Printable View
اللى بيسأل على بايونيير
بايونييرز ممكن تجيب 40ج وممكن تجيب 15ج
إحسب المخاطرة وتحملك لها وأنت حر
باينيير بتبعت رسالة خفية لعملاء هيرمس بتقول فيها
عملائنا بنكسبهم حتى والسوق واقع
عشان تجتذب عملاء هيرمس
بس لما السوق يتعدل سهم بايونيير أول سهم هاييجى الأرض
ما شاء الله
بجد مجهود جميل جدا
وروح عاليه
اقتباس:
المشاركة الأصلية كتبت بواسطة ابو عمرو 888
استاذ ابو عمرو اسمحلي اختلف شوية في كلام المحلل دا وهو اسمه عبد الرحمن لبيب وانا كنت متابع الحلقة وللاسف كلامة مضلل
اول نقطة هي ان من الصعب لشخص زي وزيك يبقي عندة بيانات فئات المستثمرين من سنه 2006 يعني الراجل يتكلم علي مزاجة ومن الاخر مش هقدر اكدبة لكن تحفظي هو علي ان الاجانب شارين ب28 مليار وحاليا 26 مليار وهنا التضليل لان مش من المنطقي الاجانب يجمعوا لمدة سنتين وميجنوش ارباح خصوصا بعد صعود المؤشر ل 12000 ودا معاناه ان كان في جني ارباح ووقتها منقدرش نقول ان لسه في تجميع لان التجميع لابد له من تصريف وبعدها دخول من مناطق جديدة او تغير مراكز او ما يسمي بتغير الورق ودا اللي بيحصل في اي سوق خصوصا لما يبقي ناشيء
اما موضوع ان الاجانب باعوا شوية ورجعوا اشتروا من 11500 فدا مستحيل حسب بيانات موقع البورصة اللي متسجلة عندي لان مجمل عمليات شهر 4 و 5 الاجانب بيع الشهر الوحيد اللي صافي شراء بعد الهوبط القوي شهر 6 وبنسبة ضئيلة جدا لا تتعدي ال 300 مليون والبيانات متوفرة عندي لو حد عايز يتاكد الصحيح انهم مش بس كانوا بايعين لا دا خرجوا بجزء من السوق خالص خصوصا بعد تقرير سيتي جروب السيء عن الاقتصاد المصري بعد القرارات المتخلفة وبعده تقرير كريدي سويس والتقرير الاخير بتاعت موديز والدليل علي كلامي حجم السيولة المتدنية جدا جدا
واما عن موضوع ان الاجانب شايفة ان السوق بتاعنا فيه لسه فرص فكلامك مظبوط لكن مش من الارقام الحالية لان ببساطة التضخم ارتفع لاعلي نسب من 19 سنه ولسه شهر رمضان جاي يعني لسه في ارتفاع تاني وبالتالي في ارتفاع تاني للفايدة اللي اصلا ارتفعت بنسبة 1.25 في شهرين فقط
وانا رأي الشخصي السوق بتاعنا دخل في ترند هابط خصوصا لو كسر 9400 واكد الكسر دا ولكن دا ميمنعش ان الناس تبدأ تكون محفظتها ولكن بأسهم منتقاة ماليا ويكون متوقع لها تحقيق ارباح في الربع التاني او عليها اخبار وربنا يسترها علينا جميعا
اقتباس:
المشاركة الأصلية كتبت بواسطة Peace4all
والله يا استاذى كلامك واقعى جدا ولو لاحظت فى او المشاركة قلت يجب التحقق من كلام هذا المحلل
اما بالنسبة لحالة السوق اوافقق الراى بان السيولة فية قلت بشكل ملحوظ .
اتمنى ان ينصلح الحال وما نشوفشى نزول اكثر من ذلك
شكرا لك على هذة المشاركة المفيدة
ده نظره اليوتيه لمؤشر البورصه المصريه واحده علي شارت الساعه والاخري علي شارت الدايلي والله اعلم
ماشاء الله
أنا مبسوط من تفاعلكم وحوارتكم
إحتمال تذاع اليوم الساعة 12 علىالقناة الثانية المصرية
تسوية مديونيات رامى لكح
لسه إحتمال لحد دلوقتى
منقوووووووووووول
إحالة 6 من كبار المتعاملين بالبورصة للنيابة بتهمة التلاعب في أسعار الأسهم.. أحدهم حقق أرباحا 175 مليون جنيه
المصري اليوم الاحد 6 يوليو 2008 11:36 م
علمت "المصري اليوم" أن الهيئة العامة لسوق المال قررت إحالة نحو 6 مستثمرين بالبورصة "من كبار المتعاملين بالسوق" إلى النيابة العامة للشؤون المالية والتجارية، للتحقيق في عمليات تلاعب على أسهم عدد من الشركات المتداولة بالبورصة.
