المتداول العربي من نظري ....(نصائح لواحد مبتدئ)

[Dr.GM]

اتمنى ان الصوره دي ممكن تساعد واحد مبتدء بشكل او بآخر (محدش يسألني ازاي)
انا كنت بجرب برنامج جديد بيلتقط صور لكامل صفحه الويب

جميع الآراء لا تمثل بالضروره رأي كاتبها



ويارب تكون خلت اي حد يبتسم ولو جزئيا


تحياتي

[سمير صيام]

حلوة خريطة الطريق دى بس انا توهت فيها مش عارف دخلت منين وهخرج منين
استنى ارجع من الاول عشان متوهش

[عِماد نُعمان]

هههههههههههههه

ولله حاجة جامدة جدا .. انا قريتها كلها و مبطلتش ضحك .. حتى المدام افتكرت ان الفوركس جنني


حلوة اشتات اشتووت اطلع يا كتكوت دي

[وليد الحلو]

و الله دمك عسل يا دكتور
انا نفسى اعرف عملت الصورة دى فى كام ساعه
ربنا يروق بالك دائما


سؤال فنى قولى طريقه لقط صورة طويله زى دى و اكون شاكر

ودى و تقديرى

[!.. خيـــــال ..!]

..

خطــــــــــــــــييير ياراجــــــــــــــــــل ..

بس باقي تعطــينا البرنامج ..

..

[Spacer5]

خطيررررررررررررررة والله
زى العسل يا محمود

[سمير صيام]

و الله دمك عسل يا دكتور
انا نفسى اعرف عملت الصورة دى فى كام ساعه
ربنا يروق بالك دائما


سؤال فنى قولى طريقه لقط صورة طويله زى دى و اكون شاكر

ودى و تقديرى

..

خطــــــــــــــــييير ياراجــــــــــــــــــل ..

بس باقي تعطــينا البرنامج ..

..

البرنامج فى الرابط الاتى
وموجود مشاركة لاخونا محمود فى اخره شرح استخدامه

https://forum.arabictrader.com/t26714.html

[أبو أيمن المصري]

جامدة جدًا فعلاً

و الله دمك عسل يا دكتور
انا نفسى اعرف عملت الصورة دى فى كام ساعه
ربنا يروق بالك دائما


سؤال فنى قولى طريقه لقط صورة طويله زى دى و اكون شاكر

ودى و تقديرى

نفس السؤال برضه!!

[أبو أيمن المصري]

البرنامج فى الرابط الاتى
وموجود مشاركة لاخونا محمود فى اخره شرح استخدامه

https://forum.arabictrader.com/t26714.html

البرنامج إياه معمول له كراك

وبصراحة لا أستحل استخدام الكراكات

مفيش حاجة مجاني؟

[Dr.GM]

الحمد لله انها دخلت البسمه عليكم خصوصا خلال الاوضاع اللي بيمر فيها السوق

بالنسبة للبرنامج اسمه ScreenShot Studio وهو برنامج (مجاني) يقوم بتصوير الموقع كاملا ولكن ليس الشاشه بالكامل كما هو الاسم ... وبه أدوات تعديل بدائية لاضافه تعليقات و غيرها (زي اللي موجوده في الصوره السابقه)
البرنامج هو تعديل اضافي على متصفح fire fox وبالتالي لا يمكنك استعماله إلا لو كان عندك المتصفح السابق
برنامج التصفح هتلاقيه هنا http://www.mozilla-europe.org/en/products/firefox/
والبرنامج اللي بياخد الصور هتلاقيه هنا http://screenshot-program.com/fireshot/
مع ملاحظة ان البرنامج ده اضعف بكتير عن برنامج SnagIt (اللي متثبت هناك في الاستراحه) بس (شخصيا) لقيت انو إلى حد ما له فايده معقوله

