▓▒░ركوب الامواج .. في بحر المجنون█▓░

اسعد الله اوقاتكم بالخيرات والمسرات

الاخ العزيز والاستاذ القدير third wave تحية وتقدير

لقد اغلقنا عند مستويات 206.70 بعد ملامسة مستويات 205.95

الا تعتقد انه قد نرى حالة تذبذب افقي للفترة القادمة بين مستويات 205 قاع 7 فبراير ومستويات قمم 213 نقطة خلال الفترة القادمة كسينايو بديل عن استمرار الاتجاه الهابط

اتمنى ان ارى تحديث لموضوعك القيم ورؤيتك الفنية وهل لا تزال تعتقد باننا متجهين جنوبا دون 204


لان كسر هذه المستويات سوف يعني انخفاضات قياسية جديدة وحادة لدولار اندكس دون مستويات 73 و 72 وربما 70 خصوصا انه في اتجاه هابط الان لاكثر من 6 سنوات الامر الذي يعني ارتفاعات جديدة وقياسية لليورو فوق 1.55 وارتفاع الاسترليني لاستقرار فوق 2.0500 الامر الذي لايعكس الحالة الاقتصادية الحقيقية التي يمر بها الاقتصاد البريطاني او الاوربي

والسؤال الذي يدور في ذهني هل الاقتصاد الاوربي والبريطاني في وضع افضل بكثير وقوة هو دون شك افضل ولكنه ايضا يعاني من صداع ارتفاع سعر العملة الاوربية علاوة على موجات المشاكل الاقتصادية القادمة عبر الاطلسي


من خلال مراقبتي ومتابعتي للاسواق عادة ماتعمل الاسواق على صنع قيعان قذرة قبل ان تعلن عن انتهاء تصحيحها السعري فهل يمكن ان نرى قاع قذر يتشكل عند مستويات 205 - 204 وتنتهي الموجة 5 من C ونبداء رالي صعود مدفوع بعمليات الكاري تريد وتشكيل A B C جديده بالتذبذب لمستويات 213 ثم العودة بالاتجاه شمالا بعكس مايدور من حديث عن مستويات دون 200 و 185

الامر الذي يعني ايضا تشكل قمم قذرة لليورو عند مستويات 1.52 - 1.53 والباوند عند اجواء 2.00 - 2.02


نقطة ثانية هامة في فهم عقلية الاقتصاديين اليابانيين وهو انخفاض الين يدعم تصدير السلع وبتالي زيادة قوة الاقتصاد والانتاج الصناعي وانخفاض البطالة وارتفاع الدخول وارتفاع الانفاق والعكس صحيح


وبتالي وصول USDJPY لمستويات 104 - 101 هو دائما مصدر قلق للاقتصاد الياباني نتيجة قوة الين الذي لاتريده العقليات الاقتصادية في السيطرة على اسواق الاستهلاكية حول العالم خصوصا اذا اخذنا بعين الاعتبار ان خصوصية الاقتصاد الياباني قائم على تصدير السلع والانتاج الصناعي وعبر رحلة سنوات 12 الاخيرة حافظ على هذه المستويات وكنا دائما نرى عودة للاستقرار فوق مستويات 110 نقطة

في نهاية الامر اعتقد ان الاقتصاد الياباني لن يسمح ب ين قوي دون مستويات 100 ويرحب ب ين ضعيف او مستقر بين 110 - 115 خصواصا في ظل تربص جاره وعدوه اللدود تاريخيا وصناعيا الصين


اتمنى ان اسمع وجهات نظر الاخوان


مع فائق تحياتي وتقدير للجميع :eh_s(7):

ابتدأ الأسبوع أخي الكريم وبإنتظار تحليلك :)

ووصل 204 بالسلامة


تحياتي لك

بسم الله الرحمن الرحيم

وإن عاد عدنا ... لم يضايقني ان اجد الموضوع في الصفحه الاربعين :0023: .. نهائي يعني ..
عموما اشكر كل الاخوه اللي راسلوني علي الخاص وطلبوا عوده الموضوع .. رغم عدم التجاوب
مش حطول عليكم .. واتمني يكون معظم الاخوة حققوا ارباح جيده من التحليلات التي مضت وبمناسبه العوده عندنا تحليل جميل ممكن نكسب من وراه في حدود 900 نقطه كمان ربنا يسهل ..

