توصيات وتحليلات على الطريقه الكلاسيكيه

بارك الله فيــــــك أخى أحمد سليمان على هذه التحليلات الرائعه

تحليل اليورو استرالي:

الترند العام : هابط
يواجه الزوج خط الترند على شارت الاربع ساعات وكذلك مستوى 1.6706 وباختراقهما على شارت الساعه سندخل بيع بهدف مستوى 1.6560 والاستوب 110 نقطه ..القاكم في نهايه اليوم..:wacko:

السلام عليكم
أخي الكريم أحمد
لم ألاحظ تحليلك إلا متأخر و لكن
الحمد لله دخلت في صفقتين
يورو ين +38 نقطة
باوند ين +42 نقطة

بارك الله فيك و جزاك خير الجزاء

ما شاء الله والله انا ما شفت تحليل منظم و دقيق و ملتزم بالدرجة دية
حضرتك لما يكون فى وقت فاضى تفضل بالاجابة ،، انا متابع معك


فى بس ملحوظة و هى يمكن مقصودة من حضرتك ام انها على حسب السوق ؟؟
ان دايما بيبقى الكسر بتاع الترند فى نفس المكان لكسر مستوى دعم او مقاومة معين مما يأكد الدخول ؟؟؟ هل هذا مقصود ان حضرتك بتطرح المواضع اللى مثل هذى كسر ترند و مستوى ؟؟

بالنسبة الى تحليل اليورو اسيرلينى ؟؟؟؟ الترند على اربع ساعات كان مكسورعلى الساعة لكن بارتداد
و على الاربع ساعات اخترقتة جسم الشموع ،،، هل هذا عادى ،، هو حضرتك بترسم الترند على الجسم ولا الذويل ولا صورة تقريبية ،، اصلة على الاربع مخترق بالذيول !!!

معلش انا بسأل كتير اصلى اول مرة اشوف تحليل كدة و الله العظيم ،، فى طبعا تحليل لاعضاء جميل ايضا حتى لا نظلم احد لكنة معقد للغايييييييية و غير مريح نفسيا :)
انما التحليل دة داخل دماغى اوى :)
و يا رب مكنتش كترت عليك يا اخى الكريم
و السلام عليكم و ربنا يوفقك

يسلمووووووووووووو يسلموووووووووووووو

اقتباس:

---

المشاركة الأصلية كتبت بواسطة star

بالنسبه للاسترالي دولار راس وكتفين مقلوبه تم كسر خط العنق ننتظرها حتى ينزل 30 نقطه وندخل عليه
بالتوفيق لك احمد

---

بالتوفيق لك 100 نقطه زي العسل ادعوك الى موضوع الكل
موضوع التحليل الكلاسيكي لكي نتبادل الفرص وكلنا يد وحده بالتوفيق لك

اقتباس:

---

المشاركة الأصلية كتبت بواسطة أحمد سليمان

تحليل الباوند دولا:

الترند العام: صاعد

يحاول السعر اختراق المستوى 1.9563 وكذلك خط الترند على شارت الساعه وباختراقه سوف ندخل شراء من سعر افتتاح الشمعه التي تلي شمعه الاختراق والهدف 100 نقطه مع تقريب الاستوب الى نقطه الدخول في حاله وصول السعر الى مستوى 1.9640 والاستوب لوز 85 نقطه

---

اغلقنا الصفقه بربح 140 نقطه ....الحمدلله

اقتباس:

---

المشاركة الأصلية كتبت بواسطة أحمد سليمان

تحليل الباوند ين :

اللترند العام : صاعد

يحاول الزوج اختراق الترند المرسوم على شارت الساعه+ المستوى 208.50 وباختراقهما سوف ندخل شراء بهدف مستوى 210.52 والاستوب 95 نقطه

---

خرجنا من الصفقه بربح 150 نقطه .. الحمدلله

اقتباس:

---

المشاركة الأصلية كتبت بواسطة أحمد سليمان

تحليل اليورو ين:

الترند العام : صاعد

يحاول الزوج اختراق الترند المرسوم على شارت الاربع ساعات + مستوى 155.72 وباختراقهما سوف ندخل شراء والهدف مستوى 157.95 مع الحذر الارتداد من مستوى 157.08 والاستوب 90 نقطه

---

اغلقنا الصفقه بربح 140 نقطه ..الحمدلله

اقتباس:

---

المشاركة الأصلية كتبت بواسطة أحمد سليمان

بسم الله الرحمن الرحيم

تحليل الاسترالي دولار:

الترند العام: صاعد

اختراق المستوى 0.8715 وخط الترند المرسوم على الاربع ساعات ...سوف ندخل من اعاده اختبار المستوى المذكور والهدف مستوى 0.8825 والاستوب 0.8645

