تدري وش اللي يستفز المدامع = ذاك الفراق اللي كرهته وتطريه
ابسألك بالله وش أنت سامع = في خاطرك شي ٍ وعنّي تداريه
راحت ثلاث أيام واليوم رابع = منت الحبيب اللي اوده وأغليه
ماغير اسولف احسب انك متابع =مرّه تجاوب لا .. ومرّه تقول إيه
ما فيه داعي لا تلف وتخادع = واللي تعافه قول مابيه .. مابيه
وادع حبيبي كان ودّك توادع = وانا لي الله منهو غيره ابرجيه
صحيت بي جرح ٍ من سنين هاجع= والدمع في عيني تبيّن مواريه
أرجوك تكفى لاتزيد المواجع = القلب فيه من العنا مايكفّيه
للكاتب : عبدالرحمن الربيع