انواع المضاربين

[HaniMedia]

اذا استطعت ان تكون سكالبر و كوليكتور و اناليزر و سوينجر وقتها فقط سمى نفسك ترايدر
من الجملة السابقة يتضح لنا ان المضاربين 4 انواع رئيسية
1.Sculper: و قد اصطلح على انه المضارب عكس التريند او معه باهداف لا تزيد عن 15 نقطة
2.Collector: و هو المضارب الذى يتنقل بين كل العملات دون تخصص بحثا عن نقاط قوية للدخول ولكن مع التريند العام
3.Analyzer: و هو الشخص الذى يقوم بتحليل اى زوج بداية من الفريمات الاكبر مرورا بالاصغر لتوضيح رؤية عامة عن حركة الزوج لمدى طويل و لكن دون الدخول فى صفقات
4.Swinger: و هو المضارب الذى يتخصص فى زوج او اثنين على الاكثر و اختيار نقاط دخول تسمح بارباح لا تقل عن 150 نقطة لكل صفقة

Trader: هو الشخص الذى يستطيع فعل كل ما سبق بكفاءة تزيد عن ال80% لكل تخصص

و اعلم اخى المضارب ان اتقانك لجانب واحد فقط مما سبق بكفاءة تزيد عن 75% يضمن لك ارباح جيدة بعون الله و ليس من الضرورى اتقانك للكل فلم يخلق الله كل الناس ليكونوا ترايدر و تحديدك لاهدافك من الصفقات يتم بناء على مقدار ما اكتسبت من علم فى هذا المجال و ظروفك الشخصية و اوقات متابعتك لحركة السوق و هذا هو ما يجعل منك مضارب ناجح باذن الله

[الصاعقة]

تشكر على هذا الموضوع الرائع
واتمنى لك التوفيق في الدارين.
مشكور

[سمير صيام]

:

اذا استطعت ان تكون سكالبر و كوليكتور و اناليزر و سوينجر وقتها فقط سمى نفسك ترايدر

2.Collector: و هو المضارب الذى يتنقل بين كل العملات دون تخصص بحثا عن نقاط قوية للدخول ولكن مع التريند العام

ماذا يسمى اللى بيعمل كده لكن مع الاتجاه العام والمخالف للعام

3.Analyzer: و هو الشخص الذى يقوم بتحليل اى زوج بداية من الفريمات الاكبر مرورا بالاصغر لتوضيح رؤية عامة عن حركة الزوج لمدى طويل و لكن دون الدخول فى صفقات

ماذا يسمى اللى بيعمل كده لكن بيدخل صفقات

4.Swinger: و هو المضارب الذى يتخصص فى زوج او اثنين على الاكثر و اختيار نقاط دخول تسمح بارباح لا تقل عن 150 نقطة لكل صفقة

ماذا يسمى اللى بيعمل كده لكن مع اكل الازواج

منتظر اجابتك على ملاحظاتى اعلاه

[HaniMedia]

تشكر على هذا الموضوع الرائع
واتمنى لك التوفيق في الدارين.
مشكور

شكرا اخى الكريم على مرورك

[HaniMedia]

منتظر اجابتك على ملاحظاتى اعلاه

.Collector: و هو المضارب الذى يتنقل بين كل العملات دون تخصص بحثا عن نقاط قوية للدخول ولكن مع التريند العام

ماذا يسمى اللى بيعمل كده لكن مع الاتجاه العام والمخالف للعام
يسمى مضارب طبعا

Analyzer: و هو الشخص الذى يقوم بتحليل اى زوج بداية من الفريمات الاكبر مرورا بالاصغر لتوضيح رؤية عامة عن حركة الزوج لمدى طويل و لكن دون الدخول فى صفقات

ماذا يسمى اللى بيعمل كده لكن بيدخل صفقات
يسمى مضارب
.Swinger: و هو المضارب الذى يتخصص فى زوج او اثنين على الاكثر و اختيار نقاط دخول تسمح بارباح لا تقل عن 150 نقطة لكل صفقة