الحل التاني هو انك تستخدم الزرار PrtSc على الكيبورد (احيانا بينكتب Print Screen ) وتضغط عليه لما تحب تصور الشاشه وبعدين تروح لبرنامج الرسام painter المرافق للوندوز وتضغط Control+V هتلاقي الصوره اللي انتا صورتها انطبعت على شاشه برنامج الرسام قدامك ... ممكن بقا ترسم اللي انتا عايزة وتلون وتقص وتلزق براحتك ... كأنها حصه تربية فنيه

الحل الثالث بالنسبة للصور في برنامج الميتاتريدر اللي انتا محتاجه هتلاقيه في البرنامج .... انتا كل اللي عليك انك ترسم الترندات والمستويات اللي انتا عايزها و بعدين تختار الاداه A وتكتب تعليقك على الموضوع (تحليلك) وبعد ما تخلص تضغط كليك يمين على الشارت وتختار Save As Picture او حفظ كصوره ... وبعدين تحدد انتا هتحفظها فين على الجهاز (متعملش زيي وتنسى المكان) ... بعد كدا لما تيجي هنا في المنتدى ابقا ارفعها

دول هما الثلاث طرق المجانيه تغطي احتياجاته الشخص ... بس لو حد حب يشتغل على snagit وشغل كراكات و سيريالات ... الله معه

يا استاذ سمير انا دخلت بيع في الباوند من عند الترند دلوقتي ... خلي بالكو بقا

[سمير صيام]

يا استاذ سمير انا دخلت بيع في الباوند من عند الترند دلوقتي ... خلي بالكو بقا

وانا بقول النزول اللى بيحصل ده ليه اتاريك داخل بمحفظتك
انا لن ابيع الا اذا كسر القاع لانه هيكون كسر الترند الصاعد

[Dr.GM]

حلوة خريطة الطريق دى بس انا توهت فيها مش عارف دخلت منين وهخرج منين
استنى ارجع من الاول عشان متوهش

قلنا للمبتدئين يا عم سمير ... انتا مبتدئين انتا !!!!

هههههههههههههه

ولله حاجة جامدة جدا .. انا قريتها كلها و مبطلتش ضحك .. حتى المدام افتكرت ان الفوركس جنني


حلوة اشتات اشتووت اطلع يا كتكوت دي

صراحه اصلي ملقتش تفسير للي بيحصل في طرق بتتخطى العقل والمنطق والتفكير وكل حاجة ومع ذلك بتكسب ... حاجة تغيظ يعني الصراحه (كلامي مش على الموضوع بس على الشخص "جان" نفسه )

و الله دمك عسل يا دكتور
انا نفسى اعرف عملت الصورة دى فى كام ساعه
ربنا يروق بالك دائما


سؤال فنى قولى طريقه لقط صورة طويله زى دى و اكون شاكر

ودى و تقديرى

هما عشر دقايق ... مش اكتر
وانا حطيت الطريقه في الرد السابق لده
وربنا انتا اللي مرورك عسل يا باشا

تحياتي

..

خطــــــــــــــــييير ياراجــــــــــــــــــل ..

بس باقي تعطــينا البرنامج ..

..

خطير .... قصدك ارهابي يعني ؟؟
البرنامج في الرد السابق
تحياتي

خطيررررررررررررررة والله
زى العسل يا محمود

خطير برضو
تسلم يا باشا

جامدة جدًا فعلاً



نفس السؤال برضه!!

تسلم على مرورك
واجابه السؤال في الرد السابق


تحياتي للجميع

[Dr.GM]

وانا بقول النزول اللى بيحصل ده ليه اتاريك داخل بمحفظتك
انا لن ابيع الا اذا كسر القاع لانه هيكون كسر الترند الصاعد

يا باشا احنا مبيهمناش لا قاع و لا جبل ...
بعون الله العيال بتاعت عزبه الفتح .... هيعملو قناه جديده هابطه ... ولا قناه السويس ...
اتقل بس عليهم على ما يسخنوا

[ابن المدينة]

ما شاء الله

ابداع ومجهود جبار

[وضاح عطار]

جميل جدا

شكرا لك