#### نـــمـــاذج وأنـــمــاط الــشــارت فــرص وتــدريــب ####

اقتباس:

---

المشاركة الأصلية كتبت بواسطة Wigan

اهلا بيك اخ محمد

المقلوب انعكاسى مش استمرارى وغالبا بييجى فى ترند هابط وحتى لو جه فى ترند صاعد بيكون عاكس وربما يكون استمرارى

نماذج الراس الوكتفين الغالب عليها انها عاكسة مش استمرارية

اهلا بمشرفنا العزيز محمد

مش فى كل الحالات يا مشرفنا
نماذج كتير جدا بتكون عادية فى اتجاه هابط وبتكون عاكسة وبرضه فى الاتجاه الصاعد لو جه نموذج مقلوب قد يكون عاكس او استمرارى والغالب عاكس

بالغالب نماذج الراس والكتفين عاكسة للاتجاه سواء مقلوب او عادية حتى لو جه المقلوب فى ترند صاعد والعادى فى ترند هابط

وربنا يقدرنى واحط شارت مؤيد لكلامى

وشكرا للمناقشة الجميلة :)

---

ادينا مثال يا اخي لنموذج رأس وكتفين مقلوب و(انعكاسي)
بارك الله فيك

دا نموذج راس وكتفين اتكون فى هبوط على اليومى وعكس السعر

وبالتالى بقه عندنا راس وكتفين عادى اتكون من ترند هابط وبنفس الوقت انعكاسى

باذن الله هصطب برنامج سناج واحط اسهم على الرؤوس والاكتاف بس اعتقد انها واضحة جدا بعد ما ضغطت الخطوط

اقتباس:

---

ادينا مثال يا اخي لنموذج رأس وكتفين مقلوب و(انعكاسي)
بارك الله فيك

---

حاضر ياا خ احمد

اقتباس:

---

المشاركة الأصلية كتبت بواسطة Wigan

دا نموذج راس وكتفين اتكون فى هبوط على اليومى وعكس السعر

وبالتالى بقه عندنا راس وكتفين عادى اتكون من ترند هابط وبنفس الوقت انعكاسى

باذن الله هصطب برنامج سناج واحط اسهم على الرؤوس والاكتاف بس اعتقد انها واضحة جدا بعد ما ضغطت الخطوط



حاضر ياا خ احمد

---

اخي شارتك يؤكد كلامنا
انت عندك رأس وكتفين عادي انعكاسي
وهو دة اللي بنقوله
لما بيكون عادي بيكون انعكاسي
ولما بيكون مقلوب بيكون استمراري

السلام عليكم ورحمة الله
طيب يا جماعه ده مفهومي عن الراس والكتفين السلبي والاجابي يعند العادي والمقلوب سواء استمراري او انعكاسي ممكن تصلحولي خطائي ان وجد :eh_s(7): طبعا االرسم انا اللي راسمه مش جايبه من كتاب ولا حاجه يعني ممكن يكون خطاء
ولا انتم بتتكلمو في حاجه تانيه

https://forum.arabictrader.com/uploaded/13385_126.jpg

اقتباس:

---

المشاركة الأصلية كتبت بواسطة engm7mad

اخي شارتك يؤكد كلامنا
انت عندك رأس وكتفين عادي انعكاسي
وهو دة اللي بنقوله
لما بيكون عادي بيكون انعكاسي
ولما بيكون مقلوب بيكون استمراري

---

ياا خ احمد مفيش حاجه اسمها عادى انعكاسى ومقلوب استمرارى

ثم محمد بيقصد حاجة تانيه غير كلامك

يا غالى فى حاجة اسمها " راس وكتفين مقلوب" دا بيتكون بالاساس فى ترند هابط وبيكون انعكـــــــــــــــــــــــاسى ومش استمرارى "

اما محمد بيتكلم فى نقطة ان المقلوب لو حصل وجه فى ترند صاعد يكون استمرارى وانا بختلف معاه ان مش غالبا بيكون استمرارى


فهمتنى يا اخ احمد ، ارجع بس لكتاب ميرفى او اى موقع للاشكال واتعرف اكتر على النموذج المقلوب

