♣♣ الورشة التجريبية للمتاجرة وقت الاخبار ♣♣

اقتباس:

---

المشاركة الأصلية كتبت بواسطة x_1ng

شوف يا غالي

بالنسبة للخبر .. الفعلي جاء أقل من المتوقع , يعني كان المفروض يكون سلبي على الدولار بس اللي حصل ان تأثير الخبر كان ايجابي على الدولار امام جميع العملات ,,,

انا معاك انها حاجة تلخبط شوية ,, عشان كدة انا ضد الدخول بعد الخبر ,, يعني مثلا زي ما انت كنت بتقول و زي ما الاخ tetoo كان بيقول انك تدخل بعد الخبر ,, طيب في خبر زي ده كان المفروض تأثيره سلبي و بعد كدة انت دخلت شراء للدولار ,, هاتكون ايه النتيجة؟؟؟

عشان كدة بغض النظر عن الخبر سواء كان سلبي ام ايجابي ,, اهم شيء عندي انه ياخد اتجاه واحد ,,
و مرة تانية انا مش بتاجر على حسب التحليل الاساسي انا بتاجر فقط وقت الاخبار ,,
لو عايز تتاجر اساسي يبقى لازم تكون متابع لكل الاخبار و البيانات المتعلقة بالعملة مش مجرد خبر واحد

عموما الكييبل حالة خاصة .. شوف مثلا اليورو دولار هاتلاقية من ساعة صدور الخبر الى الان هبوط..

تحياتي:eh_s(7):

---

مجهود جميل وورشة ناجحة باذن الله
بس عايز اقول حاجة
انا رايي ان ندخل بعد الخبر قصدي منه اننا بغض النظر عن تاثير الخبر ايجابي او سلبي دة مش بيهمنا المهم ان التاثير بيكون واضح صعود او هبوط فانا رايي نستني لما نشوف ايه اللي يحصل
لو لاحظنا مع بداية الخبر في اول 10 دقايق انه هبط مثلا بطريقة ملحوظة فنبيع وناخد على الاقل 20 او 30 نقطة
فانا عايز اعرف الاخوة اللي شايفين اننا مندخلش بعد الخبر زي مانا بقول طيب نعمل ايه
وجزاكم الله خيرا على الافادة

اقتباس:

---

المشاركة الأصلية كتبت بواسطة tetooo

مجهود جميل وورشة ناجحة باذن الله
بس عايز اقول حاجة
انا رايي ان ندخل بعد الخبر قصدي منه اننا بغض النظر عن تاثير الخبر ايجابي او سلبي دة مش بيهمنا المهم ان التاثير بيكون واضح صعود او هبوط فانا رايي نستني لما نشوف ايه اللي يحصل
لو لاحظنا مع بداية الخبر في اول 10 دقايق انه هبط مثلا بطريقة ملحوظة فنبيع وناخد على الاقل 20 او 30 نقطة
فانا عايز اعرف الاخوة اللي شايفين اننا مندخلش بعد الخبر زي مانا بقول طيب نعمل ايه
وجزاكم الله خيرا على الافادة

---

مساء الخير

بعد الاذن صاحب الموضوع

الاخ تيتوو
كما هو واضح ان اساس الورشة هي ادخال الاوامر قبل صدور الخبر اي وضع امر بيع وامر شراء
واذا تفعل احد الامرين نلغي امر اخر

من الصعب نتبين ومعرفة نوع الخبر سلبي او ايجابي للعملة ما و هذا يتطلب مهارة وخبره ومتابعة البيانات لحظية واخبار الاقتصادية العالمية وتحليلها ومعرفته الى اين تؤدي العملات..
ومطلوب فيها خبره طويلة ومتمرس في التحليل الاساسي

لكن مايهمنا في هذا الورشة اننا لاننظر الى الخبر
سواء كان سلبي ام ايجابي ,,
اهم شي انه ياخذ اتجاه واحد فقط يعني اذا تفعلت البيع نلغي الشراء والعكس صحيح وناخذ منه كم نقاط مثل ماحصل اليوم خبر الدولار معظم العملات اتجهوا في مسار واحد بعشرات من النقاط ....

