يسعد صباحك ياوطن كل الأوقـات
ويسعد مساء رمز الوطن بأمسياتـه
اليوم هـذا يـوم عـز ومسـرات
يوم الوطن فيه أجتمع مـن شتاتـه
اليـوم للذكـرى علـوم وعلامـات
مجـدٍ يسجـل حاضـره ذكرياتـه
فيه أرتفع في عالي الأفـق رايـات
شعبٍ توحد وانتصـر فـي ثباتـه
خلّـد لذكـراه العزيـزه حكايـات
وسجـل لـه التاريـخ بمجلـداتـه
يا أبناء الوطن لاتسمعون الخرافات
من فاسـقٍ محـدٍ يسـوي اسواتـه
لاتصدقون من الحقـود الاشاعـات
بعض الحديث يجر فـي محدثاتـه
ومن قام يفعل في بلدنـا انفجـارات
تبـت يدينـه مايحـقـق منـاتـه
له ساعةٍ يندم علـى كـل مافـات
إمـا يحاسـب حـي وإلا ابمماتـه
قولوا معي لا 0 للحيل والدعايـات
ولا 0 للخبيث اللي دفـع مغرياتـه
وقولوا نعم في عزم وأيمان وأثبـات
مانسمـع الواشـي مـروج وشاتـه
الصـف واحـد والعزايـم قويـات
عاش الوطن محروس بأربع جهاته
وعاش المليك اللي له الطيب عادات
عبدالله اللي طاب من طيـب ذاتـه
هو فزعة الشعب السعودي بالازمات
هو فرحته هو فزعته هـو غناتـه
دون الوطن مثل الحصون المنيعات
مضفي على الشعب السعودي عباته
ولايهون سلطان الوفاء طيب الـذات
سيفٍ على خصمه عطيبـه اهواتـه
وادعو معي بفروض خمس الصلوات
دعوة صدوقٍ قام واخـرج زكاتـه
يغفر لشيخٍ مات والطيـب مامـات
يبقـى وتبقـى للـوطـن بينـاتـه
قاد المسيـره مايهـاب الصعيبـات
يـوم أن كـلٍ مهتنـي فـي مباتـه
عبدالعزيز اللي على كور عجـلات
ضحـى بروحـه ماتغـالا حياتـه
للحسـن حسناتـه وللسـئ سيـات
ناره لهبهـا يشتعـل فـي اعداتـه
حتى تعالت في سماء نجد الاصوات
في ذكر الاإلـه الكريـم وصفاتـه
وفي شكر أبو تركي وجمعه للاشتات
شعبٍ طواحيـن الزمـن طاحناتـه
ويوم اصبحت واحة محبه وخيـرات
أذن مؤذنهـا وأقــام للصـلاتـه
والحمـد للمعبـود رب السـمـوات
اللي حفظ يوسـف وحقـق براتـه
نسأله بأسمـاه الجـزال العظيمـات
يحفـظ وطنـا ثـم يحفـظ ولاتـه
تحياتي 00 جمعان الرشيدي