ع فكرة يا شباب
الاختلاف في طريقة تعبير كل واحد فينا
في النهاية كلنا صح

اقتباس:

---

المشاركة الأصلية كتبت بواسطة Wigan

ياا خ احمد مفيش حاجه اسمها عادى انعكاسى ومقلوب استمرارى

ثم محمد بيقصد حاجة تانيه غير كلامك

يا غالى فى حاجة اسمها " راس وكتفين مقلوب" دا بيتكون بالاساس فى ترند هابط وبيكون انعكـــــــــــــــــــــــاسى ومش استمرارى "

اما محمد بيتكلم فى نقطة ان المقلوب لو حصل وجه فى ترند صاعد يكون استمرارى وانا بختلف معاه ان مش غالبا بيكون استمرارى


فهمتنى يا اخ احمد ، ارجع بس لكتاب ميرفى او اى موقع للاشكال واتعرف اكتر على النموذج المقلوب

---

يا اخ وي مفيش اختلاف ولا حاجة
اللي يهمني التطبيق
لو عايز شرح نظري فمش هفيدك فيه
استنى الاستاذة رانيا
انا واثق من معلوماتي الحمد لله
ممكن اكون مش عارف اعبرلك نظريا عنها
بس المهم تطبيقي مفهوش حاجة
وانت صح يا باشا:0031:
المهم بدل الكلام النظري عايزين حد يفيدنا عمليا في النموذج بتاع اليورو دولار
النموذج مثالي ويدعم الصعود
لكن حد شايف اننا ممكن نعتمد عليه
عايزين كلام في الشارات بقى تطبييييق

مش عارف ليه الناس بتغلط فى تفسير الاشكال رغم سهولتها وبساطتها باذن الله

الراس والكتفين له نوعـــــــــــــــــــــــــــان :

1- عادى "بيتكون فى ترند صاعد او هابط

-2 مقلوب "يتكون فى ترند صاعد او هابط

العادى والمقلوب همه الاتنين "انعكاسى" وليس استمرارى "

- لكن احيانا قد يكون النموذج استمرارى ، امته !!

1- زى ما قال محمد العزب ان لو اتكون نموذج "عادى مش مفلوب" فى ترند هابط "يتحول لاستمرارى " لكن الكلام دا برضه احيانا لان الغالب ان النموذج هيفضل "اتعكاسى"

2- لو تكون نموذج "مقلوب" فى ترند صاعد وبرضه دا احيانا لان الغالب ان النموذج هيفضل "عااااكس"


- خلاصة الكلام ان بالاساس الراس والكتفين نموذج عاكس واحيانا نجده استمرارى

نموذج راس وكتفين "عادى " اتكون من هبوط وظل انعكاسى مش استمرارى

وبرضه باذن الله تعالى هرفع نماذج بيتحول فيها الراس والكتفين استمرارى

اقتباس:

---

السلام عليكم ورحمة الله
طيب يا جماعه ده مفهومي عن الراس والكتفين السلبي والاجابي يعند العادي والمقلوب سواء استمراري او انعكاسي ممكن تصلحولي خطائي ان وجد طبعا االرسم انا اللي راسمه مش جايبه من كتاب ولا حاجه يعني ممكن يكون خطاء
ولا انتم بتتكلمو في حاجه تانيه

---

اهلا طه

كلامك بيتفق مع كلام اخونا محمد العزب وانا بس بضيف نماذج بتثبت ان الايجابى قد يكون سلبى "نموذج عادى اتكون فى ترند هابط والعكس "

اقتباس:

---

يا اخ وي مفيش اختلاف ولا حاجة
اللي يهمني التطبيق
لو عايز شرح نظري فمش هفيدك فيه
استنى الاستاذة رانيا
انا واثق من معلوماتي الحمد لله
ممكن اكون مش عارف اعبرلك نظريا عنها
بس المهم تطبيقي مفهوش حاجة

---

يمكن الله تعالى واعلم

بس يا ريت تراجع النموذج المقلوب لانك فاكر انه استمرارى دايما مش انعكاسى واخشى انك تعتمد على الاعتقاد دا فى صفقاتك

