أرجوا الإفادة من أساتذتنا الأفاضل

[Shenouda]

كل عام وحضراتكم بخير
ونتمنى هذة السنة تكون سعيدة علينا جميعاً وكل شخص كان لدى هدف ولم يتحقق فى السنة الماضية ربنا يوفئه ويحققة فى هذة السنة اخوانى الأفاضل
منذ دراستى وقرائتى للفوركس لدى معلومات لا بأس بها وعملت على التجريبى لفترة مناسبه أريد ان انتقل للخطوة اللى بعد ذلك وهى
الحساب الحقيقى
لدى بعض الأسئلة أرجو الرد عليها بصدر رحب
- الحساب الحقيقى يظل شغال ولا يقفل لانه ليس لدى مده مثل الحساب التجريبى حتى لو ظل فترة بدون فتح هذا صحيح
- لدى جهازين كل جهاز فى محافظة هل من الممكن عند ذهابى إلى اى محافظة أقدر امارس التداول على أى جهاز منهما ام مقيد بجهاز واحد ( كمبيوتر عملى والاخر بمنزلى )
- ما هو الفرق من فتح حساب إسلامى او عادى هل الفرق فى العمولة لو الصفقة مفتوحة لمده أيام فقط أم يوجد شئ اخر
- يوجد فى الحساب التجريبى حاجتين
فى الحساب التجريبى ممكن أقدر أقوم بتغيير الرافعة المالية من 100:1 أو 200:1 ... ألخ 400:1 وأيضا ممكن أغير حجم اللوت من 10000 او 5000 او 1000 هل هذا ينطبق على الحساب الحقيقى مع العلم نفس البرنامج ونفس الشركة (Fox Sol)
- ممكن سحب اى ممبلغ مهما كان المهم يكون أكبر من المصاريف يعنى 100 $ مثلا
- سؤال أخير لأهل بلدى (مصر) سؤال يحيرنى لما عند تحدثى للأى شخص عن الفوركس يقولى وهم وكدب مع أنى اتحمست أوى ليها أرجوا من اخوانى المصريين انتوا عرفين الازمة المالية اللى فيها مصر اليومين دول مش على مصر بس على العامل كله بس اليومين دول وبالأخص اول السنة شركات بتقفل والسياحة هتضمر بمعنى الشاب محتاج أشيه يتعلق بيها اللى أطلبه منكم شرح كيفية فتح الحساب لدى البنك وأزاى أرسل الفلوس لأنكم مرتوا بهذا وخصوصا فى البنوك التى بمصر

أسف جدا جدا على الاطل ممكن أكون سألت كتير بس ده عشم فى المنتدى الرائع جدا جدا وفعلا اللى محتاج اى أستفسار بيتكلم من غير خجل ولا خوف لانه فى المنتدى ده هيلاقى كل اللى محيرة

وشكرا جدا أخوانى الأفاضل وأسف على الإطالة

[Misho Elmasri]

كل عام وحضراتكم بخير

ونتمنى هذة السنة تكون سعيدة علينا جميعاً وكل شخص كان لدى هدف ولم يتحقق فى السنة الماضية ربنا يوفئه ويحققة فى هذة السنة اخوانى الأفاضل
منذ دراستى وقرائتى للفوركس لدى معلومات لا بأس بها وعملت على التجريبى لفترة مناسبه أريد ان انتقل للخطوة اللى بعد ذلك وهى
الحساب الحقيقى
لدى بعض الأسئلة أرجو الرد عليها بصدر رحب
- الحساب الحقيقى يظل شغال ولا يقفل لانه ليس لدى مده مثل الحساب التجريبى حتى لو ظل فترة بدون فتح هذا صحيح

الحساب الحقيقى يظل شغال عادى ما فيش مشاكل .. واعتقد لو فضل فتره بدون فتح صفقات بيتم غلقه مؤقتا وتختلف الفتره من شركه لشركه ( افكسول 6 اشهر)
لكن طول ما انت شغال عادى اكيد الحساب مفتوح ( دا حساب حقيقى يعنى )

- لدى جهازين كل جهاز فى محافظة هل من الممكن عند ذهابى إلى اى محافظة أقدر امارس التداول على أى جهاز منهما ام مقيد بجهاز واحد ( كمبيوتر عملى والاخر بمنزلى )

