بعد خسارة 50% من الحساب امبارح قلت افكر شوية
انا الاول دخلت بمبلغ صغير خسرت منة 25% تقريبا وبعدين عوضت المبلغ دا الاسبوع اللي فات والحمد للة ونزلت البوند الاخيرة دي بقي قضت علي 50 % من الحساب والحمد للة انه فاضل 50% علشان احاول تاني اعوض
اخطائي انا عارفها والحمد للة هيا خطأ واحد بصراحة هيا التردد وسببة الخوف
انا عملت زي ورقة عمل بسيطة وانا بفكر وقلت احطها هنا ونفكر سوا احنا المبتدئين سوا وبمساعدة المحترفين للوصول لنظام لكل منا لكي نقول اننا متاجري بورصة العملات الاجنبية ولسنا هواة او مغامرين او مقامرين
اولا تجارة الفوركس
اولا حاجة ودي في راي اهم حاجة اننا نعترف ان الوفركس تجارة زي تجارة الحديد والدهب والبقالة والفراخ والعقارات وغيرها من اي تجارة والتجارة مهنة تحتاج دراسة اما تكون صبي عند معلم لتعلم مهنة او طالب في مدرسة او كلية او معهد لتعلمها وليس لعبة او قمار
لكي تتاجر في العملة انت تقوم بشيئبن رئيسين هما
الدخول في العملية
الخروج من العملية
اية الهبل بتاعي دا ما الكل عارف كدا وبعدين
تعالوا نقسم كل جزء لاجزاء صغيرة
اولا الدخول في العملية
1-اي واحد بيدخل عملية اكيد بيدخل بسبب حسب استراتيجية بتاعته
2- طالما قررت الدخول هتدخل علي اي سعر
3- طيب هتدخل بكام لوت
4- طيب هيا الاشارة لو جت الساعة 6 باليل هتدخل طيب ولو 6 الصبح اية النظام طيب هل هتفرق جمعة من اربعاء
طيب دخلت عملية هتفضل في العملية لامتي لحد ما نموت ولا فية امل نقفلها علشان الورثة متحترش
طيب قفل العملية مشكلة ومتجزأ هو كمان اهة
ثانيا اغلاق العملية
1- لية هتخرج من العملية
2- هتخرج بكل عقودك ولا بجزء
3- هتخرج علي اي سعر
لمزيد من التفاصيل كوباية شاي ونواصل