*****الجزء الأول ******
اسلوب العمل بنظام الهامش:
عزيزي القارئ كي تفهم هذا النظام يجب أن نستعمل مثالا يرافقنا إلى النهاية و هنا سنستعمل تجارة السيارات .
حسنا أنت بدك تتاجر بالسيارات ، يعني تشتري السيارة و تبيعها بسعر أعلى ، فشو راح تعمل ؟
طبعا راح تروح لوكالة السيارات و تشتري منها سيارة وتاخدها للسوق مشان تبيعها ، ولنفرض أنك إشتريتها بسعر 10.000 دولار
و نزلنا للسوق وكان عليها الطلب وبعناها بسعر 12000 و حققنا الفايدة ألفين
هذه العملية يقوم بها كل شخص يملك مبلغ 10000 دولار ، بس المسكين الي ما عندو المبلغ شو يعمل يموت؟
هون يجي دور نظام الهامش .
تخيل صاحب الوكالة يقلك ، لو بدك تتاجر بالسارة إدفعلي عربون بس ب100 دولار و روح جيب مشتري .
أنت تدفع ال100 يحجزو السيارة بإسمك ، وتحجز بس ما تقدر تاخدها يمكن تهرب بيها و ما ترجع
قلنا تروح للسوق و تجيب المشتري الي يدفع 12000 و تأمر الوكالة أنها تبيعلو السيارة ب12000 و هي تنفذ لأن السيارة محجوزة لك .
هيك حققت الفايدة و راس مالك هو 100 دولار بس ، الشركة راح تاخد من المشتري ال12000 و تخصم قيمة السيارة 10 الاف
و ترجعلك الفائدة 2000 دولار و معها العربون الي أنت دافعو 100 دولار عربون أو هامش مستخدم used margin
يا سلام حققت أضعاف رأسمالك في صفقة وحدة ، وتاجرت بسلعة تسوا أضعاف رأسمالك
الفرصة رائعة ما هيك؟ هون صاحب الوكالة عمل ما يسمى levrage أو الرافعة لمضاعفة رأس مالك 100 مرة
يعني يضاعف رأسمالك و تتاجر بسلعة و كأنك تملكها فعلا .
تخيل أنو سوق السيارات بالوطن كلو هو سوق واحد و سعر السيارات واحد يخضع لنظام العرض والطلب ، يعني السعر يصدر من إدارة السوق
إرتفع أو نزل ، لو زاد الطلب على السيارة يرتفع ولو قل الطلب نزل السعر ، و أنت راح تخضع لهذا السوق .
في مثالنا السابق كنا قد تكلمنا عن السيارة و الفائدة الي حققناها منها، حتى لو كنا في هذا السوق الي يخضع للعرض و الطلب راح نربح كمان
لما احنا حجزنا السيارة وكان سعرها 10 الاف ، ثم إرتفع السعر و صار 12 ألف نأمر الوكالة أن تبيع السيارة بهذا السعر ، وهي راح تنفذ
و تاخد أنت الفايدة ، ولا تشيل هم المشتري الوكالة راح تلاقي مشتري حتى لو إشترات السيارة هي نفسها .
و الأن تخيل أنو سعر السيارات إنخفض بدلا من أن يرتفع ؟ شو راح تعمل ؟
أقلك تعال نهرب و نترك الوكالة تتحمل الخسارة ، أحنا كل الي دافعينو مبلغ ال100 دولار خلي الوكالة تسد بيه جزء من الخسارة و نحنا نهرب
طب الوكالة عاودت النظام عندها ، وصارت تشترط فيك مبلغ الخسارة قبل ما تبدأ بالمتاجرة، كيف ؟
الوكالة تقلك إفتح حساب عندي و حط فيه مثلا مبلغ 1000 دولار ، وتاجر مثل ما بدك ، و لما سعر السيارة ينخفض راح نخصم الخسارة من حسابك
و لو الفلوس الي عندك ما بتكفي ، يا إما تزود حسابك بالمصاري أو نبيع السيارة بدون إذن منك ، الوكالة ما تخسر شي من جيبتها
تدفع 1000 دولار ، ولما تكون شايف أنو سعر السيارة راح يرتفع تطلب وحدة و ياخدو من حسابك 100 دولار عربون used margin
ويبق في حسابك 900 دولار ضمان و دي تسمى usable margin
وبهذا الوكالة تضمن أنها ما راح تخسر شي ، و هذا النظام يسمى بنظام الهامش عارف ليه؟ لأنو الوكالة تتعامل معك على أساس هامش الربح والخسارة
بغض النظر إلى قيمة السلعة و تكاليفها ، يعني لو رابح تاخد هامش الربح الخاص فيك ، ولو خاسر تدفع هامش الخسارة الخاص فيك .
تذكر أنه لا يمكن أن تخسر في صفقة واحد أكثر من المصاري الموجودة بحسابك ، عارف ليه؟ لأنو لما السعر ينزل و يصير 9800 دولار
أنت راح تستنى شوية ، على أمل أنو راح يطلع من جديد ، ثم تابع النزول و صار 9100 دولار ، يعني الخسارة تعادل المبلغ الموجود بحسابك
هنا راح يأتيك نداء الهامش أو margin Call يفيدك بأن تزيد المصاري لحسابك أو يبيعو السيارة
و لو ما زودت حسابك بالمصاري راح يبيعو السيارة بخسارة 900 دولار و يرجعولك ال100 و تبق خسران في الصفقة .