لا مارس زى ما انت عاوز على الجهازين اعتقد ما فيش مشاكل

- ما هو الفرق من فتح حساب إسلامى او عادى هل الفرق فى العمولة لو الصفقة مفتوحة لمده أيام فقط أم يوجد شئ اخر

الحساب الغير الاسلامى عليه فوائد ربويه .. بيتم اضافتها فى حالة شراء عمله ذات عائد اكبر وبيع عمله ذات عائد اقل فى حالة التبييت طبعا .. والعكس بيتم خصمها فى حالة شراء عملة ذات عائد اقل وبيع عملة ذات عائد اكبر ( مثال .. العمله ذات العائد الكبير : الباوند .. و العمله ذات العائد القليل : الين )

اما الحساب الاسلامى لا يتم فيه اضافة او خصم اى فوائد ربويه .. فقط السبيرد على الصفقات اللى بيتم فتحها

- يوجد فى الحساب التجريبى حاجتين
فى الحساب التجريبى ممكن أقدر أقوم بتغيير الرافعة المالية من 100:1 أو 200:1 ... ألخ 400:1 وأيضا ممكن أغير حجم اللوت من 10000 او 5000 او 1000 هل هذا ينطبق على الحساب الحقيقى مع العلم نفس البرنامج ونفس الشركة (Fox Sol)

طبعا كل الاوبشنز المتاحه فى الحساب التجريبى لدى افكسول فى الحسابات التجريبيه متاحه وبنفس الالية فى الحسابات الحقيقه

- ممكن سحب اى ممبلغ مهما كان المهم يكون أكبر من المصاريف يعنى 100 $ مثلا

اه ممكن وانا سحبت مبلغ 200 دولار قبل كدا

- سؤال أخير لأهل بلدى (مصر) سؤال يحيرنى لما عند تحدثى للأى شخص عن الفوركس يقولى وهم وكدب مع أنى اتحمست أوى ليها أرجوا من اخوانى المصريين انتوا عرفين الازمة المالية اللى فيها مصر اليومين دول مش على مصر بس على العامل كله بس اليومين دول وبالأخص اول السنة شركات بتقفل والسياحة هتضمر بمعنى الشاب محتاج أشيه يتعلق بيها اللى أطلبه منكم شرح كيفية فتح الحساب لدى البنك وأزاى أرسل الفلوس لأنكم مرتوا بهذا وخصوصا فى البنوك التى بمصر

اول حاجه الفوركس مش وهم ولا كدب .. الفوركس حقيقية لمن يجيد التعامل معها .. وحاول ماتسمعش كلام حد مالوش خبره او علم بالفوركس .. ( احنا ياما سمعنا )

بتفتح حساب فى البنك بكل سهولة .. كل اللى عليك انك تروح البنك اللى انت عاوزه وتسأل عن خطوات فتح حساب بالدولار .. وبعدها افتح الحساب و اعمل الايداع وبكدا بتكون قادر انك تبعت تحويل بنكى لحسابك فى شركة افكسول او شركة الوساطه اللى ناوى تتعامل معاها .. بتطلب ملء طلب تحويل بنكى وبتملى بياناته من المبلغ المراد تحويله و بيانات حساب شركة افكسول فى بنك جى بى مورجان واللى بتجيبها من السايت بتاعهم ( رقم حسابهم فى البنك و عنوان البنك والسويفت كوود .. ) بالنسبه للبنوك عندك الاهلى سوستيه جنرال و باركليز .. بنوك تمام من خلال تعاملى معاهم .. الموضوع بسيط جدا ما تقلقش

أسف جدا جدا على الاطل ممكن أكون سألت كتير بس ده عشم فى المنتدى الرائع جدا جدا وفعلا اللى محتاج اى أستفسار بيتكلم من غير خجل ولا خوف لانه فى المنتدى ده هيلاقى كل اللى محيرة

وشكرا جدا أخوانى الأفاضل وأسف على الإطالة

الرد داخل الاقتباس


العفو يا غالى واحنا تحت امرك ولو فى اى استفسار تانى انا معاك

كل عام وانت بخير

[Shenouda]

رينا يخليك يا برنس وأشكرك جدا على معلوماتك الغالية دى وربنا معاك ومعانا ومع كل اللى داخل الفوركس