اتمنى اني وضحت كلامي

تحياتي لك

جزاك الله خيرا كلامك واضح طبعا
بس اللي بيحصل مش بيكون مثالي للدرجة دي
يعني امبارح مثلا كان في خبر للاسترالي
لو كنت عملت امرين بيع وشراء زي مابتقول مكانش هينفع مع الخبر دة
لان اللي حصل ان وقت الخبر السعر ارتفع 30 نقطة في ثواني طبعا كنت في الحالة دي هتلغي امر البيع وتسيب امر الشراء لان السعر كان بيعلى
بعد شمعة اول 5 دقايق من الخبر السعر خد اتجاه الهبوط الحاد ولمدة ربع ساحة هبط حوالي 80 نقطة
عشان كدة انا قلت نستني لغاية لما نشوف التاثير الحقيقي هبوط ام صعود
جزاك الله خيرا على تفاعلك

خبر الفائدة النيوزيلندى جاء بتاثير كبير على العملة
شارت النيوزيلندي دولار السعر هبط 70 نقطة في اقل من نص ساعة وقت الخبر

اقتباس:

---

المشاركة الأصلية كتبت بواسطة tetooo

خبر الفائدة النيوزيلندى جاء بتاثير كبير على العملة
شارت النيوزيلندي دولار السعر هبط 70 نقطة في اقل من نص ساعة وقت الخبر

---

تمام ياغالي انت فهمت الهدف من الورشة

ليس فقط نيوز الدولار وفي ايضا احد ازواج النيوز وصلت فوق 100 نقطة

اقتباس:

---

المشاركة الأصلية كتبت بواسطة tetooo

جزاك الله خيرا كلامك واضح طبعا
بس اللي بيحصل مش بيكون مثالي للدرجة دي
يعني امبارح مثلا كان في خبر للاسترالي
لو كنت عملت امرين بيع وشراء زي مابتقول مكانش هينفع مع الخبر دة
لان اللي حصل ان وقت الخبر السعر ارتفع 30 نقطة في ثواني طبعا كنت في الحالة دي هتلغي امر البيع وتسيب امر الشراء لان السعر كان بيعلى
بعد شمعة اول 5 دقايق من الخبر السعر خد اتجاه الهبوط الحاد ولمدة ربع ساحة هبط حوالي 80 نقطة
عشان كدة انا قلت نستني لغاية لما نشوف التاثير الحقيقي هبوط ام صعود
جزاك الله خيرا على تفاعلك

---

انت قولتها بنفسك .. الطريقة دي مش هاتنفع مع كل الاخبار ..احنا بنجرب الاخبار اللي تنفع بطريقة الورشة . يعني الاخبار اللي بتاخد اتجاه واحد ..

ان شاء الله عند نهاية كل اسبوع هانزل الاخبار اللي تم تجربتها خلال الاسبوع و اللي بتاخد اتجاه واحد و سيتم تجاهل الاخبار التي تؤثر بتذبذب على السعر مثل خبر الاسترالي امس ,,

موضوع انك تستنى الخبر مش بحبذها ,, و خد عندك مثلا خبر النيوزلندي اللي كان من حوالي ساعة و نص .. الخبر اخذ اتجاه واحد .. كنت هاتدخل من اي منطقة و السعر كان نزول في نزول؟؟؟

تابع معانا الورشة و ان شاء الله هاتسوعب طريقة الاوامر المعلقة مع الوقت

تحياتي :eh_s(7)::eh_s(7):

تمام ياغالي كدة فهمت
كدة المهم في اخر كلاسبوع تجميع الاخبار اللي تنفع مع طريقتك
والاهم ان يكون تاثيرها بالطريقة دي حصل كذا مرة لان ممكن يكون الخبر تاثيره العام متذبذب لكن المرة دي مثلا كان واحد
فعشان كدة مهم تجميع تاثيراته السابقة عشان التاكد
وجزاك الله كل خير

