليها مميزات وعيوب
عمتا لو انت بتتبع استراتيجية معينة فهتلاقى فيها الاهداف والاستوبات والخروج والى اخرة
انما لو انت اللى عامل التريدنج سيستم دة فالموفينج ممكن يكون الاستوب هوة التقاطع السابق او اعلى قمة قبل التقاطع بالنسبة للصعود والعكس صحيح بالنسبة للهبوط
والهدف يا عدد معين يا اما ممكن يتحدد بطرق كلاسيكية واسهلها هى نقاط البايفوت
او عند التقاطع مرة اخرى فعكس سير الصفقة

بس خلى بالك لان الموفينج او اى مؤشر يتبع السعر

[mohd_atef86]

شكرا ع الافادة