:eh_s(7): ربنا يسترنا ويتمها علينا بالخير

اقتباس:

---

المشاركة الأصلية كتبت بواسطة Wigan

نموذج راس وكتفين "عادى " اتكون من هبوط وظل انعكاسى مش استمرارى

وبرضه باذن الله تعالى هرفع نماذج بيتحول فيها الراس والكتفين استمرارى




اهلا طه

كلامك بيتفق مع كلام اخونا محمد العزب وانا بس بضيف نماذج بتثبت ان الايجابى قد يكون سلبى "نموذج عادى اتكون فى ترند هابط والعكس "





يمكن الله تعالى واعلم

بس يا ريت تراجع النموذج المقلوب لانك فاكر انه استمرارى دايما مش انعكاسى واخشى انك تعتمد على الاعتقاد دا فى صفقاتك

:eh_s(7): ربنا يسترنا ويتمها علينا بالخير

---

متقلقش يا باشا...:eh_s(7):
اعتقادي صح مفهوش حاجة
انا بقول على النموذج المتكون في ترند هابط انه عادي لو الراس والكتفين تحت(اللي هو حضرتك بتقول عليه مقلوب)
انا قلت عادي لانه عادي بالنسبة للاتجاه الهابط..
اعتبر ان كلامي النظري انا اللي غلط..المهم التطبيق يكون صح
وبرضه محدش قال كلمة ع النموذج اللي حطيته من الظهر النهاردة
هنقضيها نظري باين
الله المستعان

راس وكتفين " عادى " اتكون فى هبوط وظل" عاكس "

مش نموذجى اوى بس بدون ضغط الخطوط هيبان بشكل افضل باذن الله

http://img149.imageshack.us/img149/5884/gb3v.gif

اقتباس:

---

وبرضه محدش قال كلمة ع النموذج اللي حطيته من الظهر النهاردة
هنقضيها نظري باين

---

ولا يهمك يا اخ احمد

لو تقصد المثلث الاستمرارى على اليورو فلازم اعادة اختبار للضلع

واعتقد ان هيتم كسر الضلع من اول اختبار وهيتجه للهبوط

نموذج علم

بانتظار اعادة اختبار اعلى القناة

http://img80.imageshack.us/img80/3771/gb4.gif

اسف خط سارى العلم اتحرك يمكن شوية هوا من المنتدى ولا حاجة

:016:

اقتباس:

---

المشاركة الأصلية كتبت بواسطة عبدالعزيز اليمني

:016:

---

اهلا عبد العزيز

النموذج كان عايز يتعرض بدرى شوية لان تم اختراق الترند الصاعد واختباره والاغلاق تم تحت الترند ، اعتقد هيكون الرجل اليمنى للراس والكتفين

السلام عليكم ورحمة الله وبركاته

حياكم الله جميعا واشكركم للمناقشة الرائعة بارك الله فيكم جميعا وبخصوص اختلاف وجهات النظر حول الرأس والكتفين فملخص الأمر هذه المشاركة:

اقتباس:

---

المشاركة الأصلية كتبت بواسطة Wigan

السلام عليكم

الراس والكتفين انعكاسى سواء ان كان عادى او مقلوب

---

اقتباس:

---

المشاركة الأصلية كتبت بواسطة Wigan

وفى نماذج استمرارية ولكن نادرة

---

النموذج بالأساس انعكاسي اذا جاء فى ترند هابط او صاعد

فى الاتجاه الصاعد يأتي انعكاسي عادي أى الرأس للأعلي والاكتاف أيضا

فى الاتجاه الهابط يأتي انعكاسي مقلوب اى الرأس للأسفل والأكتاف أيضا

وفى بعض الأحيان يخالف النموذج قاعدة الانعكاس ويأتي استمراري اى فى نفس الاتجاه السابق عليه سواء صاعد او هابط وقد نراه مقلوب او عادي حسب الاتجاه السابق

لن أرفق صور لانكم كفيتم ووفيتم واخي ويجان قام بعرض صور توضح الأمر

تحياتى وتقديري للجميع