لماذا لا ننظر للشارت بطريقه مختلفه

[silvermoon9002]

بسم الله الرحمن الرحيم
اخواني الاحباء واساتذتي في المنتدى
ما جعلني افتح هذا الموضوع ووموضوعي الاخرين الخاصين بملفات الاكسل هو استاذي وضاح العطار واخونا دان زنجر العملاق الي ما خسرش غير كم صفقه في حياتو والي كان فاشل في الاسهم على الدوام وناجح على مستوى العالم في سوق العملات مع ان التحليل الفني وتحليل السوق واخباره ينطبق على الاسهم والعملات معا
دعوم ومقاومات وفايبو وبولنجر والخ الخ الخ
دعوني اولا اذكر لكم مقطعا قراته ومقطعا من محال عملي كطبيب
الاول ان الانسان احيانا لا يرى فجوه معينه رغم كبرها واتساعها بكل بساطه ليس لانه اعمى لا بل لانه في وسط الفجوه وبالتالي من المستحيل ان يرى الفجوه لكن لو تقدم للامام او للخلف عده خطوات ونظر للفجوه فستتغير زاويه نظره للفجوه ويراها بكل سهوله لكن طول ما هو معند وواقف في قلب الفجوه من المستحيل ان يراها
المقطع الاخر والذب من مجال عملي ودراستي كطبيب ان معظم الناس لا تستعمل اكثر من 10 بالمئه من قدرات عقلها والامعظم منهم هذه النسبه للاسف تتناقص ويموت دماغه تدريجيا
يبلد يعني وما يشتغلش الا بالعافيه في دراسه اجريت على مجموعه من الناس تم فيها عرض صوره عليهم
الصوره مكونه مثلا من حرف تي الانجليزي هذا الحرف في الصوره لم يكن مرسوما بل مكونا من حرف امm متراصص بجانب بعضه ليكون صوره كبيره لحرف تي
عند عرض هذه الصوره على المجموعه موضوع الاختبار جزء منهم لاحظو حرف التي في البدايه وجزء اخر لاحظو حرف الام في البدايه والمجموعه الاذكى لاحظت حرف التي والام في نفس الوقت
علميا اكتشفو ان المجموعه اولى تستعمل الجزء الايسر من الدماغ والاخرى تستعمل الجزء الايمن من الدماغ بصوره اكبر والمجموعه الاذكى تستعمل الجزئين معا في نفس الوقت طيب
هجيب كمان قصه عن واحد ليبي على ما اذكر والده صيدلي وهو بالتالي درس صيدله وعمل في صيدليه والده ولاحظ ان مجموعه كبيره منالادويه في ليبيا تستورد من فرنسا مع ان مكوناتها الاساسيه موجوده في ليبياشغل مخو واخد قرض وفتح مصنع ادويه صعير ومشي حلاوه شويه لقي انو بيصرف كتير على نقل الادويه لولايات ليبيا فقام اخد قرض جديد وفتح شركه نقليات ووفر على نفسو المصاريف وبالعكس بقت بتجيبلو دخل زياده
الشغل كبر وبقا بيصدر الادويه لبره لقي انو السفريات بتكلفو وبتفرض عليه قيود في الوقت اخد قرض جيد وفتح شركه طيران تجاريه بدون ما يكون عندو ولا طياره لما يحتاج يسافر ياجر طياره ولما حد عايز طياره ياجرها وياجرهالو وبدت الفلوس تزيد لقي ان البنوك بتاخد عليه فوايد وبتقيدو بمواعيد سداد ومش عارف ايه قام دور على شركا وفتح مصرف وبدا يكبر شغلو باستثمار اموال الناس في مشاريعو
الشاب دا عمرو في بدايه التلاتينات بيقول عن سر نجاحو انو لما كنت الاقي عقبه في طريقي كنت احلها مش اضيع وقتي في اني اسلك طريق تاني عشان الف حواليها ولا كنت بستسلم



