مساعدة ملحة لفتح حساب ياريت لو مصرى ادخل يابن بلدى
السلام عليكم
انا ياجماعة نويت افتح حساب تمام ! لا مش تمام اومال انا ليا عامل الموضوع لو تمام خليك فايق معايا :boxing:
انا هشترك مع فكسول وهيكون الوكيل المنتدى ان شاء الله
دلوقتى انا هبعت الرصيد حوالى بنكية
فكنت بحسبه عادى اروح البنك وابعت وارجع البيت وانام
صاحبى قالى لازم تفتح حساب لدى البنك عشان لو كسبت تستقبل عليه
فانا هفتح حساب 250 دولار و 50 دولار حق الحوالة يبقا معايا 300 دولار
دلوقتى ياجماعة بالتفصيل والنبى
افتح حساب مع بنك ايه
ايه الاجراءات والحساب هيكون نوعه ايه واى حاجة تعرفوها قالولهلى لانى مش عارف اى حاجة
وهبعت الحوالى ازاى من رصيدى
واخر حاجة ازاى اكلم الادارة عشان تساعدنى فى فتح الحساب
رد: مساعدة ملحة لفتح حساب ياريت لو مصرى ادخل يابن بلدى
يا باشا الموضوع سهل اوى
فى البدايه تفتح حساب فى فكسول عن طريق المنتدى وده طريقه فتح الحساب
https://forum.arabictrader.com/t47831.html
وبعد يوم هيوصلك رقم حساب على الايميل اكتبه فى اى مكان لانك هتكتبه فى وصل الحواله لما تروح للبنك وبعدين هتروح اى بنك تحبه وتقولهم انك عاوز تفتح حساب وهيدوك كام ورقه تملاهم وممكن يطلبوا منك وصل خدمات(كهرباء-تليفون-غاز) وبعدين هتودع المبلغ اللى معاك فى الحساب وبعدين تقولهم انك عاوز تحول مبلغ من الحساب لرقم حساب كذا وطبعا هتكون واخده بيانات الحساب البنكى الخاص بفكسول هتكتبها فى وصل التحويل وخلاص انتهى وهتستنى لما الفلوس توصل لحسابك فى فكسول وانا ارشحلك بنك nsgb عشان خاطر بعض البنوك الاخرى بتطلب مبالغ اكبر من كده عشان تفتح فيها حساب لكن البنك ده الحساب بيتفتح ب 50 جنيه فقط ومش هيطلبوا منك اى اوراق غير صورة البطاقة
بالتوفيق
رد: مساعدة ملحة لفتح حساب ياريت لو مصرى ادخل يابن بلدى
نوع الحساب اخليه جارى ولا ايه
وايه عنوان بنك nsgb
رد: مساعدة ملحة لفتح حساب ياريت لو مصرى ادخل يابن بلدى
اقتباس:
المشاركة الأصلية كتبت بواسطة Z704Z
نوع الحساب اخليه جارى ولا ايه
وايه عنوان بنك nsgb
فيه عرض عندهم اسمه عرض الشباب قولهم عاوز افتح حساب فى العرض ده هو حساب توفير
اما العنوان في فروع كتير اوى وطبعا ممكن تتعامل مع اى فرع
ادخل على موقع البنك واختار محافظتك هتلاقى كل فروع محافظتك ظهرتلك وكل فرع موجود عنوانه ورقم تليفونه
http://www.nsgb.com.eg/NSGBNETWORK/Pages/default.aspx