رسالة أم سودانية مسطلة إلى ولدها

[Amer133]

ابني العزيز

أنا بخير هنا انشاء الله انت تكون كويس هناك بكتب ليك الرساله دى بالراحه لأني عارفه انك ما بتقرا سريع
...
:
أبوك قرأ في الجريدة أن أكثر الحوادث العرضية تقع على بعد 20 ميل من بيتنا عشان كدا رحلنا لبيت جديد ابعد من بيتنا القديم 20 ميل ما بقدر ارسل ليك عنوان البيت الجديد عشان الزول اللي اشترينا منه البيت شال عنوانه معاه وما داير يغيرو ونحنا في الأسبوع الجاي حنجيب عنوان بيتنا القديم عشان كدا عنوانا ماحيتغير . . . .


الجو هنا كويس المطره صبت مرتين فى الأسبوع اللي فات المرة الأولى استمرت تلاته ايام والمرة التانية استمرت أربعه ايام . . . .
عمتك قالت ليك ما حتقدر ترسل ليك الجاكيت القلته عايزو بالبريد لانو تقيل عشان زرايرو حديد عشان كدا قطعت الزراير وختتا فى جيب الجاكيت . . . . . .
أبوك أشتغل شغله جديدة وشغالين تحته 500 عامل بحصدوا الحشيش القايم جنب المقابر. . . .
أختك ولدت الليله الصباح بس ماعارفه جابت شنو ولد ولا بت عشان كدا ما عارفه حتبقى خال ولا خاله
عمك خالد وقع في البير وكان فى رجال حاولوا يطلعوا لكن قاومهم بكل شجاعة وغرق . بعد داك حرقناهو والنار مولعه فيهو ثلاثه أيام وما نشف لأنه مرطب
أبو اعز اصحابك وهو بيموت طلب من صاحبك عمر انو يدفنه فى نص البحر لما يموت. ومشى عشان يحفر القبر لا ابوه قام غرق ومات...

بتتذكر يوم كنا بنسطل سوا وقلتا لي أمي أنا بحبك؟؟؟؟ وقلتا ليك وقتها خلي علاقتنا صداقة بس ..... كانت أيام حلوة
...
خلاص مافى شى جديد دا كل اللي عندى
...
أمك.
ملاحظة: أنا كنت دايره ارسل ليك القروش بس ما اتذكرت إلا بعد ما قفلت الظرف

[ياسر ابو عمر]

عمك خالد وقع في البير وكان فى رجال حاولوا يطلعوا لكن قاومهم بكل شجاعة وغرق . بعد داك حرقناهو والنار مولعه فيهو ثلاثه أيام وما نشف لأنه مرطب



ههههههههههههه
حلوة جدا

[faissal]

هههههههههههههههههههههههههه

[amir111]

أختك ولدت الليله الصباح بس ماعارفه جابت شنو ولد ولا بت عشان كدا ما عارفه حتبقى خال ولا خاله

بتتذكر يوم كنا بنسطل سوا وقلتا لي أمي أنا بحبك؟؟؟؟ وقلتا ليك وقتها خلي علاقتنا صداقة بس ..... كانت أيام حلوة
...