واحب ان اوضح اني ابتعد قليلا اثناء الموجات التصحيحيه .. ونعود بإذن الله في الموجات الدافعه
يعني علشان الناس متزهقش ..
توكلنا علي الله

---------------------------

تحديث التحليل

- كنا قد تشاركنا الرأي فيما مضي وعلشان ننعش الذاكره ونعرف احنا بدأنا من فين ومحدش يقول عن نفسه ضعيف في اليوت .. فالموضوع تعليمي ايضا ..
كنا متفقين اننا في الموجه C الهابطه لمستويات اسفل 204.00 وتحقق ولله الحمد كما موضح بالشارت

http://img443.imageshack.us/img443/5...iotqk71xx3.gif

طيب وللتوضيح فالموجه C دي يا جماعه تتكون من خمس موجات كما موضح بالشارت علشان نعرف احنا فين اكتر ونركز احنا انهينا من الخمس موجات .. اربعه ونحن الان في الخامسه الدافعه لاسفل .. كما موضح بالشارت

http://img521.imageshack.us/img521/8...ilsgj71nz2.gif

وده نفس الترقيم لكن ببساطه اكثر والدائره المظلله هي الموجه الخامسه اللي ركزت عليها وحندخل داخلها اكثر علشان نعرف احنا وصلنا لحد فين معاها

http://img135.imageshack.us/img135/2272/gbpgpy1on1.gif

سنجد ان الموجه الخامسه بدأت تحديدا من 213.48 والموجه الخامسه ايضا تتكون من خمسه موجات واحنا في التحليل اللي فات نزلنا من مستويات 213.50 حتي اسفل 204.00 ودي كانت الاولي في الخامسه
ثم صعد قليلا الي مستويات 207.50 و 207.90 وهي الموجه الثانيه والتي لها اكثر من احتمال ولكن كل الاحتمالات تدعم الهبوط من مستويات 207.50 تقريبا الي ماشاء الله الا احتمال واحد ايضا يدعم الهبوط ولكن من مستويات اعلي قليلا اللي حيقول عليه حعزمه علي ساندوتشاااااااات شاورمه .... وبطلان الترقيم 208.02 :0023: مش كتير خمسين نقطه ستوب .. وسنري كما هو موضح بالشارت

http://img135.imageshack.us/img135/6540/gbpgpyjo5.gif

اخر شارت ارفقته هو احتمال من احتمالات تكوين التانيه وفي احتمال اخر انها A,B,C فقط وان التانيه انتهت من اساسه واننا في الاولي من الثالثه وحنصعد قليلا في التانيه من التالته الي مستويات 207.00 ثم الانزلاق الصاروخي وذلك السيناريو باردو معانا وبيقول طلوع بسيط ثم انهيار :0023: فمفيش مشكله

هو احتمال واحد بس يخلينا نهبط باردو لكن من مستويات 209.00 تقريبا ايه هو بقي ؟؟

اتمني اكون وفقت في نقل صورة واضحه ليكم واي استفسار انا تحت امركم

ربنا يكرمنا جميعا
تقبلوا ودي وتقديري

بارك الله فيك هيثم باشا
احنا روقنا لك الجو عشان محدش يعكنن عليك مزاجك اهو :0023:

ما شاء الله تحليل اكثر من مميز اخى وهتابعك ان شاء الله دائما
بالتوفيق

سلامات يا هيثم

ممكن علي فكره تبقي موجه فلات abc مش مثلثيه لان التانيه صعب شويه تيجي مثلثيه
وان كان الهبوط الي الان مش بقوه الموجه الثالثه المعهوده

بس لو كسر اللو 203.44 حيبقي بيع علي طول الي 199.50 باذن الله

بكره ان شاء الله حيبان الصيف من الشتا

تحياتي :asvc:

السلام عليكم ورحمة الله وبركاته
اتمنى تقبلوني معكم واشكرك على التحليل الرائع
اتمنى اعرف لو فيه توصيه سارية المفعول الان
واشكرك واشكر جميع الاعضاء

اقتباس:

---

المشاركة الأصلية كتبت بواسطة سمير صيام

بارك الله فيك هيثم باشا

احنا روقنا لك الجو عشان محدش يعكنن عليك مزاجك اهو :0023:

---

ربنا يخليك يا مشرفنا وده كان العشم :0023:

اقتباس:

---

المشاركة الأصلية كتبت بواسطة Mahmoud Osman

ما شاء الله تحليل اكثر من مميز اخى وهتابعك ان شاء الله دائما
بالتوفيق

---

تنور يا استاذ محمود وبالتوفيق للجميع ان شاء الله

اقتباس:

---

المشاركة الأصلية كتبت بواسطة حكيم سلماني

سلامات يا هيثم


ممكن علي فكره تبقي موجه فلات abc مش مثلثيه لان التانيه صعب شويه تيجي مثلثيه
وان كان الهبوط الي الان مش بقوه الموجه الثالثه المعهوده

