خاص لبوفهد

[kuwaitstar]

السلام عليكم
تحياتي لك يا بوفهد وعلى اهتمامك بالتعليم
وهذا انا معاك نتعلم اكثر واكثر من هالسوق
اخترتلك هالمره هالسهم بس غير عن الدرس الي قبله وخلنا نتعلم معاه
السهم هذا مسوي ترند لاين نازل منذ فتره وتمت عمليه كسر لهذا الترند في تاريخ الاول من مايو عند سعر 24.10 تقريبا
نقوم بحساب طول الترند لاين النازل من فوق من عند تقريبا 31.6 كما وضحتها بالرسم بالخطين الاحمر ( اعلى الترند والخط الثاني اسفل الترند )
طول الترند = 31.6 -24.10
= 7.5$
لحساب الهدف لهذا السهم
طول الترند مقسوم على 2 يعني 50% من طول الترند

7.5 تقسيم 2 = 3.75
اذن الهدف = 3.75+ 24.10 (منطقه كسر الترند) = 27.85 $ تقريبا

مده الاهداف تتحدد كالتالي حسب الفريم الي تشتغل عليه
1- اذا كان weekly الهدف مده تكون من شهر الى ست شهور
2- اذا كان daily من اسبوع الى شهر
3- 60 دقيقه من يوم الى خمس ايام
4 - 30 دقيقه من يوم الى اربه ( ما افرقت )

وبما ان الرسم الي انا وضعته لك على الديلي يعني المفروض يكون هدفنا موجود الاسبوع القادم تقريبا

طبعا هذي النظريات لاتصدق 100% ولكن وضعت بعد دراسات كثيره وتحقيق نجاحات
خلنا نتابعها هالاسبوع وانتعلم منها مو خسرانين شي

واذا انا مخربط في شي يا اخوان صلحولي ترى مرات اضيع

اتمنى لك التوفيق يا بوفهد وباقي الاخوان

[kuwaitstar]

ضيف معاه هذا يا بوفهد

ماعليه بكثر عليك الواجب هههههههه المتابعه حلوة وما تخسر شي

[ابو فهد]

kuwaitstar

السلام عليكم

تحياتى

طرح النظريات ومتابعتها ومناقشتها افضل بكثير من التوصيه الجاهزه

معرفه صيد السمك افضل من استلامه جاهز

من خلال قرائتى ومعرفتى المحدوده ومتابعتىللنظريات اكاد اجزم ان افضل نموذج هو كسر الترند

مثال تم كسر الترند وحقق الهدف اللى قلت عنه اخى العزيز

[ابو فهد]

بناء على ماتفضلت به اخى الكريم

سهم كسر الترند مع فوليوم جيد

واخترق متوسط الخمسين

اخر شمعه دوجى اى لابد انتظار الشمعه اللى بعدها

ثم السهم يمر بتماسك كسر التماسك الى فوق معناه الهدف اللى انت حددته

وجهة نظر واجتهاد شخصى احاول من خلاله التعلم بالمناقشه مع احد اصحاب الخبره

اكرر شكرى لك اخى العزيز ولى رجاء ان تكثر من هالموضوعات وانا احاول البحث عن اسهم نموذج كسر الترند لتنابعها لان بالممارسه تتم التعلم بشكل افضل

[ابو فهد]

اسف نسيت ارفاق الشارت

[kuwaitstar]

ماشاء الله يابوفهد للحين ماشين بالطريج الصحيح
يلا خلنا نستفيد ... اتمنا انك متابعهم معاي

[kuwaitstar]

ماشاء الله شوف يابوفهد سهمنا جاب الهدف الاول وازياده الا حد الان وانشاء الله يروح للثاني

[saif1743]

تستاهلون كل خير .... الف مبروك يا بو ابراهيم يا بو فهد

[kuwaitstar]

هلا بوعلي حياك الله ومن طول الغيبات جاب الغنايم

شوف يا بوفهد الحمدلله سهمنا الاول جاب الهدف الاول وازياده وانشاء الله يروح للهدف الثاني

[ابو فهد]

kuwaitstar


عينى عليك يازعيم

بانتظار الصيد القادم

[kuwaitstar]

للحين يا بوفهد احنا بالمشوار
وما عطونا السهمين للنحشه

[kuwaitstar]

الحمدلله الاسهم اثبتو انهم سوينج محترم .. بس وين الي يمسك السهم

[saif1743]

الف مبروك لكم .. و الله تستاهلون كل خير ....
حتى لو لم يتمسك احد بالسهم .. و لكن يكفي ان تحليلكم سليم و راح اكيد يوم من الأيام راح ياخذ فيه شخص يتداول بالأسهم .. لأنه يعتبر درس مجاني حلو .....

عساكم على القوة

[عياد]

مبروك عليك السهم يابوابراهيم فعلا مافي احلى من اسهم السوينق مريحة وجميلة جدا المهم تاخذها صح وانت ماشاء الله عيني عليك باردة لقطتهم صح الف مبروك

[kuwaitstar]

الله يبارك فيك يا عياد ...الاسهم مثل الزواج لاتزم تختار صح