طيب هتقولو انا عايز ايه
يا اخوان الاخ وضاح مشرف قسم البرمجه والاكسبيرتات
الراجل دا ناجح ماشاء الله طيب ليه يجيب لنفسو وجع الراس ويفتح 4 مواضيع عشان شبكات عصبيه ومش عارف ايه مع انو مش شغلو وموضوع فعلا صعب
طيب كلنا لاحظنا انو الشارت كتير قوي ما بيخترمش التحليل الاساسي ابدا ويمكن نسبه احترامو للفني اكتر من الاخباري حتى لو الاخبار اثرت عليه علىلا مستوى الساعه ولا الاربعه ولا اليوم بيرجع للاتجاه لالعم بدليل انو الدولار في هبوط من حوالي 6 سنين ما ارتفعش الا خلال شهر اكيد خلال السنين الي فاتو كان في اخبار لصالحو بس كان بيرجع للترند العام طيب ليه
بصراحه انا بقدات تتكون عندي قناعه انو في شيئ بيحكم السوق مش اخبار
لا رياضيات
معادلات
حسابات
اكتر من كدا لاااااااااااااااااااااااااااا
بدليل مربع جان ازا ما كنتش غلطان
كان بيتوقع السعر بعد سنه مثلا بالنقطه بالبيب بالملي زي ما تسموها
مش تنجيم يا اخوان وبدليل انو في ناس طلعت نسب الفايبو والسعر بيحترمها كتير قوي وفي ناس طلعت مروحه فان ومورحه جان ودول بيشتغلو على اسس رياضيه
صح ولا لا

عارفين يا جماعه الفرق بين الانسان والحيوان ايه؟ اصبرو ما تزلعوش
ما حدش يقولو اليحوان معندوش مخ
روح ادبح فرخه هتلاقي مخ
بس الفرق الحيقيقي ان مخ الحيوان بينزل متبرمج من ربنا باغلب احتياجاتو ازاي يمشي ازاي ياكل ازاي يعمل حااجت كتيره وما بيعتلمش في حياتو الا القيل
طيب الانسان ؟
الانسان مخو بينزل ابيض مخو ما فيهوش غير الامور اللا اراديه حتى ازاي يرضع ما يعرفش
تقريبا يعرف يبكي وبس ومع الايام بيبدا يتعلم ومخو يتبرمج على مهارات جديده بدليل انو ما فيناش حد اتولد بيعرف انو الناس بتحرق وما بطلش يبعد عنها الا لما اتلسع اول مره مع انو امو قالتلو النار واوا
طيب الي عايز اوصلو
ليش ما نفكرش بطريقه تانيه
ليش ما نحاول نشوف السوق باسلوب غير
ليه مخنا يفضل متحجر
ا99 بالميه بيدخلو السوق اول ما بيقرا كتاب الفوركس للمبتدئين وبيخش منتديات ويتعلم تحليل فني وهات يا سوق
وبيفضل متبرمج على كدا وكفايه طيب ليش ما تحاولش تدخل داتا جديده في مخك
ليه تفضل فاكر انو الي علموك في المنتديات هما قمه العلم
ليش تفضل تفكر انو دي اقصى حاجه في الفوركس
ليش تفضل تفكر انو لازم يوم ربح ويوم خساره
ليه زنجر ما خسرش في حياتو كلها غير 2 او 3 صفقات بس


عارفين يا جماعه
اناى عارف انو في ناس كتير هتعارض المثال دا بس قدوتنا سيدنا محمد عليه الصلاه والسلام رربنا قعد يهيئو للرساله 40سنه
فاهمين ايه
طيب ليه
لانو حاجه مش سهله ولانو مينفعش خاتم الانبياء والرساله السماويه الاخيره تفشل
نفس الفكره
شغلو مخكم برمجو عقولكم شغلو العصبونات الي في مخكم والله بتوصلو
لا تفضلو بس على الي انتو وصلتولو فينجاح وفي نجاح اكتر منو وفي نجاح اكتر من ىالنجاح التاني
النجاح ماله حدود بس لازم سعي لازم تعب لازم تفكير
انا مره من المرات كان عمري 16 سنه حطيت في راسي احسب 16 مرفوعه للقوه 16 من غير اله حاسبه لانو سمعت في الاخبار انو واحد حسبها في ثواني
الغيره دبحتني ليه هوا وانا لا
ايوا الغيره
ليه هوا ينجح في شيء انا ما اقدر عليه
وقعدت 3 ساعات متواصلين متربع واحسب ووصلت للنتيجه بالملي بدون ورقه وقلم
صحيح حسيت مخي هينفجر بعدها بس وصلت
عمري كان 16 سنه
يا جماعه حرام العقل الي ربنا اعطانا اياه نقولو مش عايزين غير 10 بالميه