ماذا يسمى اللى بيعمل كده لكن مع اكل الازواج
يسمى مضارب برضه

اخى الكريم
انت فى السوق و تعلم ان اى شىء ممكن مع هذا السوق يعنى
ممكن تدخل على كل الازواج او بعضهم او حتى زوج واحد بس
ممكن تدخل ب 10% او بنص الحساب او ب 80% منه
ممكن تشتغل بليل او الصبح او طول اليوم
كل شىء متاح فى هذا السوق و فى طرق بتخسر ناس و فى نفس الوقت بتكسب ناس تانية الحكمة دايما انت ايه المناسب معاك
اما عن التصنيف دة فهو من وجهة نظرى الشخصية و اللى لاحظتوا ان كل مضارب (محترف طبعا) له تيمة معينة هى الغالبة عليه فى التريد ممكن ينميها لو هو عايز و ممكن يتجاهلها و يكمل باسلوب الالتقاط من الكل و طبعا هو كدة ولا كدة هيكسب برضه لكن كام و اد ايه هو دة الفيصل
دة كان الغرض من الموضوع و ارجوا ان اكون قد فهمت سؤالك صح
تقبل ودى

[:: EslaM IbraheM ::]

كل الطرق تؤدي الى روما في النهايه

نتقابل هناك يا هاني

[HaniMedia]

كل الطرق تؤدي الى روما في النهايه

نتقابل هناك يا هاني

اسلام باشا
والله العظيم واحشنى مووووووت
بس كل الطرق تؤدى الى ماركتيفا بقى ايه اللى هيودينا روما

[محمود علي]

الا ايه راي حضرتك يا استاذ هاني في شركة ماركتيفيا دي
ناس قالتلي كلام مش حلو
وناس قالتلي كلام حلو
وانا بصراحة عاوز قول فصل فيها
وشكرا

[محمود علي]

في انتظار ردك يا استاذ هاني
ولكم جزيل الشكر

[HaniMedia]

الا ايه راي حضرتك يا استاذ هاني في شركة ماركتيفيا دي
ناس قالتلي كلام مش حلو
وناس قالتلي كلام حلو
وانا بصراحة عاوز قول فصل فيها
وشكرا

السلام عليكم اخى الكريم
الميزة الاهم فى ماركتيفا انك ممكن تشتغل بقيمة نقطة 1 سنت بس يعنى لو معاك 10 دولار هتعرف تشتغل بيهم
طبعا ما تستناش تعمل منهم مليون لكن التدريب على الحقيقى اهم بكثير من الديمو اللى انا اساسا مش مقتنع به
غير التدريب اى حد عايز يدخل المجال ة باقل من 250 دولار مالوش الا هى عشان قيمة النقطة
اما اكثر من كدة قدامك شركات كثيرة زى افكسول مثلا الحسابات الميكرو الحد الادنى 250 دولار و قيمة النقطة 10 سنت على ما اعتقد
طبعا زى ما قولتلك دى الميزة الاكبر فى ماركتيفا غير كدة عمرها ما سرقت حد طبعا
من عيوبها طبعا عدم وجود برنامج للرسم البيانى عليها
اختار انت بقى عايز تشتغل مع مين

[نهر البارد]

شكرا عالموضوع الحلو يا هاني

[محمود علي]

شكرا على ردك يا استاذ هاني
جزاك الله كل خير

[الجاويش]

دكتور/ هاني .....بارك الله فيك ....دائما مبدع

ما رأيك في جو السوق اليومين دول نسميه اه

تسجيل اعجاب بشخصكم الكريم

[HaniMedia]

دكتور/ هاني .....بارك الله فيك ....دائما مبدع

ما رأيك في جو السوق اليومين دول نسميه اه

تسجيل اعجاب بشخصكم الكريم

اخى الكريم
الاعجاب ان لم يكن منى لمواضيعك الهادفة فعلى الدنيا السلام
عموما شكرا جدا على كل كلامك الرقيق
بالنسبة للسوق اليومين دول فانا عن نفسى اراه واضحا منذ 3 اسابيع تقريبا و ربما كان هذا واضحا فى مواضيعى
و بصفة عامة فالسوق سيظل دائما كما هو واضحا لاشخاص و مبهما لاخرين (و هم الشريحة الاكبر طبعا)
يوم تكسب انت و يوم اخسر انا و هذا هو قانون الحياه الازلى الذى يجب ان يقتنع به كل مقبل على مجال صعب مثل الفوركس
سهلا ان تربح منه و لكن فى غاية الصعوبة ان تحترفه
فى انتظار مواضيعك الشيقة
شكرا جزيلا.........