بس لو كسر اللو 203.44 حيبقي بيع علي طول الي 199.50 باذن الله

بكره ان شاء الله حيبان الصيف من الشتا


تحياتي :asvc:

---

الله يسلمك يا حكيم باشا .. والله انا قلت انها مكن تكون abc وقلت انها حتي لو مثلثيه النتيجه تعتبر واحده الهبوط الرهيب :0023: .. وبالطبع هو الهبوط مش بقوة التالته المعهوده لكن .. لب الام يا حكيم بيقولي اننا ممكن نكون بدأنا في التالته عموما انا كنت بايع من 207.10 :012: ومش خارج وحالف عليه يمين طلاق ما خارج الا عند 200.00 :AA::AA::AA: مش كل مره بقي يجري مني هباء :0023: المره اللي فاتت مأكلتش علي قفاه عيش كويس كلهم 400 نقطه :0010: بس يالا خير وملحوقه المره دي :0023::0023::0023: وطبعا يا باشا مش محتاجه كلام لو كسر اللو يبقي باي باي وقابل عند 199.50 مبدئيا

نورت يا ابو ملك وربنا نورت

وانا ارد عليك يا حكيم المجنون اترقع 100 نقطه وشكله رايح يكسر اللو .. وشكلها التالته والناس طبعا نايمه لان الساعه 5 ونصف صباحا بتوقيت القاهره يعني اللي داخل بيع وراح صلي الفجر حيرجع يلاقي ربنا كرمه من وسع

واللي نايم بقي وداخل شراء حيصحي الصبح علي شاشه حمراااااااااااااا

وربنا يرزق الجميع


يا جماعه واضح من كل التحليلات ان الاتجاه هبوتــــــــــــــــــــــــــــ هبوتـــــــــــــــــــــ

اقتباس:

---

وانا ارد عليك يا حكيم المجنون اترقع 100 نقطه وشكله رايح يكسر اللو .. وشكلها التالته والناس طبعا نايمه لان الساعه 5 ونصف صباحا بتوقيت القاهره يعني اللي داخل بيع وراح صلي الفجر حيرجع يلاقي ربنا كرمه من وسع

واللي نايم بقي وداخل شراء حيصحي الصبح علي شاشه حمراااااااااااااا

وربنا يرزق الجميع


يا جماعه واضح من كل التحليلات ان الاتجاه هبوتــــــــــــــــــــــــــــ هبوتـــــــــــــــــــــ

---

يا سلام انا نظرتى متخيبش وقلت انك مميز :015:

الحمد لله على الـ90 نقطه وهو ده المجنون ولا بلاش :AA: :AA:

بص يا حكيم السعر دلوقتي 203.90 والله وارد باردو تكون مثلثيه(راجع اخر شارت في اخر تحديث للتحليل ) لو بداء الصعود من هنا يبقي لوز ومستنيه تاني من فوق وحرزعه وحدخل شورت بالحساب كله هههههههههههههههههههه

اما لو كسر اللو باردو حدخل شورت تاني وحدعم المركز الاول

هبوتـــــــــــــــــــ هبوتــــــــــــــــــــ حتي لو حصل صعود ..

جميل بيت الشعر ده :AA:

اقتباس:

---

المشاركة الأصلية كتبت بواسطة third wave

وانا ارد عليك يا حكيم المجنون اترقع 100 نقطه وشكله رايح يكسر اللو .. وشكلها التالته والناس طبعا نايمه لان الساعه 5 ونصف صباحا بتوقيت القاهره يعني اللي داخل بيع وراح صلي الفجر حيرجع يلاقي ربنا كرمه من وسع

واللي نايم بقي وداخل شراء حيصحي الصبح علي شاشه حمراااااااااااااا

وربنا يرزق الجميع

يا جماعه واضح من كل التحليلات ان الاتجاه هبوتــــــــــــــــــــــــــــ هبوتـــــــــــــــــــــ

---

ما شاء الله عليك
:015::015::015:
ايوه كده اتحفنا بتحليلاتك ونلاقى الورشه فى الصفحه الاولى دايما باذن الله

بس لى استفسار بسيط
مش المفروض ان الموجه التانيه التصحيحيه تبقى من النوع الحاد sharp وتعمل على الاقل تصحيح بنسبه 61.8 من الموجه 1 ولا مش شرط اساسى .

وبعدين الموجه التالته يتاكد حدوثها بكسر اللو للموجه 1

اخر حاجه وسامحنى لكثره اسئلتى بالنسبه للموجه 1 من الموجه 5 من c هل حدث بها امتداد ام لا

واشكرك جزيل الشكر للعوده مره اخرى