رد: ## ركود .. سيولة تدفق ##
ايوة يا حودة موضوع جميل والله بارك الله فيك
رد: ## ركود .. سيولة تدفق ##
وها أنا أول المشاركين ...
الفكرة : عندما تدخل البنوك الكبيرة و كبار محركي السوق على عملة ما أو زوج معين من العملات فمن الطبيعي أن نجد شكل الشارت تغير و نرى الكثير من السوينجات القوية .. على الناحية الأخرى عندما يخرج هؤلاء الكبار من عملة ما نجد ركود غريب في تحرك العملة و تذبذب محير .
و من الطبيعي أيضا أن محركي السوق يضعوا أغلب نقودهم على العملات الرئيسية ( يورو - دولار أمريكي - فرنك سويسري - ين ياباني - باوند بريطاني ) .. و بما أنهم محركي السوق فمن الصعب أن يخرجوا منه يوم كامل أو أي فترة مهما كانت بسيطة .
الاستنتاج : لابد من وجود تحرك قوي على عملة من العملات الرئيسية للسوق لأنه من الصعب أن تخرج نقود محركيه تماما من اللعبة و أيضا الصعب انغماسهم في السوق دون اللعب في العملات الرئيسية .
الاستفادة : إذا كانت استراتيجيتك تعمل على السوينجات و تستمع بالتحركات القوية حتى لو في عكس الاتجاه العام فعليك أن تأخذ زوجين مكونين من العملات الريئسية ولكن دون تكرار عملة واحده فيهم و تعمل عليهم في وقت واحد حيث أنه لو هناك ركود في إحداهما يجب ان يكون هناك سوينج في الأخرى حيث نقود محركي السوق لن تخرج بعيدا عن هذه العملات و بما أنه يوجد سيوله في عمله يجب أن يوجد سوينجات .
لم أجرب هذه الطريقة لفترة بما أن هذا الموضوع وليد اليوم .. لكن لنجرب سويا مثلا زوجي : الباوند - دولار مع اليورو - ين .... أو ... الباوند - ين مع اليورو - دولار .
مزايا التجارة التوافقيه على هذه الأزواج .. صعوبة وجود ركود في أيهم في نفس الوقت حيث أنهم جميعا عملات مشهورة بترنداتها القوية .. لكن من وجهة نظري أن عيبهم الوحيد أن تحركات اليورو و الباوند غالبا تأخذ نفس الشكل كما أنهما العملات الرئيسية لنفس المنطقة و هي غرب أوروبا .. لكني لم أحبذ أن أشرك الفرنك السويسري حيث أنه مشهور بتذبذبه .
أرجوا التعليق على هذه الفكرة من ذوي الخبرة .. و تجربت فاعليتها من الشباب و أنا أولكم للوصول لتأمين استراتيجيات السوينج بالمتاجره على هذين الزوجين في نفس الوقت .
محمـود حجـاب
رد: ## ركود .. سيولة تدفق ##
التوقيت مهم جدا فى المضاربه اليوميه لو عملنا دراسه عن الوقت الى بيحصل فيه الرالى اعتقد حيكون فى مكاسب كبيره لاننا حنكون بعيد عن التذبذب و اى مؤشر يقدر يكسبك
رد: ## ركود .. سيولة تدفق ##
اقتباس:
المشاركة الأصلية كتبت بواسطة femtogold4
ايوة يا حودة موضوع جميل والله بارك الله فيك
تسلم يا حبيبي ربنا يكرمك .. بس يلا همتك معانا بقى و عايزين أفكارك الجامده اللي احنا متعودين عليها .
اقتباس:
المشاركة الأصلية كتبت بواسطة thecreativex
التوقيت مهم جدا فى المضاربه اليوميه لو عملنا دراسه عن الوقت الى بيحصل فيه الرالى اعتقد حيكون فى مكاسب كبيره لاننا حنكون بعيد عن التذبذب و اى مؤشر يقدر يكسبك
تمام جدا كلامك ..و كلنا نفسنا نوصل لمعرفة وقت الراليات فعلا .. و أعتقد ده سؤال المليون على رأي واحد صاحبي .
