الملف المرفق به عدة صور متتابعة
توضح لك كيف ترسم العين بالقلم الرصاص
اتمنى ان ينال رضاكم
Printable View
الملف المرفق به عدة صور متتابعة
توضح لك كيف ترسم العين بالقلم الرصاص
اتمنى ان ينال رضاكم
و هذه طريقه اخرى
و لكن ليست للعين البشريه ....و لكنها لرسم العيون كما فى الرسوم المتحركة او الكارتون
اجمل طريقه و اجمل عين مرسومة بالقلم الرصاص رأيها فى حياتى
30 صورة متتابعه .. تعطيك طريقة الرسم بمنتهى الدقه و منتهى التفصيل
حاجة تعقد
مجموعه اخرى من الصور المتتابعه .. لرسم العين
معلومات مهمه عشان لو حد عايز يجرب يرسم الصور دى
الاقلام المستخدمه في التظليل وهي اقلام درجات الرصاص وتنقسم الى نوعين
اقلام لينه فحميه وهي درجات B..
وأقلام قاسيه خفيفه في الوانها وهي درجاتH ..
ويتوسط هذين النوعين أقلام HBوهي الدرجه الوسط التي تستخدم في رسم التصميم..
اما درجات Hتستخدم في تظليل المساحات المضيئه
وكلما انحدرنا في سلمها كلما كانت درجه اللون تفتح فدرجه H1اغمق من H2 ودرجة H2اغمق منH3 وهكذا
بعكس درجات Bفهي تستخدم لتظليل المناطق المعتمه وكلما تدرجنا في سلم Bكلما كانت الالوان اكثر اعتاما..
وفحميه فB7 اغمق من B6 ولB6 اغمق من B5 وهكذا
و يوجد ايضا اقلام فحم او صوابع فحم
وهذه الدرجات موجوده في المكتبات الكبرى زى
سمير و على و انطونيو مجرى و مكتبة الفنون
نوعية الورق المرسوم عليه ( يفضل الأملس نوعا ما ليمشي عليه قلم الرصاص براحة أثناء التظليل ) و احسن الانواع هو كانسون و الاقل منه و الارخص شويه هو ورق بريستول
طبعا يوجد نوع رائع اسمه فبريانو ..لكنه محتاج واحد صنايعى شويه و عنده خبرة
الطريقة الصحيحة للأمساك بالقلم ..
ناس كتير ماتعرفش طرق مسك القلم اثناء الرسم .. و صدقونى بتفرق كتير و بتخلى سيطرتك على اللوحة اكتر و النتيجة بتكون احسن
طريقة مسكة القلم لعمل الخطوط ..
http://www.deyes.sefton.sch.uk/techn...cs/DRAWING.gif
والطريقة الصحيحة لمسك القلم لعمل الظل و تستعمل ايضا في عمل الخطوط وو الميزة فى الطريقة دى انها لا تترك اثر للخطوط بمعنى ادق ان التظليل هو اللى يحدد شكل الرسمة .....
http://www.deyes.sefton.sch.uk/techn...cs/SHADING.gif
حاجة مهمه اوى هاتلاحظوها فى الرسومات و هى التسييح او Blending stump
طيب يعنى ايه تسييح ؟؟؟؟
يعنى تعمل مزج للدرجات الظليه اللى انت رسمتها بالقلم الرصاص عشان تضيع خطوط القلم الرصاص و تعطى شكل انسيابى للرسمة
http://www.deyes.sefton.sch.uk/techn...cs/TECHNQ1.gif
و دى ليها طريقتين
1 - بصباعك .. و غالبا مش بتبقى حلوة لان الايدين فيها عرق و دهون و هاتبهدل الدنيا و توسخ اللوحة و و تبوظ الرسمة
بالبلدى كدة ( هاتلحوسها )
و الطريقه التانيه ..منديل ورق و تسيح بيه براحتك و تمسكه باي طريقة او تلفه حوالين صباعك و تسيح المكان اللى انت عايزه
الاضاءة بالأستيكة
طبعا كلنا عارفين يعنى ايه استيكة مش محتاجة شرح
اما الاضاءة على الرسم هى توزيع الضوء على المجسم او التكوين الموجود فى اللوحة و يمكن السيطرة على الاضاءة من خلال الدرجات الظليه للقلم الرصاص
و يمكن استخدام الاستيكة لعمل المناطق المضيئه فى التكوين
http://www.deyes.sefton.sch.uk/techn...cs/TECHNQ3.gif
شكرا جزيلا على الموضوع الرائع
مشكور على الحاجات الرائعه ده وانا بصيت عليها قبل ما ارد برده الرسم لسه صعب
:0023::0023::0023:
بس على فكره الرسم مش موهبه اكتر منه تمرس