خطوات فتح حساب فى البورصة المصريه
1- تحضر رقم قومى فى حالة كنت فوق 16 سنه
2- فى حالة كنت أقل من ذلك تحضر شهادة الميلاد و الرقم القومى لوالدك معك
3-تذهب لشركه سمسره و هما نوعين أحدهما يسمح بالتعامل عن طريق النت و الأخر يتم تنفيذ الأوامر عن طريق التليفون أو تكون فى الشركه و تبلغ الأمر شفوى و كتابه ( أستشير الأخوه قبل فتح حساب بأى شركه و إن كانت غالبية الشركات فى مصر إن لم يكن كلها حاليا محترمه بس برده اللى يسأل ميتوهش)
4- بعد اما تختار الشركه تذهب لها و تقولها أنا عايز أتكود و أفتح حساب معكم
5- هيطلعلك عقد أستنطبه أمضى عليه و هيقولك الكود هياخد كام يوم لكى يتم إصداره
6- هذا الكود عباره عن رقم زى الرقم القومى كده بس رقمك فى البورصه
7- بعد اما الكود يصل لك ستقوم بإيداع الملبغ التى تريد ان تستثمر به فى البورصه بحساب الشركه
8- تأخذ قسيمة الإيداع و تذهب للشركه و تعطيهم صوره منها علشان يشحنوا رصيدك أو تبعتهالهم فاكس أو ميل و أحتفظ بالأصل فى ملف عندك
9- خلاص كده أنت جاهز تشترى أسهم
10- و الأسهم نوعان نوع ممكن تشتريهو تبيعه فى نفس اليوم ( و لكن يوجد حد أقصى فى عدد الأسهم التى تريد بيعها فى نفس اليوم و يوجد جدول لذلك و متاح للجميع و نوع آخر لا تستطيع بايعه إلا بعد مرور ثانى يوم
يعنى أشتريت سهم الأحد لن تستطيع بيعه إلا الثلاثاء أو أى يوم يليه براحتك
11- و لا توجد أى عمولات أو فوائد أو ضرائب على الإحتفاظ بالأسهم حتى لو العمر كله
12- يوجد نظام فى شركه مصر المقاصه يتيح لك أنك تدفع أشتراك سنوى تقريبا 150 جنيه مش متذكر و و يبعتولك SMS على الموبايل بعد تنفيذ أى عمليه تتم على حسابك و كمان تقدر تخش على النت من خلال هذا النظام تشوف أسهمك حاليا كام سهم و بكام و سعرهم السوقى كام
13- أما تشترى سهم طبعا الشركه بتحصل منك عمولات أقصاها 6 فى الألف و كلما زادت حجم أموالك تقوم الشركه بتخفيض العموله ..و إن كانت فى شركه عربيه أون لاين أقصى عموله 3 فى الألف ( يعنى 3 جنيه على كل ألف جنيه يتم عمل بها أوردرات)
و يوجد حد أدنى للعمولات فى شركات عامله 60 جنيه و شركات 10 جنيه و كده حسب الشركه و شركه عربيه أون لاين عامله 10 جنيه
يعنى لو عملت أوردر ب 100 جنيه مثلا هتلاقى أى شركه خصمت منك الحد الادنى للعموله
أتمنى أن أكون وضحت لك الصوره مكن حيث طريقة فتح الحساب و أسلم الرايه لغيرى
آه نسيت من يزه البورصه المصريه أن كل الجنسيات متاح لها العمل بها بدون أى شروط بإستثناء شراء أسهم الشركات الموجوده بسيناء فمقصوره على المصريين فقط و على العموم هى قليله جدا جدا و مش هتفرق معاك