عجوز تتحدى إبليس ........!!! منو الي يربح؟

[عثمان نشأت]

عجوز تتحدى إبليس

كان يا ما كان في قديم الزمان…… …
كان فيه إمرأه عجوز قاعدة بروحها
وفجأة طلع لها إبليس ………
العجوز خافت وسمت بالرحمن
…قالها إبليس :أنتي يا عجوز هل تعتبرين نفسك داهيه
العجوز: نعم أناداهيه ……….. والنساء عموما كيدهن عظيم
أبليس: أنا أتحداك……..ونشوف مين كيده أعظم …..المرأة ولا أبليس
العجوز :خلاص أنا بسوي مشكله وأنت راح تحلهاواذا ما قدرت أنا راح أحلها
وراح أفوز بالرهان.
أبليس : O.k

راحت العجوز على واحد من هالبطاليه اللي ما عندهم شغل ويا كثرهم

وقالت أنا أشغلك عندي فترة معينه بس …….
اذا تريد فلوس لا تتدخل ولا
تتكلم وافق الشاب لأنه مل من البطاله ويريد فلوس
راحت العجوز ومعاهاالشاب لمحل قماش وقالت له أتنتظرني عند باب المحل
… دخلت المحل وخذت قماش غالي وراحت تفاصل تاجر القماش
العجوز: رخص يا بن الحلال …
التاجر : اذا أنتي ما عندك فلوس أخذي شيء أرخص
العجوز : ما أقدر ….لازم ولا بيصيرشي ء ما صار

التاجر : ليش …..لها لدرجه …..شنو السالفه

العجوز: شفت الشاب اللي واقف عند باب المحل ..هذا ولدي

..يحب له وحده متزوجه وهي تحبه ولماتتطلق من زوجها …ولدي بيتزوجها
وهو قال لي أن عارضتي الزواج أطردك من البيت وأمرني أني أشتري قماش
غالي عشان يعطيها حبيبته ولا راح يطردني من البيت مع أن البيت بالأساس
بيتي ولكني غلطت وكتبته باسمه العجوز تبكي
التاجر: خلاص هونيها وتهون والله كسرتي خاطري ….خلاص أنا أعطيك القماش
ببلاش….وعسىالله يأجرني
العجوز طلعت مستأنسه وقالت حق الشاب روح البيت
بعدها راحت العجوز لبيت زوجة تاجر القماش وطقت الباب وطلعت الزوجة
العجوز : آه يابنيتي أنا تعبت بالطريق و ما أقدر أكمل ممكن أقعد عندك أرتاح
خمس دقايق .
رحبت الزوجة ودخلتها وأكرمتها وجابتلها شاي
العجوز: مشكورة ماتقصرين إن شاء الله أردها لك (تعمدت تنسى القماش ) وطلعت.
الزوجة: حرام نست قطعة القماش …أكيد بترجع بعد شوي وتأخذها
بروح أحطها بالدولاب..
تاجر القماش رد لبيته وتغذى ذاك الغدا السنع ونام شوي .
قام العصروفتح الدولاب يغير ملابسه عشان يروح محله ……مفاجأة قطعة القماش
وعرف أنالمرأة اللي يبيها ولد العجوز هي زوجته يعني تخونه
قام عليها وطقها وطردهابالشارع بالهدوم اللي عليها.
العجوز كانت تنتظر هاللحظه في أخر الشارع فراحت لها تركض
العجوز: شنو فيك يا بنيتي ليش تبكين
الزوجه : زوجي طردني …وما أعطاني فرصه أتكلم .
العجوز: خلاص أنا بأوديك بيتي وأنا اروح أحل المشكلة
راحت العجوز لبيتها ودخلت الزوجه في غرفة بينما الشاب كان في
غرفه ثانيه وأمرته أنه ما يطلع منها
راحت العجوز للشرطه تبكي وتقول :كنت قاعدة في بيتي وفجأة دخل
رجل ومعه مرأة وقعدوا ببيتي حاولت أطلعهم ماقدرت
(أحتلوا بيتي )
ذهبت الشرطة وقبضت على الشاب والزوجه ….ووضعووهم بالسجن.
العجوز: ها ها شنو رايك يا أبليس دورك االان حل المشكله
أبليس : لا لا ما أقدر أحلها السالفة تشربكت مرة
العجوز: أنا راح أحلها وكأن شيء لم يكن ..
وراح أربح الرهان
راحت العجوز تزور الزوجه بالسجن وقالت لها :أنتي ساعدتي مرة
وأنا الان أساعدك …..يلا ألبسي عباتي وغطي نفسك وأطلعي من السجن كأنك أنا وأنا بأقعد
مكانك.
الزوجة: مشكورة ….لكن أنتي
العجوز: مالك شغل مثل ما طلعتك بطلع نفسي.
تمت عملية الهروب بنجاح….
الوالي أمر الحراس يحضرون المسجونين حتى يحكم عليهم
حضرت العجوز والشاب وقال لهم الوالي :ليش قابضين عليكم وشنو مسوين
ردت العجوز: احنا ما سوينا شيء كنا قاعدين ببيتنا أنا ولدي ولا الشرطه
طابه علينا وماخذينا السجن .
تعصب الوالي وهزأ الشرطه وما عطاهم فرصه يتكلمون ويقول: غلطانين
وتريدون تتكلمون.
شين و قوات عين
طلعت العجوز من الوالي مستانسه واعطت الشاب فلوس وأنهت خدمته عندها.
راحت العجوز لتاجر القماش وقالت له أنها تعبت بالطريق وأن زوجته أصيله وأكرمتها وهي من
كثر التعب نست القماش عندها وأن زوجته بريئه
وقالت خذ قماشتك لأن ولدي سافر هو و زوجته الجديدة.
رجع التاجر زوجته وتأسف منها و راضاها بعد.
العجوز : شنو رايك يا أبليس أنا فككت السالفه سهله
أبليس : أنتي ربحتي ….
يمه ……… يمه أن كيدهن عظيما هرب منها وهوخايف

منقول لعيونكم

[تاكايا]

مشكور على القصة الممتعة

هالعجوز تبيع القرد وتضحك على اللي شاريه