عمليات نصب لشركات إدارة حسابات وهمية

اقتباس:

---

المشاركة الأصلية كتبت بواسطة تختخ

انا فقط بعرفك كيف تجرى الامور فى هذا العالم
فى اشد الدول صرامة فى تنفيذ القانون تجد عمليات نصب واحتيال يصل ضحاياها الى الشعب باكمله وتصل المبالغ المنهوبة الى تريليونات وكله بالقانون
انا لا اثق باى شركة لكن الواحد بيستفتى قلبه ويتوكل على الله ويخش
وصدقنى مفيش شركة مضمونة
بالنسبة لسبب دخولى السوق عشان اتعرف على الناس الحلوة المثقفة اللى زيك

---

الله يخليك يا دكتور :eh_s(7):
أتمنى أن أقابلك فى لقائنا القادم ؟

اقتباس:

---

المشاركة الأصلية كتبت بواسطة ezzhelmy

الموضوع الاصلي هنا
http://www.elhawy.com/vb/index.php?showtopic=84955
وكاتب في اخر الموضوع جملة ( حصريا للاسف )
لاني احد الضحايا للاسف

---

ربنا يعوض عليك
و الحمد لله مرة عدت نتعلم منها

الحمد لله كل كل حال
واي كان مبلغي فليس هناك مشكلة قانونية تعرضني للحبس مثلا مثل الاخرين
المشكلة في ان بعض الضحايا اخدوا فلوس من ناس وكتبوا على نفسهم ايصالات امانة
ومنهم من اخذ قرض من البنك
ومنهم من باع سيارته
ومنهم من قرر الانتحار
والكثير والكثير من القصص المحزنة
فلوس مهما كانت كبيرة فهي تكاد تكون قليلة امام سيدة تربي ايتام واتنصب عليها

وحسبي الله ونعم الوكيل

ربنا يستر ومتطلعش قرارات تلغى العمل بالفوركس فى مصر أو التحويلات من وإلى الخارج

الله المستعان

فيديو ( حوار بعض ضحايا هيثم الشامي على قناة الحياة )
http://www.elhawy.com/vb/index.php?s...dpost&p=606114

اقتباس:

---

المشاركة الأصلية كتبت بواسطة abalyazid

يا جماعة كان فى اعلان فى جريدة الوسيط الجمعة 18 -12-2009 شركة عايزة شباب من الخريجين للعمل فى بورصة العملات الفوركس لا يشترط الخبرة او السن و يشترط اجادة الكومبيوتر مقابل 1000 جنيه شهريا و حبيت اكلمهم من باب العلم بالشىء قالولى عنونهم 20أ ش سليم بالزيتون القاهرة وانهم عندهم كذا محفظة كبيرة و عايزين شباب يديروها و اللى بيتقبلوا فى الانترفيو بياخدو عندهم كورس عشان يتعلموا المضاربة باستراتيجيات الشركة بس نظرا لان الشركة خسرت من ثلاث سنوات فلوس كتيير عشان الشباب كان بيتسلى و على كلامهم مش واخدها جد و خسروا الشركة مبالغ كنيرة جدا قررت الشركة تدى الكورس بفلوس = 2250 جنيه مصرى واللى ينجح فى الكورس تانى يوم يمضى عقد مع الشركة و يشتغل و المفاجأة مش مهم يكون متفرغ يعنى حتى لو بيشتغل مفيش مشكلة .............قولولى بقه تفتكرو ده نصب على الشباب طب ازاى نلحق الناس دى قبل ما تضيع من دلوقتى دول قلولى انهم عندهم محفظة كبيرة اوى و عايزين حوالى 60 شاب ليها ............ارجو التعليق و يا ترى نقدر ننقذ الناس اللى راحت على امل الشغل و ممكن يستلفوا عشان يجيبوا تمن الكورس عشان يشتغلوا ....................بالمناسبة انا معايا رقم تليفونهم .........ده لو لموا من 100 واحد بس 2000 جنيه يعنى 200000

---

السلام عليكم

الطريقه دى معروضة عليا فعلا .. كورس تدريبى و لكن بمبلغ 5000 جنيه .

لو انا مهتم بالموضوع وفى نفس الوقت خايف تكون نصبة .. ايه الورق اللى اهتم بيه و اسأل عليه قبل ما ادفع عشان اتأكد انها مش نصب .. اى تراخيص اسأل عليها .. علما بأن المدير الأدارى للشركه .. قالى ان كل التصاريح الخاصه ببناء فرع الشركة و ترخيصة كمان فى القاهره انا ححصل على صور منها علشان اتأكد بنفسى .

ايه مصداقية هذا الكلام .. هل اتأكد انها نصب رغم هذا الكلام .. ولا امشى فى الموضوع و اهتم بالأوراق اللى ححصل عليها عند المقابلة .

أرجو الرد رغم انى عارف ان الموضوع دا قديم جدا .. شكرا مقدما

اقتباس:

---

المشاركة الأصلية كتبت بواسطة Generozo

السلام عليكم

الطريقه دى معروضة عليا فعلا .. كورس تدريبى و لكن بمبلغ 5000 جنيه .

لو انا مهتم بالموضوع وفى نفس الوقت خايف تكون نصبة .. ايه الورق اللى اهتم بيه و اسأل عليه قبل ما ادفع عشان اتأكد انها مش نصب .. اى تراخيص اسأل عليها .. علما بأن المدير الأدارى للشركه .. قالى ان كل التصاريح الخاصه ببناء فرع الشركة و ترخيصة كمان فى القاهره انا ححصل على صور منها علشان اتأكد بنفسى .

ايه مصداقية هذا الكلام .. هل اتأكد انها نصب رغم هذا الكلام .. ولا امشى فى الموضوع و اهتم بالأوراق اللى ححصل عليها عند المقابلة .

أرجو الرد رغم انى عارف ان الموضوع دا قديم جدا .. شكرا مقدما

---

اهرب بجلدك

وأوعى تعمل كده هاتروح عليك الفلوس أونطه وهايحاول بشتى
ويستخدم الكلام المعسول والأحلام الوردية

لا تقع فى الفخ أخى العزيز

متشكر على ردك اخى الكريم لكن فى استفسار اتمنى منك و من الأخوة فى المنتدى و كل من لدية خبره فى هذه المواضيع ان يساعدنى

انا مش عايز اكون متشائم و افترض فى هذه الفرصه انها تكون عملية نصب و فى نفس الوقت مش عايز اعطى الأمان ليهم لأن الموضوع فعلا محير جدا

لا تنسى انه قال لى ان كل الأوراق و المستندات الخاصة بترخيص الشركة بمزاولة النشاط فى القاهره حيكون معايا صور منها عشان اتأكد بنفسى من انها مسجلة و انها قانونية

بالتالى ... هل الأوراق و المستندات دى ليها قيمه .. و ايه الجهات اللى اسأل على مصداقية تراخيص هذة الشركه .

ايه هى الضمانات اللى اطلبها من المستشار القانونى للشركه لضمان حقى فى المبلغ اللى حدفعه اللى هو ثمن الكورس ؟

اتمنى الأفاده بكلام منطقى يقنعنى .. لأن الموضوع ممكن يكون حقيقى و ممكن بردوا يكون نصب .. اللى حيفرق فيه بس هى الأوراق و المستندات .. و شكرا

هل يضن هؤلا النصابون أنهم سيخلدون في هذه الدنيا و أنهم لن يلاقو خالقهم
سيموتون وسيلاقون بئس المصير