ما تفضلو تقولو مافيش ناجحين ومستحيل ومش عارف ايه
ابو عاصم نزل لكم خبر الولد الي حول 500 ل 550000 والعلم يا معلم خات دليل ايه الاثبات دي فبركه والي يعني كويس تلاقيه قال ربنا يباركلو
كام واحد فكرو يحلو اللغز دا
يجد الاخ الاسدي انا شايفو ماشي ورا الموضوع
حتى لو ما نجح اسمو حاول واكيد في محاولاتو رح يوصل لشي ما كانش بيعرف حتى لو ما عرف سر الطريقه
يا اخوان واللله ما انا طالب دعايه ولا اعلان ولا شهره بس بجد حراااااااااااااااااااااااااااااااااااااام نلاقي مراهق امريكي بروفيسور في الجامعه وراشد عربي بالكتير بتغدا كبسه واول ما يغسل ايدو بيسال عن العشا
عيب
احنا كنا قمه العالم والعلم دلوقت بقو اسيادنا
لانو قتلنا طموحنا واكتفينا بالي احنا فيه وكتر هير ربنا في يوم من الايام كنااااااااااااااااااااا



شغلو الدماغ الي شايلينو فوق روسكم والله الفوركس فيه اسرار لسه ما اتكشفتش وهتكتشف في يوم ليش ما نكون احنا الي نكتشفها او على الاقل نكون الي حطينا اللبنه الاولى فيها
انا اسف لو اطلت عليكم بس بجد من قهري من عدد المنتسبين للمنتدى وعدد الفعالين فيه
من قهري من انو احنا العرب مش عايزين نبطل نكون شعوب استهلاكيه
من قهري انو احنا للان اليد السفلى ولسا بناخد
بناخد كل حاجه
اكلنا
شربنا
فلوسنا
استراتيجياتنا
توصياتنا
اكسبيرتاتنا
حتى ملابسنا الداخليه بنستوردها والله عيب
ان اسف يا جماعه لو طولت عليكم بس صدقا حالنا ماهو عاجبني
عيب والله عي

[عمرو خضر]

الله عليك والله انت عارف انا حسيت بكل كلمه انت كتبتها؟

انا لسه مبتدأ ولكن قطعت على نفسى عهد انى مستسلمش للسوق

الغادر ده وعليه فى اليوم الواحد ممكن تلاقينى عشرين ساعه

ما بين القراءه النظريه ومراقبة تحرك السعر على الشارت

وتطبيق ما تعلمته ومع كل موضوع او طريقه كنت بدخل ونفذ

عمليه ديمو اواجه مشكله احاول احللها وبعدين اقرأ وابحث عن

ادوات التحليل الفنى اللى ممكن تتعامل مع المشكله وارجع

للشارت تانى استغرب جدا هو انا ازاى كنت بفكر كدا فى الاول

ومن شهرين كل يوم افتكر نفسى وصلت خلاص للحل

لكن يحصل نفس السيناريو السابق علشان كدا انا ملاحظ

علشان بحاول اواجه المشكله كل يوم منحنى تعلمى فى ارتفاع

انا اسف على الاطاله بس الموضوع ده انا كنت لسه بفكر فيه

من ساعه تقريبا وانت والله جيت على الجرح.