بس المشكلة إنك بتيجي أيام تلاقي الزوج اللي انت شغال عليه حتى لو كان المجنون .. تلاقيه حمل وديع و سعر الافتتاح تقريبا هو سعر الأغلاق و مافيش أي حركة حصلت فيه و هنا الناس اللي شغاله سوينج زي حلاتي كده خسرت على الأقل فرق السبريد + كام نقطة إذا ماكنتش الخسارة اكبر .
هنحاول نفتح شارتاتنا و نعمل أي علاقة على كذا عملة زي ماحضرتك بتفكر كده بحيث نعرف نحدد أوقات الراليات .
3 مرفق
رد: ## ركود .. سيولة تدفق ##
انت تامر يا غالى
1-مؤشرIchimoku ودة انا بعتمد علية فى شئ مهم جدا ان السعر لو قطع السحابة للاعلى يبقى شراء والعكس صحيح.
2- مؤشر IchimokuSpanShiftSP[sw] نفس المؤشر الاول ولكن يمكن انزالة بمفردة فى شاشة اسفل الشارت زى الاستوكاستيك والار اس اى وهكذا.
3-مؤشر Pwtrend ودة مؤشر رائع واداة قوية لمعرفة اتجاة الترند وربنا يجزى صاحب الموضوع خير وهو ملك الحصريات صديقى مصطفى فارس لانة اول من ارفقة فى المنتدى لكن اعذرنى لعدم ارفاق المؤشر نظرا لاعتراض ادارة المنتدى وغلق هذا الموضوع من قبل ومن يريد المؤشر يراسلنى على الخاص وانا عنيا ليكو هبعتو دليفرى.
فى المرفقات شرح المؤشر بالانجليزى لو مليكش فى الانجليزى خد اللينك دة وكبر الجمجمة
https://forum.arabictrader.com/t66768.html .
طبعا الكمال لله وحدة ومافيش حاجة كاملة لكن المؤشرين مع بعض نتايجهم جميلة جدا .
يارب اكون وصلت المعلومة صح انت يا حودة :0031:
وارفع الشعار مع المتداول العربى مكسبك من نار
رد: ## ركود .. سيولة تدفق ##
اقتباس:
المشاركة الأصلية كتبت بواسطة femtogold4
انت تامر يا غالى
1-مؤشرIchimoku ودة انا بعتمد علية فى شئ مهم جدا ان السعر لو قطع السحابة للاعلى يبقى شراء والعكس صحيح.
2- مؤشر IchimokuSpanShiftSP[sw] نفس المؤشر الاول ولكن يمكن انزالة بمفردة فى شاشة اسفل الشارت زى الاستوكاستيك والار اس اى وهكذا.
3-مؤشر Pwtrend ودة مؤشر رائع واداة قوية لمعرفة اتجاة الترند وربنا يجزى صاحب الموضوع خير وهو ملك الحصريات صديقى مصطفى فارس لانة اول من ارفقة فى المنتدى لكن اعذرنى لعدم ارفاق المؤشر نظرا لاعتراض ادارة المنتدى وغلق هذا الموضوع من قبل ومن يريد المؤشر يراسلنى على الخاص وانا عنيا ليكو هبعتو دليفرى.
فى المرفقات شرح المؤشر بالانجليزى لو مليكش فى الانجليزى خد اللينك دة وكبر الجمجمة
https://forum.arabictrader.com/t66768.html .
طبعا الكمال لله وحدة ومافيش حاجة كاملة لكن المؤشرين مع بعض نتايجهم جميلة جدا .
يارب اكون وصلت المعلومة صح انت يا حودة :0031:
وارفع الشعار مع المتداول العربى مكسبك من نار
انت راجل مية مية :0031: .. بجد مشكور على التفاعل و المشاركة الممتازة دي .. و فعلا انا معاك إن مؤشر أيشيموكو ده رائع و أنا بحترمه جدا .. و منتظرين جديد أفكارك .:ongue:
