إلى عشاق التوصيات ... و الباحثين عن المليون

بعد اتهامى من بعض الاخوة الكرام بالتفلسف و اللف و الدوران

او كما يقال فى مصر (الفزلكة)

كتبت هذا الموضوع ليكون آخر موضوع و آخر مشاركة فى هذا المنتدى الجميل و الذى أدين له بالفضل بعد الله سبحانه و تعالىو أقسم بالله العلى العظيم ....أقسم بالله العلى العظيم اننى لن أكتب حرفا واحدا بعد الآن فى هذا المنتدى الجميل

لكن تحملوا (فلسفتى ) و فزلكتى لأن عندى نصيحة اريد ان نقلها و تكون آخر ما اودعكم به

الكلام موجه لعشاق التوصيات و الباحثين عن الملايين

أثارنى جدا طلب التوصيات المباشرة و الاعتماد عليها فى المتاجرة

ايه يا جماعة هوه احنا مش ناوين نتعلم و لا ايه يا جماعة ؟؟؟؟؟؟؟؟؟

خدوا بالكم انالعمل فى المنتديات عمل تطوعى لنشر ثقافة الاستثمار المتمثله فى التحليل المالى و الفنى و هما ادوات اى شخص يعمل باسواق المال

بلاش كده طب لوصاحب التوصيات عنده ظروف ايآ كانت و مش موجود لفترة هاتتصرف ازاى ؟؟؟؟؟؟؟؟؟؟و لا يحك لك ظهرك سوى ظفرك فبرجاء ان نحاول ان نتعلم مما يعرض علينا من شارتات الى جانب مجهود ساعتين كل يوم قراءة فى التحليل الفنى صدقونى ها تستفيدوا كتير

التعليم دون تكلفة سوى الوقت و الجهد و ما عليك سوى ان تبحث فى مواضيع المنتدى و اقسامه المختلفةو

أهم الاشياء التى يمكن ان تتعلمها
- خطوط التريند
- الدعوم و المقاومات
- النماذج الفنية
- نسب الفيبوناتشى

استودعكم الله ...و اتمنى ان يرتاح اخوانى منى و ألا يبتليهم بأمثالى مرة أخرى

إيههههههههههههههههههههههههههههههه
ليه كده يا أمجد إنت بتهذر

وإحنا من إمتى بنتأثر بالعواء

صلى على النبى
لو كل واحد عشان إتهاجم ساب الدنيا ومشى مش هانلاقى حد
هو أنت أحسن من نبينا عليه أفض الصلاة والسلام
إتخذه قدوه

هو إتحارب وتعذب قد إيه

إتخـــــذه قـــــــدوه


وخذ مثلا أخر



أبو عبدالله قائد فرسان المليون
واجه فى البداية معوقات كثيرة
منهم مهاجم . ساخر . مهبط للعزيمة و ناقد غير بناء
ألقاهم خلف ظهره
وماذا كانت النتيجة فى الأخر

مثلاً يحتذى به الجميع

سر كما أنت وستجد الكثير بجوارك
وأعداء النجاح خلف ظهورنا
وهم الخاسريين

يا أمجد مش هقولك غير حاجه واحده بس

الناس عاوزه تكسب
صدقنني هتلاقيهم نازلين تسقيف واما تخسر مره ينزلو عليك السخط

سيبك يابني من كلام الناس انت مبتسمعش جورج وسوف ولا ايه؟

اخى الكريم
اخشى ما اخشى ان يكون هذا مصير جميع من يعطى نصائح صحيحة و ليس دعاية و فزلكة على رايك
اتمنى التوفيق لك فى كل الحالات

اقتباس:

---

المشاركة الأصلية كتبت بواسطة امجد محمد

أقسم بالله العلى العظيم ....أقسم بالله العلى العظيم اننى لن أكتب حرفا واحدا بعد الآن فى هذا المنتدى الجميل

مرة أخرى

---

استغفر الله العظيم لماذا هذا القسم هل انت مجبور عليه ؟؟؟؟
لاحول ولاقوة الا بالله

براحتك لكن لايحتاج الى قسم بالله العظيم

بالتوفيق والنجاح في المجالات الأخرى
وربنا يرزقك ويرزقنا وجميع المسلمين من واسع فضله

استهدى بالله كدة و صلى على النبى

مهما كانت الردود يا اخى فلا تتخذ قرار وقت الغضب استهدى بالله واستغفرة وابعد عنك الشيطان الذى يفرح عند المصائب اخذلة ولا تكن ممكن اتبع اهواء الشياطين فارجو منك ان لا تحزن لان الكل هنا يعمل من اجل المصلحة العامة وان كان هناك قلة لا يهمة ما يحدث فلا تعيرهم اهتمام واجعل العقبات طريقا للنجاح ولا تجعلها سدا منيعا للوصول لهدف
اتمنى من الله لا تحلف مرة اخرى على اى شىء فلا شىء فى هذة الدنيا يستاهل القسم بالله فالقسم بالله غالى
والله الموفق

ايه يا أستاذ أمجد الموضوع ده

أنت أكبر من أي واحد يتهمك بحاجة

انا قرأت مشاركتك امبارح وكانت كلها كلام عين العقل

ودلوقتي انا معاك في كل حرف ما عدا انك تسيب المنتدي

أرجوك يا غالي لو ليا خاطر عندك ما تسيب المنتدي

انا هحاول أكلمك بس مش معايا رقمك

يا أستاذ أمجد انت يمكن ماتعرفش اني اتعلمت منك حاجات كتير جدا

يا غالي انت ناقل للمنتدي 3 استراتيجيات روعة وانا تابعتهم وكسبت منهم

راجع قرارك وسيب اللي يتكلم يتكلم

لو بالطريقة دي يبقي انت أكيد ماشفتش اللي حصل امبارح في موضوع نماذج الشارت والمجزرة اللي قامت والاختلافات والاعتراضات

يا باشا سيب شوية العيال (معلش في الكلمة) اللي داخلين يقولو اي كلام ويعملوا اي حاجة ويقرفونا معاهم يعملوا اللي هما عايزينه

لكن انت احنا محتاجينك ومحتاجين مشاركاتك

ازاي نخسر واحد زيك في حين ان ظفرك برقبة أكبر واحد فيهم

انت استفيد منك استراتيجيات وكلام كله خبرة وهم لا أري منهم سوي وجع البال والدماغ وحرق الدم والتشكيك في أكبر سوق في العالم لمجرد أنهم بعض الجهلة ممن ظنوا انفسهم في صالة بوكر يلعبون القمار وهي لعبة إما خسرت وإما كسبت

ماذا أقول غير حسبي الله ونعم الوكيل

ولو انت سبت المنتدي انهاردة يبقي ده هيكون مصيرنا كلنا بكره

اتمني ان تعدل عن قرارك استاذي الفاضل انت من الناس اللي بحترمهم وبحبهم ويعلم الله غلاوتك عندي قد ايه