---

اغلقنا باقي العقود على ربح 70 نقطه ..الحمدلله

اقتباس:

---

المشاركة الأصلية كتبت بواسطة الحاكم بأمر الله

بارك الله فيــــــك أخى أحمد سليمان على هذه التحليلات الرائعه

---

شكرا جزيلا أخي الكريم

اقتباس:

---

المشاركة الأصلية كتبت بواسطة zx10

السلام عليكم
أخي الكريم أحمد
لم ألاحظ تحليلك إلا متأخر و لكن
الحمد لله دخلت في صفقتين
يورو ين +38 نقطة
باوند ين +42 نقطة

بارك الله فيك و جزاك خير الجزاء

---

شكرا جزيلا لك أخي واتمنى لك متابعه جيده للتحليلات في المرات القادمه

اقتباس:

---

المشاركة الأصلية كتبت بواسطة nouk_101

الحمد الله تحققت العقود لكن انا بصراحة خفت ادخل الباوند مش عارف لية،، انا كنت متابع معك لكن كان فى مشكلة فى الرد فى المنتدى على ما اظن
اسف على التأخير كان فى اسئلة كتيرة اوى عايز اسئلها
و استحملنى معلش عايزين نتعلم منك :)
بالنسبة للترندات انا لاحظت انك بترسمها مرة على الساعة و مرة على 4 الساعات ،، ؟؟؟
و بالنسبة للدعوم و المقاومات اسألك الله ان تهدينى و تقلى ازاى احددها ،، انا تهت بين المستويات دية فايبو و اسبوعى و مؤشرات الاستاذ عطارو خطوط السعر 00-100 ،،،، لغاية ما زهقت و سبتها من حيرتى فى اختيار المستويات
يا ريت لو حضرتك تتفضل و تقولى انهى احسن طريقة لرسم مستوياتك و طريقة رسمها ؟
هو التحليل الكلاسيكى ممكن يتوافق بردة مع العملات السريعة زى ما حضرتك محلل على المجنون ؟
و بانسبة للردود انا قصدى على التقدير و الشكر ، و انا عارف انك حضرتك طبعا تاعب نفسك علشان تفيد المتاجرين :)
و شكرا و جزاك الله خيرا

---

اهلا بيك مره تانيه اخي العزيز , بالنسبه لاسالتك انا هشرح الفكره العامه وهيكون الرد على اسالتك في خلال الكلام .. في البدايه قبل ماتحلل أي زوج لازم تحدد الاتجاه العام ليه وده هيساعدك جدا في باقي التحليل...ازاي؟ لان لو عرفت الاتجاه العام صعود مثلا هتختار المستويات اللي ممكن السعر يخترقها لاعلى وبكده هتحدد تركيزك هيكون فين بالظبط كذلك خط الترند ... بالنسبه ليا أنا بحدد الاتجاه العام على شارت الدايلي باسلوب مختلف يمكن عن باقي المحللين ... اغلب المحليين بتحدد الاتجاه العام للزوج عن طريق حركته بعدد معين من الشموع في اتجاه واحد وده انا مش مقتنع بيه تماما لان ببساطه كده السعر هيكون اتحرك كتير جدا في نفس الاتجاه اللي أنا لسه هدخل فيه وممكن يكون استنفذ حركته أو مجرد يقابله مستوىدعم او مقاومه ممكن يرتد منه بسهوله وبالتالي هيكون دخولي مش قوي او بالاصح مش مع بدايه الترند ... وأفضل اسلوب لتحديد الاتجاه العام هيه بمستويات دعم ومقاومه قويه على شارت الدايلي أو الديفرجنس على نفس الفريم او الاتنين معا ..
طيب دلوقتي ازاي اضمن ان المستوى اللي انا حددته على الدايلي هيخترق او هيرتد منه وبالتالي اعرف الاتجاه العام؟ ده دور تحليلك على شارت الاربع ساعات والساعه , لو حللنا الدايلي وخرجنا من ارتداد من مقاومه قويه ...اللي يؤكد ده هوا اختراق دعم + ترند على الساعه مثلا ويكون الترند مرتكز على 3 ارتكازات بالتالي بعد اختراق الدعم وخط الترند هيكون اتاكدنا ان الاتجاه العام صحيح وأن هيكون هبوط وبكده عرفنا اتجاه حركه الزوج واتاكدنا منه من دخولنا على فريم الساعه + نقطه دخولنا هتكون قويه جدا لاننا دخلنا من مستوى قوي+خط ترند قوي+ مع الاتجاه العام اللي لسه هيتكون .