كشفت مصادر مسئولة بسوق المال أن العملاء الستة تلاعبوا على أسهم شركة النيل لحليج الأقطان والنيل للكبريت والشرقية الوطنية للأمن الغذائي والوادي لتصدير الحاصلات وغيرها من الأسهم.
وحقق أحد المتلاعبين أرباحا بلغت نحو 175 مليون جنيه خلال أيام قليلة من شرائه كميات في أسهم النيل لحليج الأقطان والبيع بعد جلسات معدودة.
وشهدت أسهم تلك الشركات ارتفاعات قوية خلال الأيام القليلة الماضية ما بين 50% و300% وكان أبرزها سهم النيل لحليج الأقطان، الذي ارتفع إلى 45 جنيها في إحدى الجلسات مقابل 5 جنيهات منذ أشهر قليلة، وكذلك الشرقية للأمن الغذائي الذي ارتفع ارتفاعات غير مبررة منذ أوائل الشهر الماضي، وذلك مع إعلان الشركة عدم وجود أي أحداث جوهرية غير معلن عنها ليرتفع حتى جلسة 18 يونيو الماضي بمقدار 280.5%، محققا أعلى سعر في تاريخه، والبالغ 144.99 جنيه، وكذلك سهم النيل للكبريت الذي ارتفع بنحو 100% خلال 10 جلسات.
وأكدت المصادر أن إدارة الرقابة على التداول بالهيئة العامة لسوق المال بالتعاون مع عدد من الإدارة كشفت وجود تلاعبات من جانب هؤلاء المستثمرين، رافضة الكشف عن أسمائهم في الوقت الحالي، بحجة أن الموضوع محل تحقيقات النيابة.
وعلمت "المصري اليوم" أن من ضمن من المحالين للنيابة أعضاء بمجلس إدارة شركة النيل لحليج الأقطان.
من ناحية أخرى، أحالت إدارة البورصة ملفا بمخالفات الشركة المصرية للدواجن وتقريرا مفصلا بالتعاملات مع سهم الشركة للهيئة العامة لسوق المال للتحقيق في المخالفات التي ارتكبتها الشركة من تلاعبات على السهم وتلاعبات بالإفصاح، لافتين إلى أن البورصة فرضت أقصى عقوبة ممكن توقيعها على الشركة، وهي 10 آلاف جنيه.
وأكدت المصادر أن مخالفات الشركة تنطوي على تلاعبات في سعر السهم وتسريب أخبار وتلاعب أحد الأشخاص المرتبطين بأعضاء مجلس الإدارة في السهم والاستفادة من الأحداث الجوهرية غير المعلنة.
الحقوا يا جماعه شكل الضمير صحي ... وهتنور , قال يعني هما ماكانوش واخدين بالهم من التلاعبات غير دلوقت
كدة يبقي الكبار شبعوا وناويين يطلعوا السوق اللي دباحو الايام اللي فاتت
مجرد كبش فداء يا أبو عمر
مجرد كبش فداء
صباح الخير على الاخوة
كنت عايز اعرف ما هى مستهدفات لكح وهل اخرج منها وانتظر النزول واشترى مرة اخرى ولا ابقى على اسهمى لحين اشعار اخر
وشكرا
اقتباس:
المشاركة الأصلية كتبت بواسطة نور المصرى
استاذ نور ازيك
تفتكر يقدروا يعملوا كدة مع بيونير
لكح أول نقطه لو الموضوع أعلن 3ج وبعدها 10 ج على طولاقتباس:
المشاركة الأصلية كتبت بواسطة remo
عايز تخرج تخرج برأس مالك فقط على 3ج
وتسيب ربحك معاه يعمل ساعتها اللى يعمله
لأاقتباس:
المشاركة الأصلية كتبت بواسطة ابو عمرو 888
اللقاء مع محامى لكح تم تاجيلة لغدا ولكن تامر لمح ان عدلى ايوب هو الى حيوقع غدا عقد تسوية ديون رامى لكح مع بنك القاهرة
الاخوه الاعزاء تم تاجيل حوار برنامج البيت بيتك مع محامى رامى لكح الى مساء الغد نظرا لضيق وقت البرنامج اليوم وقد افاد تامر امين مذيع البرنامج انه سيتم توقيع تسوية لديون رامى لكح لبنك مصر غداوسيتم بثها بالصوت والصوره من خلال برنامج البيت بيتك غدا مساء ا .... هذا ما جاء الان فى برنامج البيت بيتك ...
... هو احتمال يكون صبور فعلا لان تامر امين قال ان اسمه فيه من الصبر والكنترول قالوله متقولش اسمه ...