وضحت جدا والنقطه دى كانت مشكله كبيره لانى لو بفك الهيدج كامل كانت الخساره هتبقى كبيره
Printable View
وضحت جدا والنقطه دى كانت مشكله كبيره لانى لو بفك الهيدج كامل كانت الخساره هتبقى كبيره
طب الحمد لله....و ان شاء الله مفهوم الخساير حيتغير بالكاملاقتباس:
المشاركة الأصلية كتبت بواسطة omar_94202
تم اقفال لوتين شورت من شمعة 4:45 لعدم المتابعة وحققت مكسب 52 نقطة للوت بمحصلة 104 نقطة و عليه يكون محصلة نقاط العملية 13 نقطة ربح تضاف الي رصيد البنك ليصبح 826 نقطة
و يتبقي لوتين مفتوحين واحد لونج والتاني شورت يتم التعامل معاهم باذن الله تعالي بكرة مع اول فرصة تلوح ندخل مع السوق
الملف المرفق 289234
استكمالا لعملية الباوند تحققت شروط الدخول لونج من شمعة 08:45 من سعر 1.5424 و عليه تم غلق شورت الهيدج و اضافة لوت جديد ليصبح المجموع 2 لوت لونج
الملف المرفق 289330https://forum.arabictrader.com/images/misc/pencil.png
تم اغلاق عملية الباوند علي سعر 1.5500 بربح 70 نقطة بصورة يدوية ليكون محصلة العملية 140 نقطة تضاف الي رصيد البنك 996
الملف المرفق 289335
إدارة الصفقات
أردت الإنتظار حتي انتهاء اول شهر للتداول بالإستراتيجية حتي يكون الشرح علي اساس واقع عملي نقدر بيه يكون في امثلة حية واقعية
في واحد من الأخوة سالني ان ساعات كتير بيكون في صفقات جايبة ربح لكن انا بقفلها علي هيدج بدون ربح و بسيب السعر يرد عليا و رديت وقتها ان احنا ماشيين حسب القواعد اللي حطيناها و عشان تكون المسالة سهلة بدون تعقيد و بدون تفكير و باقل قدر من القرارات للدخول والخروج
و قصدت اني استمر في التجارة بهذا الشكل عشان نقول ان حتي مع وجود هذا الشكل من التجارة و مادام الإلتزام والمثابرة هي الأساس يبقي حيكون الناتج اللي لا فرار منه هو الربح و لكن ....
زي ما اتفقنا ان الضغط النفسي علي المتاجر ممكن يخليه يغلط و زي ما قلنا ان هدفنا الأساسي وضع قواعد نقدر بيها نخلي كل واحد مرتاح و هو بيتاجر بدون اي ضغوط و عليه بدون اي مشاعر سلبية تخليه يغلط
و عشان مش كلنا واحد.....يبقي مش كل المواقف مناسبة....يعني اني اسيب صفقة كسبانة 70 نقطة و ترد عليا و اخرج بهيدج خسران اللي كسبته مع ان الهدف كان 80 نقطة يعني علي بعد 10 نقاط فقط ده ممكن يشكل ضغط رهيب علي بعض الأخوة مع ان برضه نتفق ان النهاية مكسب و ده شفناه بالأرقام
البديل هو اضافة قاعدة جديدة للخروج لمن يشعر بالرغبة في تفادي هذا الأمر ....و بضيف تاني قواعد الخروج الأولي لا غبار عليها و بتحقق مكاسب ....و ان القاعدة الجديدة فقط فقط لمن لا يناسبه نفسيا الطرق الأولي و يشعر بالضيق نتيجة ارتداد السعر
الطريقة القديمة كانت بتخلي المتابعة اقل ما يمكن ....بتحط اوردر 80 للمكسب و 40 للهيدج في حالة الخسارة و لو مشغول او عاوز تسيب السوق الصفقة شغالة ...لو عندك وقت وممكن تتابع لكن مش عاوز يكون في قواعد كتيرة ممكن تسبب ربكة بتستني كروس عكسي...لو عندك وقت اكتر و جاهز للمتاجرة بشكل فعال يبقي خد القاعدة دي
تعالي نقسم عالم النقط في الفوريكس من وجهة النظر النفسية الرهيبة اللي بتتحكم في مصاير الخلق كلهم الي مضاعفات 100 و تعالي جوه كل 100 نقطة قسمها مضاعفات 25 و بصورة تانية ابسط تعالي كل 25 نقطة و حط خط و راقب كده تفاعل السعر مع الخطوط دي
الخطوط دي حتكون لينا دعم و مقاومة للخروج ....يعني في حالة ان 80 نقطة اللي عاوزين نحققهم في اي صفقة في قبلهم خط يبقي نراقب السعر قوي علي الفريمات الصغيرة و نشوف اي دلالة ضعف و اسهل حاجة فيهم هي اشكال الشموع و مش حنصعب الأمور كتير...احنا حناخد شكلين فقط لا غير....شمعة ابتلاع و شمعة الدبوس ( دي اللي بيكون ديلها طويل و جسمها صغير حنسميها اختصارا دبوس عشان هي في حالة التريند الصاعد ليها شوتنج ستار و في حالة التريند الهابط اسمها هامر و احنا عاوزين نسهل الأمور)
يبقي اختصار الموضوع في قاعدة يكون كالآتي:
1-خروج مكسب في حالة تحقيق 80 نقطة
2- خروج مكسب عند مستويات 25و50و75و00 في حالة وجود شموع ابتلاع او دبوس علي فريم 5 دقايق
3- خروج مكسب الكروس
4-خروج يدوي في حالة عدم المتابعة
5-خروج خسارة 40 نقطة
6-خروج خسارة كروس عكسي
القاعدة الأساسية للخروج والدخول والإقفال والإتجاه هو تحقيق مكسب يعني لو لسه معملتش ربح خروجك يكون هيدج لحين تحقق فرصة جديدة
وبالتوفيق ان شاء الله
متابعة علي اليورو فرصة شورت باغلاق شمعة 12:15
الملف المرفق 289347
تم اغلاق عملية اليورو علي مكسب 80 نقطة من مستوي 1.3270 و اصبح رصيد البنك حتي الأن 1074 نقطة لرابع
اسبوع تداول للأستراتيجية
الملف المرفق 289354
من الاخطاء اللى لاحظتها عن نفسى الخطأ في اعطاء الامر المطلوب زي ان يكون اللوت مختلف عن اللى انا قاصده او اضغط بيع بدل شراء لعدم التركيز
في الديمو مبتبقاش مشكله كبيره لكن اكيد في الحقيقى هتبقى طرق من طرق الخسارة
استفسار : الساعة اللى تحت الشارت مختلفه عن ساعة السوق ، المفروض بنشتغل على انهى واحده فيهم
كلامك صحيح اخي...ووارد جدا حتي مع اقوي مستويات الإحتراف و دي حلها دايما بيكون في الإجراءات الوقائية اللي واخدينها من هيدج بعد 40 نقطة و ده في حالة لو مخدتش بالك بالا بعد فترة طويلة....او اغلاق فوري للصفقة و مش مشكلة 4 نقط خسارةاقتباس:
المشاركة الأصلية كتبت بواسطة shady80
شغلنا بيعتمد علي ساعة السوق الحالي و ده اللي برفقه مع كل مشاركة او شارت ...ساعة الشارت بتختلف هلي حسب شركة السمسرة اللي يتبع ليها برنامج التداول
التقييم الشهري
كما سبق و اسلفنا في مرحلة التخطيط للوصول لهدف 50000 قلنا محتاجين 500 مرحلة تتم علي مدي 28 شهر علي حسب معدل 4 شهور لكل تدبيلة و عليه نقدر نقول الآتي:
1- تم تحقيق 1074 نقطة بقيمة 0.25 للنقطة يعني تم تحقيق ربح قدره265 دولار تضاف الي الرصيد الأصلي 500 دولار ليصبح 765 دولار
2- بتحقيق الزيادة السابقة نقدر نقول ان تم انجاز مرحلتين من المشوار ليتبقي 498 مرحلة
3-تم تحقيق نص تدبيلة في شهر واحد يعني ده بيختصر زمن الوصول للهدف ليصبح المتبقي 26 شهر
طريقة التقييم الشهري مهمة جدا عشان بتساعد الإحساس بانك مسيطر علي نفسك و عارف بتعمل ايه و رايح فين و جاي منين و فاضل اد يه....و تغذية الأحاسيس دي جواك بتقويك و بتخليك تتمسك بقواعدك و التزامك
عملية اليوم: لونج علي الباوند من شمعة 09:15 و خروج من شمعة 10:00 باتباع قواعد الشموع الجديدة علي ربح 45 نقطة و لو تم الخروج باتباع قواعد الكروس يكون الربح 30 نقطة من شمعة 11:45
الملف المرفق 289486
الله يبارك فيك اخى الكريماقتباس:
المشاركة الأصلية كتبت بواسطة infinity80
انت بتعطينا نظام متاجره وفكر ودا اهم من طريقه المضاربه , لانه يوجد طرق ناجحه كتير بس احنا اللى بنخسر بايدينا
بعد قراءة الموضوع اخذت قرار بعدم اضاعه اى وقت ثانى بالبحث عن طرق وتجريبها وان شاء الله من بداية الالسبوع القادم
سأعتمد نظام المتاجره المشروح بالموضوع قبل التعديلات الاخيره وسألتزم التزام تام بشروط الدخول والخروج.
واسمح لى بادراج نتائج رحلتى بموضوعك الرائع .
تحياتى ......
تحياتي ليك اخي العزيز....اللي قلته ده بالضبط و قرارك ده اللي الموضوع معمول علشانه....واللحظة دي عمرك ما حتنساها ابدا ...اكتشافك ان طول الوقت العيب كان فيك مش في الطرق والأستراتيجيات و ان اي استراتيجية مهما كانت بساطتها حتكسبك.....انك تكسر الدايرة المقفولة اللي كلنا بندخلها و نفضل نلف فيها و ندور و نلف و ندور بلا نهاية ...اقدر اقولك اخي انك دلوقتي بس بدات تتاجر صحاقتباس:
المشاركة الأصلية كتبت بواسطة omar_94202
الموضوع موضوعك يا باشا و لكل الأعضاء اكتب فيه ما تشاء....تجربتك و نتايجك ارباحك خسايرك....الموضوع يزيد بيك اخوي