بالنسبه للدخول من شارت الساعه أنا مش بدخل الا في حاله كان دخولي مع اتجاه الترند اللي انا حددته
بالنسبه للدخول من شارت الاربع ساعات مش مهم يكون الدخول في اتجاه الترند العام ,بس لو كان مع الاتجاه العام الفرصه هتكون اسهل واقوى واسرع زي فرص النهارده .
بالنسبه لتحديد الدعوم والمقاومات ...بصراحه جميعا بنلاقي صعوبه في تحديدها وبتختلف من محلل لآخر وممكن كمان مع الاختلاف ده يكون جميعها مستويات صحيحه وقويه !! المهم انك تجرب تستنتج المستويات دي بنفسك ومع التجربه هتلاقي نفسك بتقدر تحددها بشكل سليم .....أنا كنت بلاقي صعوبه في بدايتي وكنت بتهرب دايما من التحليل الكلاسيكي باستخدام الدعم والمقاومه بس بالنهايه وبعد تجارب كتيره مع طرق مختلفه لقيت ده احسن واصدق تحليل بس اللي يجيد اتقانه وده هييجي بالتدريج والتحليل المستمر والتركيز على ازواج معينه حتى تجيد تحليلها ..
بالنسبه لازواج اللي حركتها سريعه ...أنا بجيد تحليلها بشكل كبير وبلاقيها بتحترم التحليل الكلاسيكي جدا عن ازواج تانيه ..يعني فرضا فيه فرصه على المجنون والباوند دولار ..انا هختار فرصه المجنون لانه فعلا بيحترم التحليل بالشكل ده عن الباوند دولار ودي عن تجربه ...كذلك اليورو استرالي من الازواج اللي بتحترم التحليل بهذا الشكل .
يارب اكون افدتك وجاوبتك على اسالتك .

اقتباس:

---

المشاركة الأصلية كتبت بواسطة nouk_101

ما شاء الله والله انا ما شفت تحليل منظم و دقيق و ملتزم بالدرجة دية
حضرتك لما يكون فى وقت فاضى تفضل بالاجابة ،، انا متابع معك


فى بس ملحوظة و هى يمكن مقصودة من حضرتك ام انها على حسب السوق ؟؟
ان دايما بيبقى الكسر بتاع الترند فى نفس المكان لكسر مستوى دعم او مقاومة معين مما يأكد الدخول ؟؟؟ هل هذا مقصود ان حضرتك بتطرح المواضع اللى مثل هذى كسر ترند و مستوى ؟؟

مش شرط يكون في نفس مكان كسر خط الترند ..ممكن يكون المستوى بعد الترند ويكون حصل اختراق للترند بس المستوى لسه وبننتظر اختراقه والدخول بعدها واظن كان فيه حاله مشابهه حصلت وكتبتها هنا في الموضوع

بالنسبة الى تحليل اليورو اسيرلينى ؟؟؟؟ الترند على اربع ساعات كان مكسورعلى الساعة لكن بارتداد
و على الاربع ساعات اخترقتة جسم الشموع ،،، هل هذا عادى ،، هو حضرتك بترسم الترند على الجسم ولا الذويل ولا صورة تقريبية ،، اصلة على الاربع مخترق بالذيول !!!

الحاله دي كان التحليل على الاربع ساعات واحيانا لما بترسم ترند ع الاربع ساعات وبتتنقل على شارت الساعه بيحصل تداخل خط الترند مع شموع شارت الساعه وانا مش بحب انقل الخط او اغير في رسمه وبسيبه زي مارسمته على الاربع ساعات وبنتظر تحقق شروط من اختراقه واختراق المستوى ..بالنسبه للصفقه دي مدخلناش لسه لان محققش شرط اختراق خط الترنند والمستوى اللي ذكرته بل ارتد منها وده يدل على قوه المستوى (المنطقه باكملها)

معلش انا بسأل كتير اصلى اول مرة اشوف تحليل كدة و الله العظيم ،، فى طبعا تحليل لاعضاء جميل ايضا حتى لا نظلم احد لكنة معقد للغايييييييية و غير مريح نفسيا :)
انما التحليل دة داخل دماغى اوى :)
و يا رب مكنتش كترت عليك يا اخى الكريم

ولايهمك اسال زي ماتحب

و السلام عليكم و ربنا يوفقك

---

الرد داخل الاقتباس

اجابة وافية ما شاء الله جزاك الله خيرا ،،،
هو حضرتك بتبدا تحلل او تتابع السوق من الساعة كام ؟؟؟ علشان اتابع مع حضرتك من الصباح و ميفتنيش تحليل ؟؟

و شكرا لك والسلام عليكم