مطلوب عمل هذا المؤشر للبولينجر باند مع الشرح

[thecreativex]

السلام عليكم
طلب من اخواننا المبرمجين الكرام عمل هذا المؤشر للبولينجر باند
فكرة المؤشر هو الفرق بين الخط العلوى و السفلى
المؤشر مفيد فى تحديد الاهداف و الرينج و فوائد البولينجر المعروفه
المؤشر موجود و لكن للشمعه الحالية فقط و هو فى المرفقات
الفكره انا اخدتها من مؤشر bbsqueeze لكن المؤشر ده ليه معادله مختلفه هو متشابه فقط
طلب خاص ان يكون شكل المؤشر كالتالى


يكون فى خاصية تحديد الفرق بين الخطين و على اساسها يتم الرسم
بمعنى اختيار مثلا الفرق 50 نقطه
لو الفرق اقل يكون اللون اسود كثلا
لو الفرق 50 او اكثر يكون اللون ذهبى مثلا
الشكل فى الصوره من مؤشر bbsqueeze اخدت منه فكره ال arrow
يمكن طبعا الاستفاده من معادلة المؤشرين
وهم فى المرفقات
و كل الشكر و الامتنان للجميع خصوصا لانهم عمرهم ما بيتاخرو على المساعده

[kingooo]

عيني ليك يا باشا

مرفق المؤشر حسب طلبك بالضبط

المتغير Datum في المؤشر هو الرقم 50 في المثال بتاعك اللي لو المسافة اكبر أو اصغر منه لون المؤشر يتغير
وده طبعا تقدر تغيره لأي رقم عايزه من خصائص المؤشر

أي خدمة يا زعيم

[thecreativex]

عيني ليك يا باشا

مرفق المؤشر حسب طلبك بالضبط

المتغير Datum في المؤشر هو الرقم 50 في المثال بتاعك اللي لو المسافة اكبر أو اصغر منه لون المؤشر يتغير
وده طبعا تقدر تغيره لأي رقم عايزه من خصائص المؤشر

أي خدمة يا زعيم

الله عليك المؤشر بجد ما شاء الله perfect
انا حعد ادعيلك انهارده
و بجد احييك على فكره الbandwidth الى انت عاملها روعه مكنتش فى دماغى خالص ان المؤشرين يبقوا مع بعض
عايز اقولك انا طالب المؤشر ده فى tsd من شهرين و محدش عبرنى
لان انا بقيت اكسف اطلب هنا من كتر ما طلبت تعديلات و مؤشرات
بجد الف الف شكر ليك

[thecreativex]

بص يا غالى المؤشر كافى و الحمد لله
بس نا فى فكره كده جت فى دماغى لو كانت سهلة و بسيطه يا ريت تعملها لو فيها ى صعوبة مش مشكله و جزاك الله كل خير انا مش طماع
ان يبقى مؤشر البولينجر نفسة على الشارت فيه الخاصية بحيث لو الفرق مثلا اقل من 50
تكون المسافه بين الخط الاعلى و الاسفل مثلا سوداء زى سحابة الاشيموكو مثلا
و المؤشر يكون عادى لو المسافه اكبر

[kingooo]

العفو يا باشا أي خدمة

وماتتكسفش من حاجة هنا في المتداول كلنا اخوة مع بعد مفيش فرق بينا
وعلى فكرة أنا لما بعمل مؤشر ده مش فضل مني لأ ده رد جميل لكل واحد هنا لم يبخل عليا بسأل أو استفسار أو حتى مؤشر ده غير الناس اللي علمتني أو حتى نصحتني ازاي اتعلم.... (وطبعا على راس أساتذتي Mr.Dollar)
واسال واطلب براحتك وتأكد أن أي واحد هيكون قادر يساعدك أكيد مش هيتأخر

بالنسبة للتعديل بتاع السحابة, أنا بصراحة مش عارف يتعمل ازاي! بس هفتح أي مؤشر من بتوع السحابة واشوف لو فهمت ازاي بتتعمل هعملهلك على طول وهاحطه هنا أن شاء الله

[thecreativex]

العفو يا باشا أي خدمة

وماتتكسفش من حاجة هنا في المتداول كلنا اخوة مع بعد مفيش فرق بينا
وعلى فكرة أنا لما بعمل مؤشر ده مش فضل مني لأ ده رد جميل لكل واحد هنا لم يبخل عليا بسأل أو استفسار أو حتى مؤشر ده غير الناس اللي علمتني أو حتى نصحتني ازاي اتعلم.... (وطبعا على راس أساتذتي Mr.Dollar)
واسال واطلب براحتك وتأكد أن أي واحد هيكون قادر يساعدك أكيد مش هيتأخر

بالنسبة للتعديل بتاع السحابة, أنا بصراحة مش عارف يتعمل ازاي! بس هفتح أي مؤشر من بتوع السحابة واشوف لو فهمت ازاي بتتعمل هعملهلك على طول وهاحطه هنا أن شاء الله

يا مان ربنا يخليك و الله على زوقك ده
بس انت راجع مواضيعى كده حتلاقيها كلها فى المنتدى هنا بطلب مؤشرات
بس فعلا الحمد لله فى المتداول العربى كلنا اخوه فى الله و ده مكسب فى حد ذاته
---
بالنسبة للمؤشر فى مؤشر فكرته سهلة جدا هو عمل السحابة بين اى خطين موفنج افرج
اعقد معادلتة حتكون اسهل من الايشيموكو
فى المرفقات و لو لقيت لموضوع فى لف و كده متتعبش نفسك

[kingooo]

عملتلك المؤشر يا معلم


بيعمل شبورة بلون اللي أنت عاوزه

أي خدمة يا باشا

[MR.dollar]

العفو يا باشا أي خدمة

وماتتكسفش من حاجة هنا في المتداول كلنا اخوة مع بعد مفيش فرق بينا
وعلى فكرة أنا لما بعمل مؤشر ده مش فضل مني لأ ده رد جميل لكل واحد هنا لم يبخل عليا بسأل أو استفسار أو حتى مؤشر ده غير الناس اللي علمتني أو حتى نصحتني ازاي اتعلم.... (وطبعا على راس أساتذتي Mr.Dollar)
واسال واطلب براحتك وتأكد أن أي واحد هيكون قادر يساعدك أكيد مش هيتأخر

بالنسبة للتعديل بتاع السحابة, أنا بصراحة مش عارف يتعمل ازاي! بس هفتح أي مؤشر من بتوع السحابة واشوف لو فهمت ازاي بتتعمل هعملهلك على طول وهاحطه هنا أن شاء الله

شكرا جدا لك بارك الله فيك

[thecreativex]

عملتلك المؤشر يا معلم


بيعمل شبورة بلون اللي أنت عاوزه

أي خدمة يا باشا

يا سلام عليك المؤشر زى الى فات perfect! شبورة اخر حلاوة Lol :D
زى ما محتاجه بالظبط الحمد لله
بجد الف شكر ليك و تحياتى لاستاذ اسامة نور الموضوع :]