بسم الله الرحمن الرحيم
حبيت افتح الوضوع ده علشان ندردش مع بعض شوية
الكل عارف ان الي دخل السوق في الفترة الي فاتت الي هيه من اواخر 2008 كان اسوا قرار اخده في حياته- الي هوه لسه بادي في المتاجرة و ده سببه حاجتين اتنين:
الاقتصاد العالمي كان في انهيار عالمي فحركة العملات كانت سريعة اوي اوي مفيش تصحيحات كل الدعوم و المقاومات بتتكسر و بتخترق
و تاني حاجة فشل التحليل الاساسي- كل يوم قرار جديد و كل يوم قرارات غير متوقعة
يعني في الفترة ديه الي حافظ على راس ماله كان لازم يتسافله و نحييه
بس زي ما بيقولو مفيش حاجة ملهاش نهاية :AA:
انا طبعا مقدرش اقول ان الازمة خلصت بس على الاقل السوق هدي و الواحد يقدر ياخد قرار و هوه مستريح
يا ريت بس نكون اتعلمنا من اخطانا و كل واحد يكون عارف هوه عمل ايه غلط و يقيم نفسه و يكون صريح مع النفس و يبتدي من جديد و الوقعة الي مبتموتش بتقوي
السوق مش لعبة و لا هوه مستحيل هوه تحليل و توقعات و قراءة و الخ..
و اهم حاجة هوه sense
زي مهندسين الصوت كدة.. كلهم مهندسين صوت بس فيه واحد الاغاني الي بيعملها كلها حلوة و التاني لا.. ده اسمه ال sense
يا ريت كلنا نجيب ورقة و قلم و نكتب الي اتعلمنا و نكتب ايه الي لازم نعمله في الفترة الي جيه و اي واحد خسر مبلغ كبير باذن الله يتعوض خير و ياخد اجازة بسيطة من السوق و من الاخبار و يدرس.. يدرس .. و يدرس ..
السلام عليكم
