السلام عليكم ورحمة الله وبركاته
كيف الحال يا شباب واحشني جدا .. إن شاء الله بعد الإمتحانات أعود معاكم علي طول
لقيت نفسي فاضي قلت اطرح الموضوع ده لأنه مهم جدا جدا الحقيقة ومش واخد حقه
دايما نلاقي استراتيجية واحدة وعشرة بيطبقوها ومن العشرة دول مثلا 4 بيكسبوا و6 بيخسروا مع إنهم بيدخلو مع بعض وبيخرجوا مع بعض
يا تري إيه السبب وليه لما هي استراتيجية واحدة الاتنين مش بيكسبوا؟
نلاقي العديد من الاستراتيجات الناجحة التي تسد عين الشمس في المنتدي ماشاء الله ونري يوميا واحد يطلع علينا يقولنا يا شباب الفوركس ده وهم وكأنه اكتشف اكتشاف يعني :0023:
أو كأن الناس اللي في المنتدي دي ناس فاضية بتضيع وقت كأنهم بيشاهدوا فيلم كوميدي
طيب ايه رأيكم لو قلتلك بكل استراتيجية أقدر اكسب ازاي
تعالو نبدأ بالاستراتيجيات العملاقة والتي لاقت إقبالا جماهيريا غفيرا في المنتدي
1- الترند المكسور أو طريقة السلاحف لمبدعها الأستاذ ليكويد
انت بتدخل علي فريق السلاحف تاخد الفرص المعتمدة من أستاذنا أبو عبد الله وتنتظر اكتمال شروط الفرصة وتدخل
بس خد بالك تظبط الاستوب لوس بحيث انه مايستهدفش 2% من رأس مالك ...
يعني أيه يعني لو انا عندي 40 نقطة استوب مثلا يبقي ادخل ب5% من رأس مالي مع رافعة 1:100 وبكدا لو خسرت يبقي أنا خسرت 2% من رأس مالي
دايما فكر في الخسارة قبل الربح (علي رأي أستاذ سمير صيام :0023:
طيب لو الاستوب 20 نقطة يبقي تدخل ب10% من رأس مالك وهكذا
تيجي تلاقي نفسك في الآخر محصلتك ربح وعمرك ما تتعرض لحاجة اسمها مارجن كول او حتي عمرك ما هتخسر جزء كبير من حسابك وبالتالي تتعرض للضغوط النفسية والرعب من المتاجرة )
*************
طيب نشوف بقي استراتيجيات المجنون
وطبعا عارفين المجنون اللي هيتهور هيتعور وتعويرة الوش مافيهاش معلش :boxing:
طبعا الاستراتيجة التي لاقت نجاحا رهيبا بإصداراتها الأولي والثانية وهي استراتيجية صبح صبح
قوة صبح صبح تكمن في اعتماد مبدعها بوحة علي التحليل الكلاسيكي بالإضافة للاستراتيجية
لكن صبح صبح لا تستخدم الاستوب لوس والحمد لله أرباحهم أكبر
لكن لو هتتبع هذه الاستراتيجية يبقي أولا ممنوع الدخول بأكثر من 2% من رأس مالك مع رافعة مالية 1:100
ليه .. افرض لا قدر الله السعر عكس بشمعة ليموزين فيها مثلا 250 نقطة لا قدر الله يبقي انت لو داخل ب 10% خسرت ربع رأس مالك
هتقولي طيب 2% دي تعمل ايه في الزمن ده .. اقولك مشكلتك انت ان راس مالك صغير مش مشكلة السوق و2% مع أرباح ماشاء الله أكثر من رائعة مع بوحة يبقي إن شاء الله ربح مؤكد ولو قليل هيبقي ممكن 25% من حسابك آخر الشهر
*************
استراتيجية أنا والعاقل للأستاذ الكبير عبده المصري
الاستراتيجية التي لاقت نجاحا كبيرا في الفترة الأخيرة لبساطتها وفاعليتها الكبيرة ..
الأستاذ عبده المصري بيشتغل مع المجنون شغل علي ميه بيضاء :0023:
يعني بيشتغل باستوب وفي فرص مع الترند وفرص عكس الترند
طبعا انا مش متمرس في الطريقة أوي بس هقولكم علي المفيد
أعتقد الاستوب تقريبا 85 نقطة .. عايزك تسأل نفسك سؤال .. يا تري لو انا دخلت ب 10% وحسابي مثلا 1000 دولار استحمل استوبين يتضربوا ورا بعض :mad_argue:
أكيد لأ لأني كدا ابقي خسرت 170 دولار يعني 17% من حسابي
طيب اشتغل ازاي .. اظبط حالي بحيث ان ضرب الاستوب ده مايخسرنيش غير 2% من حسابي يعني 85 نقطة يبقي أدخل بـ3 % كحد أقصي وده كان من شروط الأستاذ عبده المصري علي ما أذكر وبالطبع الفرص الناجحة أكبر بكثير من الخاسرة وأقدر أحقق مكسب آخر الشهر وممكن 30% من حسابك علي الأقل بلا طمع وبلا خوف وبلا مخاطرة غير مأمونة العواقب
*************
هذه طريقتي يا مراقب لمبدعها مشروع مليونير
هذه الاستراتيجية الكلاسيكية الرائعة التي أعتبرها من أنجح الاستراتيجيات لأنها تعتمد علي القمم والقيعان والكسر والاختبار مثل أي استراتيجية قوية
يمكنك بالتأكيد الدخول في الفرص التي أراها تحقق أرباح ممتازة لكن هنا وأنا بحدد الاستوب بردو أخد بالي فلو الاستوب مثلا 100 نقطة يبقي ادخل ب2% من حسابي ولو 50 نقة يبقي 4% من حسابي وهكذا
*************
استراتيجية الأخ سرحان للباوند ين واليورو ين
ورغم اختلاف معظم الناس علي قوة الاستراتيجات الرقمية إلا اني أوكد ان اتباع إدارة رأس مال جيدة يجعلك تربح من هذه الاستراتيجية وهذا أكيد إن شاء الله
يعني في استراتيجية الأستاذ سرحان يجب عليك ان تحسبها بدقة .. ازاي .. انا مثلا عندي اليورو ين وقفه 40 نقطة يبقي أدخل بـ2% وعندي الباوند ين وقفه 60 نقطة يبقي أدخل ب2% أيضا مع المخاطرة في ذلك
*************
ملخص الحلقة
الموضوع يا شباب مش موضوع استراتيجية ناجحة واستراتيجية فاشلة الموضوع كله في الإدارة البشرية (أعذروني قاعد بذاكر مواد تجارة) :0023:
والإدارة البشرية هنا إدارة رأس المال صح وإدارة المخاطر صح وإدارة نفسيتك والتحكم في طمعك وخوفك صح
يعني هظبط نسبة دخولي هبقي قاعد مطمئن هكسب مكسب مستمر لو خسرت هخسر قليل وبكدا يبقي مفيش خسائر خالص إن شاء الله
*************
دلوقتي عايز أصحاب الإدعاءات ان الفوركس وهم يقولولي ازاي هيخسروا لو اتبعوا إدارة رأس المال بالطريقة دي
*************
اللي قال الفوركس وهم وأتحدي وأكاد أجزم ان هو بيدير رأس ماله غلط او إن راس ماله قليل وعايز يعمل منه ملايين في غمضة عين فأكيد هيصحي علي الكابوس ويطلع يجيب العيب في السوق ونسي ان العيب منه هو في كل حاجة
صدقوني كلمة السر في الفوركس هي إدارة المال وإدارة النفس
*************
هل من معارض
