السلام عليكم و رحمة الله وبركاته
ده أول تشارت لليورو دولار على فريم الساعة :
https://forum.arabictrader.com/attac...1&d=1209138418
1- مبدئياً أنا درست التحليل الفني و الكلاسيكي : الإتجاهات و الدعوم و المقاومات و النماذج و المخططات و طبعاً الشموع اليابانيه أهمهم ، و نسب فيبوناتشي و بعض المؤشرات ، و هدرس موجات إليوت إن شاء الله " بس كل شوية بقرأ من مكان علشان أحاول أثبت المعلومه أكثر و أقرأ أفكار جديده لإقتناعي التام بأني مازلت مبتدىء ...
ماشاء الله عليك انت كده أستاذ مش مبتدىء عموما ربنا يوفقك وأستمر العلم الشىء الوحيد اللى مهما أخدنا منه لا نكتفى أبدا دايما اتعلم كل شىء جديد تعثر عليه وحاول دايما تستخرج منه شىء يفيدك فى تجارتك لان بطبيعة الحال كلنا فى السوق هنا عشان نكسب مش عشان نجمع معلومات الا لو انت ناوى تاخد شهادات وكده ده بيبقى موضوع تانى وعلى فكرة انا ذيك كمان حاليا بدرس موجات اليوت هى شريرة وصعبة شوية لكن مهمه جدا :0031:
2- هل التشارات المرفق الكلام الموجود فيه صح ؟ ولا دي تخاريف :0023:
الشارت ولا أروع طبعا ترند هابط جميل ومتفقة معاك فى الهدف الاول بالنسبة لنقطة المقاومة
وفى نقطه طالما احنا بقى عندنا ترند هابط جديد ليه منرسمش عليه خطوط فيبوناتشى جديدة خاصة بيه بدل من ان نعتمد على الفيبوناتشى القديم للموجة الصاعده ؟
ارفقتلك شارت عليه فيبوناتشى جديد خاص بالموجة الهابطة وشوف المقاومة اللى حددناها واتفنقا عليها قريبة جدا من فيبو 38 وده يأكد مدى قوة المنطقة لان زى مانت عارف المقاومات والدعوم الافضل مانعتمدش على نقطة بعينها بل منطقة قد تزيد او تقل ببعض النقاط :0031:
---------------------------------------------
3- بالنسبه لموضوع إني مبتدىء ده ليه مزايا و عيوبه أكثر ، أرجو التعليق علي العيوب و كيفية التغلب عليها ...
بالنسبه للمزايا : ميزه واحده فقط إنه كلما إعتقدت أنك مازلت تلميذ فلن تتوقف عن التعلُم و بالتالي التمُيز و الإحتراف في المجال " وهذه قاعده عامه عِندي ".
بالنسبه بقى للعيوب إللي أرجو التعليق عليها و كيفية التغلب عليها "وخصوصاً في هذا المجال العيوب قاتله" :no3: :
إقتناعي بأني ما زلت مبتدىء برغم إني كذا مره أحلل أساسي مع فني ، أو فني فقط و يطلع تحليلي صح و ساعات غلط بس في الأغلب صح ده بيخليني كمبتدىء :
أ- غير واثق في إتخاذ القرار سواء شراء أو بيع .
ب- في حالة إتخاذ القرار لو السعر تحرك في صالحي لـ 10 نقط مع إني كنت محدد هدف 50 نقطه مثلاً أخرج من الصفقه سريعاً بسرعة ، نتيجه للخوف من الخساره .
ج- أرى الكثير من المواضيع لمناقشة زوج مُعين و أبقى عايز أشارك و أحياناً أكتب رأيي بعد كده أمسحُه بسبب إنه ممكن يكون رأيي خاطىء و واحد يأخذ بيه...
كل العيوب اللى انت شايفها ده طبيعية جدا وحصلت وبتحصل وهتفضل تحصل مع أى مجال جديد ندخله مش الفوريكس بس طبيعى مجال جديد بتنقصنا فيه الخبرة والممارسة هيكون فيه شىء من الرهبة فى تصرفاتنا وحكمنا على الاشياء وعلاج العيوب ده انك تستمر وتثق فى رايك طالما واثق انك عملت اللى عليك واول خطوة انصحك بيها ...
عندك شركة افكسول حسابها التجريبى مدته شهر افتح حساب جديد وليكن يوم 1 فى الشهر وابدا حلل السوق وادخل الصفقات بناءا على تحليلك والتزم كأنه حسابك الحقيقى ولما هتلاقى نفسك تحليلاتك بتنجح والحساب بيكبر هتلاقى نفسك ثقتك كمان بتكبر مش بس الحساب التجريبى وأهم شىء متهتمش بتحلليلات تانية متدخلش تقرى تحليلات وتقول لا الناس هتدخل عكسى يبقى انا غلط ... طيب ليه ميكونش هما اللى غلط وانت الصح؟ ليه؟
لان الشارت بشكل عام بيكون وجهات نظر وخليك متأكد نفس المكان اللى انت شوفته وقولت ده هبيع منه واحد تانى حلل ونتيجته طلعت هيشترى منه هو متاكد وانت متأكد الاختلاف هو وجهات النظر وعشان تثق فى نفسك لازم تحاول وتحلل وماتيأسش ابدا ... انا مريت بالظبط باللى بتقول عليه ده كنت بخاف انزل تحليلى عشان محدش يضحك عليا او حد يعلق تعليق يجرحنى لانى مش فاهمه بس مع الوقت لما بدأت احلل والاقى نفسى صح واساتذة كبار بيأيدونى فى رايى بدأت اثق فى نفسى وواحده واحده بقيت احسن وبحاول دايما اكون احسن نصيحتى ليك دايما اشتغل على نفسك وحاول وشارك على قد ماتقدر واقرى تحليلات الناس وشوف كل واحد بيفكر ازاى بس فى النهاية تاخد بفكرك انت واقتناعك انت ودايما دخولك على صفقاتك تكون انت فاهم داخل ليه ولو السعر راح هنا يبقى ناوى على ايه تبقى انت المسيطر على الصفقة مش العكس ...
------------------------------------
و جزاكِ الله خيراً أخت رونا على هذا الموضوع لإن فعلاً أغلب المواضيع هنا شرح يا إما ورش عمل و نادراً ما نجد موضوع للتطبيق للمبتدئين ...
و إنتظري مِني تشارتات آخرى بأمر الله ( >>> ماصدق :AA:)...
جزانا الله واياكم ان شاء الله ويارب أقدر افيد بمعولمة عندى ده شىء يسعدنى جدا والله ومنتظرة منك شارتات نتناقش فيها سوا وصححلى لو لاقتينى غلطانه :0031:
إحترامي و تقديري ..