وانا فخور جدا بحضرتك لان واضح انك تحب الخير لاخوانك

وفعلا قيمه مضافه للمنتدى

[thecreativex]

من جمال الموضوع قريته كله
موضوع رائع رائع رائع رائع

[محمد عبد الرحمن]

والله انت عسل يا سيلفر واسلوبك لذيذ
بس حلوة ادبح فرخة هتلاقي مخ
ع العموم ليا عودة للموضوع ان شاء الله هقول شوية كلام كده
بالتوفيق ان شاء الله

[وضاح عطار]

شكرا لك أخي على هذا الموضوع الجميل فعلا

هي دعوة صحيحة للتفكير بطرق غير تقليدية مع هذا الفوركس غير التقليدي .

بارك الله فيك وننتظر منك كل ما هو مفيد وجديد .

[نـزار محمد]

موضوع ممتاز ...
والمثل القائل "من سار على الدرب وصل...."

[asad2008]

اذا اردنا ان نتحسن وجب علينا ان نتغير
واذا اردنا ان نتغير فلا بد ان نغير طريقة تفكيرنا
يجب ان نخرج من الصندوق ونفكر خارج الصندوق

[قدوري محمد]

[mohands_moslim]

ماشاء الله عليك هو ده الكلام يا دكتور سيلفر

[محمد فتحي]

بسم الله الرحمن الرحيم
اخواني الاحباء واساتذتي في المنتدى
ما جعلني افتح هذا الموضوع ووموضوعي الاخرين الخاصين بملفات الاكسل هو استاذي وضاح العطار واخونا دان زنجر العملاق الي ما خسرش غير كم صفقه في حياتو والي كان فاشل في الاسهم على الدوام وناجح على مستوى العالم في سوق العملات مع ان التحليل الفني وتحليل السوق

شكرا اخي الحبيب علي الموضوع

تصحيح معلومة لعلك سهوت عنها

دان زانجر ناجح في سوق الاسهم الامريكية ولم يدخل سوق الفوركس من قبل أصلا

الموقع الرسمي له Chartpattern.com - Free Technical Stock Chart Analysis

بارك الله فيك

[مصطفى فارس]

جزاك الله خير يااخى ,,
اوقات كتيرالانسان بيكون عارف الكلام دة بس محتاج حد يفكرة بية ويصحية جواة

شكرا يا غالى

تحياتى

[10pips]

بارك الله فيك واتمنى وكلي امل ان نعود يوما الى مجدنا السابق ..وانظر الى الكلمات في توقيعي

[silvermoon9002]

الله عليك والله انت عارف انا حسيت بكل كلمه انت كتبتها؟

انا لسه مبتدأ ولكن قطعت على نفسى عهد انى مستسلمش للسوق

الغادر ده وعليه فى اليوم الواحد ممكن تلاقينى عشرين ساعه

ما بين القراءه النظريه ومراقبة تحرك السعر على الشارت

وتطبيق ما تعلمته ومع كل موضوع او طريقه كنت بدخل ونفذ

عمليه ديمو اواجه مشكله احاول احللها وبعدين اقرأ وابحث عن

ادوات التحليل الفنى اللى ممكن تتعامل مع المشكله وارجع

للشارت تانى استغرب جدا هو انا ازاى كنت بفكر كدا فى الاول

ومن شهرين كل يوم افتكر نفسى وصلت خلاص للحل

لكن يحصل نفس السيناريو السابق علشان كدا انا ملاحظ

علشان بحاول اواجه المشكله كل يوم منحنى تعلمى فى ارتفاع

انا اسف على الاطاله بس الموضوع ده انا كنت لسه بفكر فيه

من ساعه تقريبا وانت والله جيت على الجرح.

وانا فخور جدا بحضرتك لان واضح انك تحب الخير لاخوانك

وفعلا قيمه مضافه للمنتدى

اخي عمر شكرا لك كل الشكر على ردك السريع واهتمامك وتشجيعك وهالا وسهلك معا في ورشتينا التين افتتحناهما ومحتاجين الى همتك وحبك للتعلم

[silvermoon9002]

اخي كرياتف اكس
شكرا لك على المرور وردك وتشجيعك
نرحب بك في ورشتينا لملفات الاكسل

[silvermoon9002]

استاذي قدوري محمد مرورك شرف لي ومحتاج منك لاكثر من التشجيع
نحتاج الى خبرتك وعلمك فانت من الاقلام والعقليات المهمه في المنتدى