السلام عليكم

اقتباس:

---

المشاركة الأصلية كتبت بواسطة Optimistic

هذا كتاب فوركس بالعربي واتوقع انك حصلتيه وبدأتي تقري فيه

وعموما في عندي كتب ثانية كثير بس انتي قولي ايش تبغي هل تحليل فني ام تحليل اساسي ام برامج كله موجود ان شاء الله

---

شاكرة لك اهتمامك ياخي
بالنسبة لتحديد الكتب ليس عندي خبرة بهذا الشان
ولكنك كنت مثلي في يوم من الايام وتعلم ما يحتاجه المبتدئ
وفي انتظار عودتك بارك الله فيك

طيب شوفي اول شي برنامج التحليل اللي يستخدموه غالبية المتداولين هنا

تلاقيه بالمرفق

اسمه AL Trade 4

طبعا البرنامج دا يتبع عائلة برامج الميتاتريدر

بينما انتي تشتركي في الوسيط او البروكر وتودعي فيه حسابك وتبيعي وتشتري من خلال والوسيط ياخذ منك عمولة او كما تسمى السبريد . واكثر الناس هنا يستخدمو فكسول او غيره طبعا ...

نزلي البرنامج وسوي الاعدادات وحطي البروكسي حقك وحيشتغل معاك والاسعار مباشرة تشوفيها تتغير قدامك

وشوفي في حاجة انا جذبتني اول ما بدات اتعرف على سوق العملات هي انه انك تقدري تكسبي في الطلوع والنزول

يعني في سوق الاسهم السعودي عندنا مثلا ... تشتري السهم اذا كنتي متوقعة انه راح يصعد .. بينما في سوق العملات تشتري العملة اذا كنتي متوقعه ان العملة راح تصعد وايضا اذا كنتي متوقعة من خلال تحليلك ان العملة راح تهبط تقدري تدخلي تبيعيها .. وكدا يصير لو دخلتي بيع والعملة كل تنزل اكثر كل ما تكسبي اكثر !!

انا اشوف عشان كذا ان الفرص في سوق العملات كبيرة ... وطبعا السوق عموما خطير مرة اخطر سوق في العالم

وكيف الناس تكسب في السوق ؟

كل واحد له طريقته

بس الشي المهم اللي لازم نقتنع فيه انه مافي طريقة سحرية تخلي الواحد يكسب بس

ولا كان كل الناس اغتنت

والناس مذاهب بخصوص التحليل

منهم من يتبع المؤشرات .. والمؤشر عبارة عن ادارة محسوبة بطريقة حسابية معينة وتضاف الى اسف الشارت ان على نفس السعر ويعطي اشارة بيع وشراء على حسب المؤشر المستخدم ... طبعا المؤشر ماهو دقيق ويعطيك نتائج سحرية

ومن ناحية اخرى في محللين يتبعون التحليل الكلاسيكي .. يعني مثلا الترند المكسور والاشكال او النماذج الفنية المتكونة زي الراس والكتفين والكوب والعروة ادري اسماءها تضحك بس دي حقيقة موجودة على الواقع والناس مؤلفين فيها كتب .

وطبعا الاخبار الايجابية او السلبية لها تاثيرها ولها تاثير كبير على السوق ولو تقلبي بين الشارتات تشوفي احيانا شمعات طويلة غالبا تاثيرها بسبب الاخبار .

شوفي عموما في كم ملف مرفق هنا شي يتكلم عن المؤشرات وشي يتكلم عن النماذج وطبعا لسه في اشياء كثير كثير ما اعرفها لسه ..

في المشاركة اللي تحت حاحط فيها برنامج التحليل وبرنامج التداول حق شركة فكسول
وكم ملف عن المؤشرات والكلاسيكي .. وفي برضه اخر واحد على الشموع واساسياتها

وانا انصحك تشوفي الاستراتيجيات المكتوبة في المنتدى سوي بحث عليهم في استراتيجيات كثير منها استراتيجية الترند المكسور ومنها المضاربة باستخدام الدايفيرجنس واستراتيجية القاهرة و و و اشياء كثيييير ...

اقري فيهم وربي يوفقكـ وراح ارفق الملفات في المشاركة الجاية

برنامج التريد AL Trade 4 تلاقيه على الرابط اللي تحت ما ارفقته عشان حجمه كبير شويا

http://alforex.com/forex-trading-platform.aspx

حتلاقيه رابط مكتوبه فيه

اضغطي عليه وحملي البرنامج ولو واجهتك مشكلة في الاعدادات راح نحلها باذن الله.

