سؤال للسادة المصريين ممارسى الفوركس

[smsm509]

السلام عليكم
انا بدى افتح حساب واحول مبلغ للشركة اللى هنفذعليها اعمل اية اختار اى بنك احول علية وهل بيبقى فى مشكلة واى بنك افضل ولما بسحب فلوس بيبقى فى مشكلة عالشان موضوع غسيل الاموال دة

[code 606]

افتح الحساب حقيقي مع الشركة بمجرد مايعطوك رقمه
روح البنك - أنا فاتح مع بنك مصر- بس روح فرع محترم لو المركز الرئيسي يبقى كويس عشان تلاقى حد بيفهم
قولهم عاوز أحول فلوس للمكان ده
هيفتحولك حساب بعدين تطلب التحويل ويكون معاك بينات شركتك وياريت تكتب رقم حسابك على طلب التحويل
وتكتب
اسم الشركة
اسم البنك
رقم الحساب
رقم السويفت
وبعدين تابع مع خدمة الدعم العملاء
لحد ماحسابك يتشحن

الدعم الفنى هنا بالمتداول هيفيدك جدا
فكلمهم واتواصل معاهم
ومبروك مقدما

[drmagdy]

فية بنوك بتقبل فتح حساب بدون وصل كهربا او مياه او غاز بأسمي

[mem.3en]

فية بنوك بتقبل فتح حساب بدون وصل كهربا او مياه او غاز بأسمي

انت من فين لو ينفع تكلمنى اوكيه وانا اوضح لحضرتك كل حاجة لانى وقعت فى نفس القصة والحمد لله قابلت واحد فهمنى اعمل اية بالضبط بس وضحلى مكانك فين فى مصر بعد اذنك

[smsm509]

القاهرة

[a77med]

ان شاء الله اقدر افيدك ياريت تقولى حضرتك منين من مصر وبالنسبة للايداع حضرتك عاوز تعمل ايداع كام ؟؟ وهل لديك شركة وساطه مثلا ولا محتاج شركة ؟

منتظر رسالتك على الخاص

تقبل ودى وتقديرى

[drmagdy]

انت من فين لو ينفع تكلمنى اوكيه وانا اوضح لحضرتك كل حاجة لانى وقعت فى نفس القصة والحمد لله قابلت واحد فهمنى اعمل اية بالضبط بس وضحلى مكانك فين فى مصر بعد اذنك

المنصورة

[gabour76]

فية بنوك بتقبل فتح حساب بدون وصل كهربا او مياه او غاز بأسمي

بنك مصر > حسابات التوفير
بدون وصل كهرباء او ميه

[drmagdy]

بنك مصر > حسابات التوفير
بدون وصل كهرباء او ميه

حساب التوفير لايمكن ان احول منة الي حساب شركة الفوركس

[mostafa_anwr]

السلام عليكم ورحمة الله وبركاتة

بنك فيصل الفرع الرئيسى فى الدقى افتح حساب جارى بالبطاقة ومش حساب استثمارى لان الاثنين مش واحد بس خدمة العملاء حيقلولك واحد انا بقالى معاهم سنتين ثم تحول زمان كانوا بيسئلوا الحوالة دية عملية فركس كنت اقول لا الان حتى لا يسئلوا

[محمد 2001]

البنك الأهلي سوسيتية جنرال NSGB افتح حساب توفير ثم أعمل منة تحويل للخارج أنا عملت كدة بدون أي مشاكل أو إستفسارات إستفزازية وهو بنك محترم جدا

[طاهرالمصرى]

كل البنوك ليس فيها أى مشاكل
المشاكل فقط فى بنوك الحكومة لأن موظفيها من نوعية امشى جنب الحيط
لا يعرفون ما هو الفوركسو لا حتى الفرق بينه و بين البورصة
الأفضل بنوك مثل الأهلى سوسيتيه جنرال أو CIB أو بنك فيصل أو أى بنك خاص
هذا مع إنى لم اواجه اى مشاكل فى بنك مصر إلا وقت التحويلات الكبيرة فقط
لكن كده كده بتتم

[tamer]

افتح حساب فى CIP او HSPC توفير بالدولار حينطلب منك وصل كهرباء لو بأسم الوالد مفيش مشكل وحول للبنك اللى انت عاوزة مع كتابة رقم حسابك فى شركة الوساطة
ملحوظه
HCPS لو المبلغ المودع قل عن 1000 دولار وهو الحد الادنى للحساب البنك بيخصم عمولة شهرية
CIP كويس

[عبدالبر محروس]

طاهرالمصرى

كل البنوك ليس فيها أى مشاكل
المشاكل فقط فى بنوك الحكومة لأن موظفيها من نوعية امشى جنب الحيط
لا يعرفون ما هو الفوركسو لا حتى الفرق بينه و بين البورصة
الأفضل بنوك مثل الأهلى سوسيتيه جنرال أو CIB أو بنك فيصل أو أى بنك خاص
هذا مع إنى لم اواجه اى مشاكل فى بنك مصر إلا وقت التحويلات الكبيرة فقط
لكن كده كده بتتم

كلام أخونا طاهر مظبوط العك والرغى فى البنوك الحكومية فقط أنا عن نفسى فاتح حساب توفير مع بنك كريدى اجريكول والتحويل بيتم منه بسهولة حتى لو ذكرت لهم أن الغرض من التحويل هو المتاجرة فى البورصة

[شرفاوى]

انا فتحت حسابى عن طريق البنك الاهلى واصرو ان افتح حساب جارى اولا بمصاريف ادارية 50 جنيه ومن ثم عمل الحواله لى وطبعا حاولو يعرفوا انا ليه بارسل الحواله لم اوضح لهم ولكن اكتفيت بالقول بانه شغل وحذرونى من ان اكون واقع تحت عمليه نصب عن طريق الانترنت كان اكون سأشترى شئ عبر النت
واهم شئ معلومات الحواله وايضا مراسله الدعم الفنى