اقتباس:

---

المشاركة الأصلية كتبت بواسطة tetooo

تمام ياغالي كدة فهمت
كدة المهم في اخر كلاسبوع تجميع الاخبار اللي تنفع مع طريقتك
والاهم ان يكون تاثيرها بالطريقة دي حصل كذا مرة لان ممكن يكون الخبر تاثيره العام متذبذب لكن المرة دي مثلا كان واحد
فعشان كدة مهم تجميع تاثيراته السابقة عشان التاكد
وجزاك الله كل خير

---

:0031::0031:

السلام عليكم
اليوم في خبر اعانات البطالة الامريكي الساعة 2:30 بتوقيت القاهرة
اعتقد الخبر مهم جدا
ياريت اللي يعرف مدى تاثيره عند صدوره في المرات السابقة يقولنا
وجزاكم الله خيرا

^
^

وعليكم السلام

وايضا خبر القراءات التقديرية للناتج المحلي للدولار في نفس الوقت

الله كريم

في نظركم أي صفقة ندخل هليها الآن ؟ أم ننتظر حتى صدور الخبر ؟

سمعت والله اعلم ان السبريد يكون جد مرتفع اثناء صدور الاخبار وقد يصل عند بعض الشركات الى 100 بيب والهدف من الورشة الحصول على 30 الى 40 نقطة لذا فالمحصلة سلبية
هل هناك من كانت له تجربة مع وقت الاخبار فنستفيد منه جزاكم الله خيرا وانا معكم في هذه الورشة

انا مجربتش على حساب حقيقي
لكن في الديمو لما بشتغل مع فكسول او فكسم السبريد مش بيتغير
مش عارف في الحساب الحقيقي بقى ايه النظام
ياريت اللي جربوا يفيدونا

اقتباس:

---

المشاركة الأصلية كتبت بواسطة tetooo

السلام عليكم
اليوم في خبر اعانات البطالة الامريكي الساعة 2:30 بتوقيت القاهرة
اعتقد الخبر مهم جدا
ياريت اللي يعرف مدى تاثيره عند صدوره في المرات السابقة يقولنا
وجزاكم الله خيرا

---

اقتباس:

---

المشاركة الأصلية كتبت بواسطة السديري

^
^

وعليكم السلام

وايضا خبر القراءات التقديرية للناتج المحلي للدولار في نفس الوقت

الله كريم

---

و عليكم السلام و رحمة الله

خبر اعانات البطالة الامريكي
خبر اسبوعي
خبر مهم و لكنه متذبذب و خاصة لما ياتي متزامنا مع خبر اخر مثل خبر الناتج المحلي كما تفضل الاخ السديري ..

في راي الخبر ده ماينفعش بطريقة الورشة ,, تأثير الخبر في المرات السابقة على اليورو دولار كان متذبذب

ا اكتوبر

https://forum.arabictrader.com/uploaded/25807_1_oct.gif

8 اكتوبر

https://forum.arabictrader.com/uploaded/25807_8_oct.gif

15 اكتوبر


https://forum.arabictrader.com/uploa...807_15_oct.gif

22 اكتوبر

https://forum.arabictrader.com/uploa...807_22_oct.gif

اقتباس:

---

المشاركة الأصلية كتبت بواسطة nour1978eddine

في نظركم أي صفقة ندخل هليها الآن ؟ أم ننتظر حتى صدور الخبر ؟

---

و الله يا باشا بالنسبة لخبر اعانات البطالة فبلاش تدخل بعده او قبله مباشرة , يفضل الانتظار لانه خبر متذبذب

في خبر مبيعات المنازل النيوزلندي الساعة 11:45 اليلة بتوقيت القاهرة ,, ان شاء الله هاشوف تأثير الخبر كان ايه في المرات السابقة