وبرنامج التداول على سبيل المثال هو فكسول (FXsol ) وانا شايف اكثر الناس يتعاملوا معاه

وبمجرد الاشتراك تقدري تودعي وتبيع وتشتري ويرسلولك ارباحك على حسابك وقت ما تبغي

وعاملين برنامج اسمه GTS Pro وبرضه عاملين موقع تقدري تتداول من خلاله . وهذا رابط الشركة

http://www.fxsolutions.com/

في كم ملف مرفق عن المؤشرات وعن النماذج خديلك بصة عليهم طبعا ان جمعتها للاسهم بس التحليل الفني انا اشوف واحد للاسهم او العملات

طبعا دي تعتبر مفاتيح عشان تعرفي ايش تدوري وايش تقدري يعني مو كل شي اوكي .

وياليت لو الاخوة كمان يساعدونا

في بعض الملفات تكمل للملفات المرفقة في المشاركة اللي قبل دي بس ما قدرت ارفقها عشان حجمها فوق 2 ميغا والمنتدى ما يسمح ..

عموما هنا في ثلاثة ملفات .. الملف الثاني منهم عن الشموع هو كبير شويا حاولي تتعرف على الشموع الاسياسية بعدين خوضي في التفاصيل .. وبالمناسبة في ملف في المنتدى عن الشموع للاخ وليد الحلو اظن بس اني مضيعه .

والثالث عن النماذج

انا بصراحة ما قريت كل الملفات

في ملفات وانا بارفقها اتصفحتها بسرعة واشوف انها جيده

اخر ملف عن الشموع كويس

ملفين حلوة عن النماذج


اتمنى من الاخوة اللي عنده مصادر حلوة عن التحليل الفني بالعربي يتكرموا بها علينا


وبالوفيق للجميع

اقتباس:

---

المشاركة الأصلية كتبت بواسطة SMAA

السلام عليكم ورحمة الله وبركاته

لفت انتباهي طيبتكم وحبكم لمساعدة الآخرين

بارك الله فيكم وفي جهودكم



أنا عضوة جديدة
ما عندي خبرة في الفوركس نهائيا

لكن عندي رغبة قوية في تعلمه

حاولت أقرأ في مواضيع المنتدى
لكني ما فهمت منها حاجة
ونفسي تدلوني على أول الطريق
أنا أبغى منكم يا إدارة المنتدى المساعدة ما حبيت اكتب الموضوع بشكل عام

لي ظروفي الخاصة جدا جدا جدا

تعرضت لظلم شديد بسبب انه ما عندي مادة ولا عندي شغل
فحبيت اني اثبت وجودي بتعلم الفوركس ودخوله

وارجو من الله ثم منكم مساعدتي .. مالي بعد الله غيركم

أرجوكم أرجوكم أرجوكم لاتخذلوني

في انتظار الرد أيا كان

جزاكم الله كل خير وفتح لكم أبواب رزقه

ودعواتكم

---

وعليكم السلام ورحمة الله وبركاته
اتفضلي اختي الكريمه ده كتاب الفوركس خطوة بخطوة ده ممتاز جدا للمبتدئين

https://forum.arabictrader.com/misc....x_Step_By_Step

وبعد كده ادخلي على الموضوع ده فيه خارطة طريق للكتب الى تقريها لكي تقدري انك تشتغلي في سوق العملات
لكن بس بدلي كتيب الفوركس للمبتدئي الموجود في الأول وتقري كتاب الفوركس خطوة بخطوة

عملي مش كلام وخلاص.. كيف تصبح محلل فني محترف ومضارب ناجح في فترة وجيزة .. مجرب !!

جزاك الله خيرا يا أخي Optimisticوبارك فيك
على الجهد العظيم والمساعدة الكبيرة التي قدمتها لي
بهذه الكتب والمرفقات
وسأكون دائما بحاجة لمساندتكم واراءكم
أسأل الله تعالى أن يفتح لك أبواب رزقه ويرزقك من حيث لاتحتسب
انه على كل شيء قدير

جزاك الله خيرا يا أخي محمد العزب
تم تحميل الكتاب وبدأت القراءة فيه بالفعل
كتاب سلس جدا ومفهوم
كما تم تحميل خارطة الطريق
كنت بحاجة لمثل هذه المواضيع الموجودة في الرابط
أسأل الله أن يرزقك رزقا واسعا من حيث لاتحتسب إنه على كل شيء قدير

ولا أستغني عن مساعدتكم واراءكم

يالله اهم شي شدي حيلك وربنا يوفقك

وراح افتح موضوع بعد كم يوم احط فيه مصادر كثير عن استراتيجية حلوة اسمها الدايفيرجنس Divergence انا وعدت واحد وان شاء الله راح انفذ وعدي

عموما .... لا يفوتكـ

Optimistic

جزاك الله خيرا يا أخي على جميل متابعتك التي تحفزني دائما للسير قدما

وفي انتظار موضوعك .. حفظك الله